ꓣꓦꓮ ꓡꓲ-ꓢꓴ ꓓꓳꓽ

1ꓸ ꓑꓴ-ꓔ-ꓳ ꓟꓯꓼ ꓘꓰꓹ ꓢꓴ ꓞꓳ ꓣꓳ (689) ꓣꓳ ꓐꓱ ꓶ ꓣꓱꓽ ꓫꓵꓽ ꓣꓱꓽ ꓙꓰꓽ ꓕꓲ ꓐꓱ ꓐꓰ ꓮ ꓡꓴ ꓒꓴ ꓖꓶ ꓓꓳ ꓡꓰˍ ꓟ ꓓꓳꓽ

ꓗ-ꓬꓴꓸ-ꓠꓽ ꓫꓱꓸ ꓤ ꓟꓬꓱꓽ ꓬꓰ ꓜꓴꓻ ꓟꓲ-ꓚꓲ-ꓠ ꓗꓪ ꓐꓰ ꓑꓴ-ꓔ-ꓳ ꓡꓳ ꓒꓱ ꓗꓪ ꓟ ꓟꓯꓼ ꓘꓰꓹ ꓑꓬꓸꓸ ꓢꓴ ꓐꓴ ꓔꓯꓸ ꓣꓱꓽ ꓫꓵꓽ ꓣꓱꓽ ꓙꓰꓽ ꓕꓲ ꓐꓱ ꓐꓰ ꓮ ꓡꓴ ꓒꓴ ꓖꓶˍ ꓟ ꓔꓯ 3ꓦ ꓟ 22 ꓠꓬꓲ ꓗꓪ ꓐꓰ 28 ꓠꓬꓲ ꓘꓴꓽ ꓗꓪ ꓬꓰ ꓓꓳ ꓡꓰꓳ= ꓒꓸ-ꓟ꓾ ꓢꓴ-ꓑꓲ-ꓬꓮꓥ꓾ ꓡꓴ-ꓫꓬ-ꓬꓮꓥ ꓗꓪ ꓟ ꓞꓳ ꓣꓳ (676) ꓣꓳ ꓐꓴ ꓐꓱ ꓶ ꓥ ꓢꓲ꓾ ꓞꓳ ꓦꓲꓸꓹ (161) ꓦꓲꓸꓹ ꓐꓱ ꓶ ꓣꓱꓽ ꓬꓯꓼ ꓔꓬꓹ ꓟ ꓮ ꓙꓵ ꓔꓯ ꓖꓶ ꓓꓳ ꓡꓰꓳ꓾ ꓐꓰ ꓢꓷꓸ ꓪ ꓡꓰꓳ=    

2ꓸ Russia ꓐꓰ Ukraine ꓢꓲꓸꓸ ꓡꓲ ꓐꓰ ꓗꓷ ꓡꓰ ꓠꓹ ꓟ ꓐꓱ ꓶ ꓖꓪ ꓙꓱ ꓡꓯ ꓘꓳ ꓪꓴꓸ ꓔꓴˍ ꓟ ꓓꓳꓽ

Russia ꓐꓰ Ukraine ꓢꓲꓸꓸ ꓡꓲ ꓐꓰ ꓗꓷ ꓡꓰ ꓠꓹ ꓟ ꓐꓱ ꓶ ꓖꓪ ꓙꓱ ꓡꓯ ꓘꓳ ꓪꓴꓸ ꓔꓴˍ ꓟ ꓔꓯ ꓮ ꓟꓶ ꓔꓴ-ꓣ-ꓗꓲ ꓗꓴꓷꓼ Istanbul ꓡꓳ ꓒꓱ ꓗꓪ ꓪꓴꓸ ꓔꓴ ꓔꓬ ꓡꓳ꓾ ꓐꓰ ꓢꓷꓸ ꓪ ꓡꓰꓳ= ꓖꓪ ꓙꓱ ꓡꓯ ꓘꓳ ꓓꓴ ꓟꓽ ꓬꓰ ꓕꓯ ꓔꓴ-ꓣ-ꓗꓲ ꓗꓴꓷꓼ ꓙꓵꓽ ꓢꓲꓽ ꓒꓽ ꓔꓰ-ꓬꓲꓸꓼ-ꓮ-ꓓꓳ-ꓖꓯ ꓡꓰ ꓬꓲ ꓪꓴꓸ ꓫ ꓕꓱ ꓗꓷꓳ=

ꓖꓪ ꓙꓱ ꓡꓯ ꓘꓳ ꓓꓴ ꓕꓱ ꓟ ꓗꓪ ꓐꓰ ꓙꓲˍ ꓟ ꓓꓳ ꓡˍ ꓥꓳ꓾ ꓐꓰ ꓙꓽ ꓟꓶˍ ꓟ ꓡꓰ ꓐꓰ ꓬꓰ-ꓠ ꓒꓵꓽ ꓞꓰ ꓡꓰꓳ꓾ ꓐꓰ ꓢꓷꓸ ꓪ ꓡꓳ=

Russia - Ukraine ꓗꓴꓷꓼ ꓬꓲ ꓛꓲꓺ ꓐꓴ ꓠꓬ 2 ꓦ ꓟ 28 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ ꓒꓬꓱꓽ ꓔꓳꓹ ꓟꓬ ꓔꓳꓹ ꓜꓲ ꓡꓯꓽ ꓘꓳ ꓢꓲ ꓠꓬꓲ ꓖꓪ ꓙꓱ ꓗꓷꓳ= 4 ꓧꓪꓹ ꓕꓲ ꓧꓪꓹ ꓗꓪ ꓠꓬ ꓳꓠꓡꓲꓠꓰ ꓗꓪ ꓐꓰ ꓖꓪ ꓙꓱ ꓗꓷꓳ=      

3ꓸ Hakha ꓢ-ꓢꓶ-ꓠ  ꓗꓪ ꓔꓲꓸꓸ ꓒ ꓙꓵꓽ ꓪ (4) ꓣꓳ ꓘꓳꓹ ꓣꓴ ꓟꓶ ꓡꓰ ꓟ ꓓꓳꓽ

ꓡꓳꓹ ꓬꓰ ꓟ 26 ꓠꓬꓲ 3 ꓦ 2022 ꓘꓳꓼ ꓕꓯ Hakha ꓢ-ꓢꓶ-ꓠ ꓗꓪ ꓔꓲꓸꓸ ꓒ ꓓ Lucius Hre Kung ꓡꓯꓽ ꓒꓯꓹ ꓗꓪ ꓔꓲꓸꓸ ꓒ ꓬꓲ ꓫꓵꓼ (4) ꓪ ꓠꓬ ꓕꓲ ꓞꓲꓼ ꓕꓲ ꓑ ꓔꓲꓸꓸ ꓒ ꓙꓵꓽ ꓪ ꓔꓯ ꓘꓳꓹ ꓣꓴ ꓪ ꓡꓰꓳ꓾ ꓐꓰ ꓢꓷꓸ ꓪ ꓡꓳ= ꓔꓲꓸꓸ ꓒ ꓙꓵꓽ ꓪ ꓔꓯ ꓘꓳꓹ ꓣꓴ ꓪ ꓢꓴ ꓐꓴ ꓠꓬ ꓔꓲꓸꓸ ꓒ Anthony Kee Mang Shing꓾ ꓔꓲꓸꓸ ꓒ Matthew Ling Ghung ꓐꓰ ꓔꓲꓸꓸ ꓒ Michael Yaw Cheng ꓔꓲꓸꓸ ꓒ Peter Om Shing ꓐꓴ ꓥ ꓡꓳ꓾ ꓐꓰ ꓢꓷꓸ ꓪ ꓡꓰꓳ=