ꓣꓦꓮ ꓡꓲ-ꓢꓴ ꓓꓳꓽ

1 ꓚꓳꓦꓲꓓ-19 ꓑꓶ ꓓꓴ ꓕꓲ ꓫꓵꓽ ꓬꓲꓸ ꓘꓴꓽ ꓗꓪ ꓫꓵꓸꓹ ꓢꓴ 9 ꓣꓳ ꓐꓰ ꓠꓸꓹ ꓢꓴ 2000 ꓣꓳ ꓞꓲ ꓙꓳˍ ꓓꓳꓽ

ꓟꓬ-ꓟ ꓗꓴꓷꓼ ꓘꓴꓽ ꓗꓪ ꓠꓯꓺ ꓞꓲꓼ ꓟꓬꓱꓽ ꓣꓱꓽ ꓜꓴ ꓐꓴ ꓡꓰ  ꓐꓯ ꓑꓶ ꓩꓴ ꓡ ꓟ ꓡꓰ ꓐꓰ ꓕꓲ ꓫꓵꓽ ꓠꓽ ꓬꓲ ꓘꓴꓽ ꓗꓪ ꓚꓳꓦꓲꓓ-19 ꓠꓸꓹ ꓢꓴ 2000 ꓣꓳ ꓟꓽ ꓞꓲ ꓙꓳ ꓢꓲ꓾ 9 ꓣꓳ ꓫꓵꓸꓹ ꓡꓰꓳ ꓐꓰ ꓢꓷꓸ ꓪ ꓡꓳ=

ꓚꓳꓦꓲꓓ-19 ꓠꓸꓹ ꓫꓵꓽ ꓑꓶ ꓓꓴ ꓫꓵꓸꓹ ꓢꓴ ꓮ ꓟꓬꓹ ꓠꓬ ꓚꓳꓦꓲꓓ-19 ꓠꓸꓹ ꓗꓽ ꓠꓯꓺ ꓞꓲꓼ ꓟꓽ ꓗꓸ ꓦ ꓢꓴ ꓥ ꓡꓳ ꓐꓰ ꓢꓷꓸ ꓪ ꓡꓳ= ꓖꓳ ꓡꓱ ꓔ ꓟ ꓪꓴꓸ ꓠꓬꓲ ꓑ ꓫꓬ ꓐꓴ ꓚꓳꓦꓲꓓ-19 ꓠꓸꓹ ꓗꓽ ꓠꓯꓺ ꓞꓲꓼ ꓗꓸ ꓓꓴ ꓬꓰ ꓡꓯ ꓐꓰ ꓠꓯꓺ ꓞꓲꓼ ꓟꓬꓱꓽ ꓣꓱ ꓜꓴ ꓐꓴ ꓡꓰ ꓐꓯ ꓩꓴ ꓡ ꓡꓳ ꓐꓰ ꓢꓷꓸ ꓪ ꓡꓳ=

2 ꓔꓮ-ꓚꓧꓲꓡꓰ-ꓡꓮꓗꓰ ꓡꓳ ꓒꓱ ꓗꓪ ꓟꓶꓽ ꓘꓶꓸ ꓜꓯꓼ ꓪꓴꓸ ꓠꓬꓲ ꓔꓮ-ꓡꓳ ꓞꓳ ꓘꓹ ꓗꓪ ꓬꓲꓸꓹ ꓙꓬ ꓓꓵꓽ ꓓꓳꓽ

ꓐꓶ-ꓬꓲ ꓗꓴꓷꓼ ꓫꓴ꓾ ꓔꓮ-ꓚꓧꓲꓡꓰ-ꓡꓮꓗꓰ ꓡꓳ ꓒꓱ ꓗꓪ ꓟꓶꓽ ꓦ ꓮ ꓘꓶꓸ ꓜꓯꓼ ꓡ ꓟ ꓪꓴꓸ ꓠꓬꓲ ꓡꓳ ꓬꓰꓹ ꓟ 9 ꓦ ꓟ 23 ꓗꓪ ꓐꓰ ꓪꓴꓸ ꓔꓴ ꓢꓲ꓾ꓔꓮ-ꓡꓳ ꓞꓳ ꓘꓹ ꓗꓪ ꓬꓲꓸꓹ ꓙꓬ ꓓꓵꓽ ꓡ ꓔꓬ ꓡꓳ ꓐꓰ ꓢꓷꓸ ꓪ ꓡꓳ= ꓟꓶꓽ ꓦ ꓮ ꓘꓶꓸ ꓦ ꓡ ꓟ ꓑꓶ ꓓꓴ ꓪ ꓙꓵꓽ ꓬꓲꓸꓹ ꓙꓬ ꓬꓲꓸꓹ ꓡ ꓢꓲ ꓟꓮꓮ-ꓢꓲꓠꓰ ꓬꓲꓸꓹ ꓙꓬ ꓡꓳ ꓙꓵ ꓡ ꓟ ꓪꓴꓸ ꓠꓬꓲ ꓞꓳ ꓘꓹ ꓘꓴꓽ ꓗꓪ ꓬꓲꓸꓹ ꓙꓬ ꓓꓵꓽ ꓛꓲ ꓡ ꓟ ꓥ ꓡꓳ꓾ ꓐꓰ ꓬꓰ ꓙ ꓢꓴ ꓜꓴ ꓐꓴ ꓡꓰ ꓢꓷꓸ ꓙ ꓩꓴ ꓡ ꓡꓳ= ꓖꓳ ꓟ ꓡꓰ ꓟꓽ ꓞꓲ ꓟꓵꓽ ꓘꓳꓹ ꓒꓳꓹ ꓔꓶꓸ ꓜꓴ ꓐꓴ ꓡꓰ ꓔꓮ-ꓚꓧꓲꓡꓰ-ꓡꓮꓗꓰ ꓡꓳ ꓒꓱ ꓗꓪ ꓠꓬ ꓟꓶꓽ ꓦ ꓮ ꓘꓶꓸ ꓦ ꓡ ꓓꓴ ꓥ ꓡꓳ ꓐꓰ ꓐꓯ ꓔ ꓡꓳ=

3 ꓐꓮ-ꓖꓮ-ꓡꓰ ꓐꓴ ꓐꓱ ꓓꓳ- 170 ꓫꓬꓹ ꓟꓽ ꓞꓲ ꓬꓰ ꓓꓴ ꓥꓳ ꓐꓰ America ꓡꓰ ꓐꓯ ꓩꓴ ꓓꓳꓽ

ꓐꓮꓠ-ꓖꓡꓮ-ꓓꓰꓢꓧ ꓗꓴꓷꓼ ꓫꓴꓺ-ꓸ ꓟꓬ-ꓟ ꓗꓴꓷꓼ ꓐꓰ ꓠꓱꓸ ꓐꓯ ꓗꓴꓷꓼ ꓗꓪ ꓙꓳˍ ꓟ  ꓐꓮ-ꓖꓮ-ꓡꓰ ꓫꓸ ꓢꓴ ꓐꓴ ꓔꓯ ꓟꓲ ꓠꓯ ꓡ ꓞꓳ ꓞꓳ ꓙꓳ ꓠꓲꓹ ꓫꓱꓸ ꓤ_ ꓟ ꓠꓲꓹ ꓟ ꓡꓰ ꓓꓳ-ꓡ 170 ꓫꓬꓹ ꓟꓽ ꓞꓲ ꓬꓰ ꓙ ꓓꓴ ꓥꓳ ꓐꓰ America ꓗꓴꓷꓼ ꓢꓲꓽ ꓒꓽ Anthony ꓐ‐ꓡꓲ‐ꓗꓮꓠ ꓡꓰ ꓡꓳ ꓬꓰꓹ ꓟ 9 ꓦ ꓟ 22 ꓕꓯ ꓐꓯ ꓑꓶ ꓩꓴ ꓡ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=

ꓐꓮꓠ-ꓖꓡꓮ-ꓓꓰꓢꓧ ꓗꓴꓷꓼ ꓫꓴꓺ-ꓸ ꓐꓮ-ꓖꓮ-ꓡꓰ  ꓫꓸ ꓢꓴ ꓟꓷꓼ ꓢꓴ ꓐꓴ ꓐꓱ ꓶ ꓬꓰ ꓙ ꓓꓴ ꓒꓴ ꓫꓵꓺ ꓟꓽ ꓡꓳꓼ ꓐꓰ ꓫꓸ ꓢꓴ ꓟꓷꓼ ꓢꓴ ꓔꓯ ꓬꓰ ꓙ ꓢꓴ ꓜꓴ Agent ꓡꓰ ꓐꓯ ꓩꓴ ꓡ ꓟ ꓑꓶ ꓓꓴ ꓮ ꓟꓶ ꓬꓰ ꓙ ꓢꓴ ꓙꓳ ꓡ ꓟ ꓥˍ ꓡꓳ ꓐꓰ ꓐꓯ ꓡꓳ= ꓐꓮꓠ-ꓖꓡꓮ-ꓓꓰꓢꓧ ꓗꓴꓷꓼ ꓖꓴ ꓟꓶꓸꓗꓪ ꓐꓲ-ꓖꓲ-ꓡꓰ ꓑ ꓫꓬ ꓫꓸ ꓢꓴ ꓕꓲꓽ ꓫꓬꓹ ꓟꓽ ꓞꓲ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=

4ꓸꓕꓲ ꓔꓲꓸꓸ Francis ꓠꓬ _ 2023 ꓘꓳꓼ ꓕꓯ ꓐꓶꓽ ꓓꓳ ꓔꓲ-ꓟꓳ ꓗꓪ ꓶꓼ ꓓꓳ ꓫꓱꓸ ꓓꓳ ꓚꓳ ꓙꓰ ꓠꓹ ꓙꓳ_ ꓡꓳ ꓐꓰ ꓐꓯ ꓓꓳꓽ

ꓕꓲ ꓒ ꓪ ꓬꓲꓸꓸ Francis ꓠꓬ ꓡ ꓠ_ ꓟ 2023 ꓘꓳꓼ ꓕꓯ ꓐꓶꓽ ꓓꓳ ꓔꓲ-ꓟꓳ ꓗꓪ ꓶꓼ ꓓꓳ ꓫꓱꓸ ꓓꓳ ꓙꓰ ꓚꓳ ꓠꓹ ꓟ ꓙꓳ_ ꓡꓳ ꓐꓰ Vatican ꓣꓱꓽ ꓙ ꓢꓴ ꓥ ꓟ ꓔꓲꓺ ꓒ ꓓꓽ Edgar Pena Parra ꓡꓰ 9 ꓦ ꓟ 22 ꓠꓬꓲ ꓔꓯ ꓐꓯ ꓩꓴ ꓡ ꓟ ꓥ ꓡꓳ=

 ꓔꓲꓺ ꓒ ꓓꓽ ꓠꓬ ꓡꓳ ꓬꓰꓹ ꓟ 9 ꓦ ꓟ 19-23 ꓗꓪ ꓛꓲ ꓐꓶꓽ ꓓꓳ ꓔꓲ-ꓟꓳ ꓗꓪ ꓙꓰ ꓛꓲ ꓟ ꓥ ꓡꓳ= ꓕꓲ ꓒ ꓪ ꓔꓲ Francis ꓠꓬ 2023 ꓘꓳꓼ ꓕꓯ ꓐꓶꓽ ꓓꓳ ꓔꓲ-ꓟꓳ ꓗꓪ ꓡ ꓠꓹ ꓟ ꓔꓯ ꓥ ꓟꓲ ꓝꓮꓲ ꓕꓲ ꓧꓪꓸ ꓐꓯ ꓑꓶ ꓩꓴ ꓡ ꓟ ꓥ ꓡꓳ= ꓕꓱ ꓡꓱ ꓶꓼ ꓓꓳ ꓫꓱꓸ ꓓꓳ ꓙꓰ ꓚꓳ ꓠꓹ ꓟ ꓙ ꓖꓶ ꓔ ꓥ ꓟꓲ ꓚꓳꓦꓲꓓ-19 ꓠꓸꓹ ꓫꓵꓽ ꓑꓶ ꓓꓴ ꓟ ꓙꓰ ꓪ ꓡꓰ ꓟ ꓥ ꓡꓳ=

8 ꓦ ꓟ 27 ꓠꓬꓲ ꓕꓯ ꓬꓰ ꓗꓷ  ꓟ ꓕꓲ ꓒ ꓪ ꓔꓲꓸꓸ Francis 8 ꓧꓪꓹ ꓬꓰ ꓗꓷ ꓟ ꓖꓪꓽ ꓙꓱ ꓜꓲꓼ ꓓꓴ ꓗꓪ ꓔꓲꓺ ꓒ ꓪ ꓔꓲ Francis ꓠꓬ ꓐꓶꓽ ꓓꓳ ꓔꓲ-ꓟꓳ ꓗꓴꓷꓼ ꓐꓱ ꓶ ꓬꓲꓸ ꓪꓴꓸ ꓕꓲ ꓧꓪꓹ ꓟ ꓓꓲꓡꓲ ꓡꓳ ꓒꓱ ꓐꓱ ꓶ ꓔꓲꓺ ꓒ ꓓꓽ Carmo da Silva ꓔꓯ  ꓢꓲ ꓚꓲꓸ ꓗꓷ_ ꓟ ꓥ ꓡꓳ=            

                                  

 

 

 

 

Add new comment

4 + 8 =