ꓲ-ꓓꓮꓪ-ꓖꓬꓲ ꓗꓪ ꓟꓵꓽ ꓙꓴꓽ ꓚꓵꓹ ꓟ ꓑꓶ ꓓꓴ ꓐꓬ ꓡꓰ ꓓꓴ ꓙꓳ_ ꓟ ꓓꓳꓽ

ꓲ-ꓓꓮꓪ-ꓖꓬꓲ ꓗꓪ ꓟꓵꓽ ꓙꓴꓽ ꓚꓵꓹ ꓟ ꓑꓶ ꓓꓴ ꓐꓬ ꓡꓰ ꓓꓴ ꓙꓳ_ ꓟ ꓓꓳꓽ

ꓗ-ꓛꓲ ꓗꓴꓷꓼ ꓫꓴꓺ ꓟꓳꓧꓠꓬꓲꓠ ꓡꓳ ꓒꓱ꓾ ꓲ-ꓓꓮꓪ-ꓖꓬꓲ ꓗꓪ 5 ꓦ 31 ꓠꓬꓲ꓾ ꓟꓶꓽ ꓘꓶꓼ 5 ꓙꓵꓹ 42 ꓧꓶꓺ ꓛꓲ ꓕꓯ ꓟꓵꓽ ꓙꓴꓽ ꓚꓵꓹ ꓡ ꓟ ꓑꓶ ꓓꓴ ꓔꓬ ꓦꓲꓻ꓾ ꓬꓲꓻ ꓙꓬ ꓘꓴꓽ ꓕꓲ ꓐꓱ ꓐꓰ ꓟꓳ-ꓓꓳ ꓙꓻ ꓖꓴ ꓕꓲ ꓐꓱ ꓐꓬ ꓡꓰ ꓓꓴ ꓙꓳ ꓡꓳ ꓐꓰ ꓢꓷꓸ ꓪ ꓡꓳ=

ꓕꓱ ꓟꓵꓽ ꓙꓴꓽ ꓠꓬ ꓢꓯꓼ ꓓꓽ ꓟ ꓙꓳ ꓢꓲ꓾ ꓕꓲ ꓐꓱ ꓔꓬ ꓦꓲꓻ ꓠꓬ ꓦꓲꓻ ꓐꓱ ꓐꓬ ꓡꓰ ꓟ꓾ ꓬꓲꓻ ꓙꓬ ꓘꓴ ꓗꓪ ꓬꓲꓻ ꓙꓬ ꓠꓶꓻ ꓡꓰ ꓟ꓾ ꓮ ꓔꓳꓸ ꓕꓷꓹ ꓥ ꓟꓲ ꓐꓱꓽ ꓡꓰ ꓟ꓾ ꓗꓷ ꓡꓰꓳ ꓐꓰ ꓞꓳ ꓘꓹ ꓢꓴ ꓡꓰ ꓐꓯ_ ꓡꓳ= ꓕꓱ ꓡꓱ ꓟꓵꓽ ꓙꓴꓽ ꓚꓵꓹ ꓡ ꓟ ꓑꓶ ꓓꓴ ꓝꓮꓲ ꓟꓵꓽ ꓙꓴꓽ ꓚꓵꓹ ꓡ ꓟ ꓔꓯ ꓲ-ꓓꓮꓪ-ꓖꓬꓲ ꓗꓪ ꓞꓳ ꓘꓹ ꓢꓴ ꓐꓴ ꓙꓬꓻ ꓫꓸ ꓔꓬ ꓡꓳ ꓐꓰ ꓞꓳ ꓘꓹ ꓢꓴ ꓕꓲ ꓣꓳ ꓡꓰ ꓐꓯ ꓔ ꓡꓳ ꓐꓰ ꓢꓷꓸ ꓪ ꓡꓳ=