ꓮ-ꓟꓰ-ꓣꓲ-ꓗ ꓗꓪ ꓐꓰ ꓠꓯꓺ ꓞꓲꓼ ꓟꓸ ꓒꓽ ꓕꓲ ꓣꓳ ꓗ-ꓔꓳ-ꓡꓲꓗ ꓔꓲꓺ ꓒ ꓙꓵꓽ ꓪ ꓘꓳꓹ ꓣꓴ ꓪ ꓟꓶ ꓡꓰ ꓟ ꓓꓳꓽ

ꓮ-ꓟꓰ-ꓣꓲ-ꓗ ꓗꓪ ꓐꓰ ꓠꓯꓺ ꓞꓲꓼ ꓟꓸ ꓒꓽ ꓕꓲ ꓣꓳ ꓗ-ꓔꓳ-ꓡꓲꓗ ꓔꓲꓺ ꓒ ꓙꓵꓽ ꓪ ꓘꓳꓹ ꓣꓴ ꓪ ꓟꓶ ꓡꓰ ꓟ ꓓꓳꓽ

ꓮ-ꓟꓰ-ꓣꓲ-ꓗ ꓗꓪ ꓐꓰ ꓠꓯꓺ ꓞꓲꓼ ꓟꓸ ꓒꓽ ꓕꓲ ꓣꓳ ꓗ-ꓔꓳ-ꓡꓲꓗ ꓔꓲꓺ ꓒ ꓙꓵꓽ ꓪ ꓘꓳꓹ ꓣꓴ ꓪ ꓟꓶ ꓡꓰ ꓟ ꓓꓳꓽ

ꓮ-ꓟꓰ-ꓣꓲ-ꓗ ꓗꓪ ꓠꓯꓺ ꓞꓲꓼ ꓟꓸ ꓒꓽ ꓕꓲ ꓣꓳ ꓥ ꓟ Doctor Columba Thomas ꓠꓬ ꓠꓱꓸ ꓐꓯꓼ 8 ꓣꓳ ꓐꓰ ꓕꓲ ꓪ Dominican ꓢꓲ ꓫꓬ ꓢꓴ ꓒꓲ-ꓕꓱ ꓪꓽ ꓘꓴ ꓦꓲꓻ ꓗꓪ 5 ꓦ 20 ꓠꓬꓲ ꓕꓯ ꓔꓲꓺ ꓒ ꓙꓵꓽ ꓪ ꓘꓳꓹ ꓣꓴ ꓟꓶ ꓡꓰꓳ=

 Columbus ꓔꓲꓺ ꓒ ꓓꓽ Earl K Fernandes ꓡꓰ ꓟꓲ-ꓢ ꓪꓽ ꓘꓴ ꓧꓳꓽ ꓪꓴꓸ ꓟꓴ ꓖꓶ ꓗꓷ ꓟ ꓥꓳ= ꓘꓴ ꓜꓲꓼ ꓞꓳ ꓐꓱ ꓶ ꓥ ꓟꓲ Dominican ꓜꓴꓻ ꓐꓱ ꓶ ꓥ ꓟꓲ ꓣꓱ ꓛꓰ ꓡꓯꓼ ꓫꓴꓻ ꓥ ꓡꓳ ꓐꓰ ꓔꓲꓺ ꓒ ꓓꓽ ꓡꓰ ꓔꓲꓺ ꓒ ꓙꓵꓽ ꓪ ꓘꓳꓹ ꓣꓴ ꓟ ꓔꓲꓺ ꓒ ꓫꓵꓼ 8 ꓣꓳ ꓔꓯ ꓐꓯ ꓔ ꓡꓳ=

ꓠꓯꓺ ꓞꓲꓼ ꓟꓸ ꓒꓽ ꓔꓲꓺ ꓒ ꓠꓬ Ohio ꓟꓵꓽ ꓫꓴꓺ ꓗꓪ ꓐꓰ ꓪꓴꓽ ꓟꓴ ꓡ ꓢꓴ ꓥ ꓢꓲ꓾ 2012 ꓘꓳꓼ ꓕꓯ ꓠꓯꓺ ꓞꓲꓼ ꓟꓬꓱꓽ ꓙꓵꓽ ꓪꓴꓸ ꓛꓴ ꓪ ꓡꓰ ꓢꓴ ꓥ ꓡꓳ= ꓔꓲꓺ ꓒ ꓒꓬꓱꓼ ꓠꓹ ꓟ ꓢꓳ ꓙꓳ ꓗꓪ ꓠꓬ 2016 ꓘꓳꓼ ꓗꓪ ꓐꓰ ꓔꓬ ꓡꓰ ꓟ ꓥꓳ ꓐꓰ ꓓꓳꓟꓲꓠꓲꓚꓮꓠ ꓪꓰꓐꓢꓲꓔꓰ ꓗꓪ ꓐꓰ ꓐꓯ ꓑꓶ ꓔ ꓡꓳ=

“ꓮ ꓘꓶꓸ ꓒꓵꓽ ꓟ ꓪꓽ ꓘꓴ ꓟ ꓐꓰ ꓶꓽ ꓓꓳꓽ ꓫꓱꓸ ꓓꓳꓽ ꓟꓬꓱꓽ ꓗꓪ ꓐꓰ ꓥꓪ ꓔꓯ ꓓꓳꓟꓲꓠꓲꓚꓮꓠ ꓜꓴꓻ ꓡꓰ ꓓ ꓪꓴꓸ ꓕꓲ ꓚꓱꓹ ꓗꓪ ꓐꓰ ꓠꓲꓹ ꓟ ꓐ ꓡꓰ ꓝꓲ_ ꓟ ꓥꓳ= ꓠꓬꓲꓽ ꓚꓱꓹ ꓕꓲ ꓚꓱꓹ ꓠꓬ ꓓꓳꓟꓲꓠꓲꓚꓮꓠ ꓜꓴꓻ ꓠꓬ ꓶꓼ ꓓꓳꓽ ꓫꓱꓸ ꓓꓳꓽ ꓚꓺ ꓟ ꓟꓬꓱꓽ ꓗꓪ ꓠꓲꓹ ꓟ ꓔꓱ ꓔꓱꓹ ꓐꓰ ꓢꓷꓸ ꓙ ꓟꓳ ꓙ ꓟ ꓔꓯ ꓥꓪ ꓢꓷꓸ ꓡ ꓟ ꓑꓶ ꓓꓴ ꓥꓪ ꓕꓱ ꓚꓱꓹ ꓔꓯ ꓙꓻ ꓫꓱꓽ ꓡ ꓟ ꓥꓳ꓾” ꓐꓰ ꓠꓯꓺ ꓞꓲꓼ ꓟꓸ ꓒꓽ ꓔꓲꓺ ꓒ ꓡꓰ ꓐꓯ ꓔ ꓡꓳ=    

Add new comment

2 + 1 =