ꓲ-ꓓꓲ-ꓬ ꓐꓶ ꓓꓳꓻ ꓕꓲ ꓛꓱꓽ ꓗꓪ ꓟ ꓗꓴꓷꓼ ꓫꓴ ꓢꓲꓽ ꓒ Naveen Patnaik ꓔꓲꓺ ꓒ ꓪ ꓔꓲ ꓐꓰ ꓜꓲ ꓡꓯ ꓘꓳꓹ ꓟ

ꓲ-ꓓꓲ-ꓬ ꓐꓶ ꓓꓳꓻ ꓕꓲ ꓛꓱꓽ ꓗꓪ ꓟ ꓗꓴꓷꓼ ꓫꓴ ꓢꓲꓽ ꓒ Naveen Patnaik ꓠꓬ 6 ꓦ 22 ꓠꓬꓲ ꓕꓯ ꓔꓲꓺ ꓒ ꓪ ꓔꓲ ꓐꓰ Vatican ꓗꓪ ꓜꓲ ꓡꓯ ꓘꓳ ꓗꓷꓳ=

ꓕꓱ ꓡꓱ ꓟꓳꓻ ꓡꓯ ꓘꓳ꓾ ꓜꓲ ꓡꓯ ꓘꓳ ꓪˍ ꓠꓬꓲ ꓮ ꓘꓶꓸ ꓠꓲꓹ ꓘꓪꓽ ꓫꓵˍ ꓟ꓾ ꓠꓲꓹ ꓒꓴ ꓒꓴ ꓡꓰꓽ ꓘꓳꓹ ꓣꓴ ꓖꓶ ꓡ ꓟ ꓑꓶꓸ ꓓꓴ ꓫꓸ ꓟꓳ ꓔꓬ ꓟ ꓐꓰ ꓔꓲꓺ ꓒ ꓪ ꓔꓲ ꓔꓬꓹ ꓟꓽ ꓢ ꓟ ꓠꓲꓹ ꓞꓼ ꓓꓻ ꓡꓰ ꓠꓹ ꓟ ꓐꓰ ꓤꓶꓻ ꓫꓵ ꓟꓯ ꓫꓵ ꓠꓹ ꓟ ꓪꓽ ꓘꓴ ꓙ ꓔꓬ ꓡꓳ꓾ ꓐꓰ ꓢꓲꓽ ꓒ Naveen Patnaik ꓡꓰ ꓳꓠꓡꓲꓠꓰ ꓗꓪ ꓐꓳ ꓚꓰꓹ ꓔ ꓡꓳ=

ꓢꓲꓽ ꓒ ꓖꓳ ꓕꓲ ꓣꓳ ꓠꓬ ꓔꓲꓺ ꓒ ꓪ ꓔꓲ ꓔꓯ ꓢꓯꓼ ꓟꓬ ꓔꓯ ꓐꓳ ꓔ ꓟ “Pattachitra” ꓐꓬꓱꓽ ꓕꓲ ꓟ ꓔꓯˍ ꓟꓲ ꓡꓯꓼ ꓫꓴ ꓖꓶ ꓗꓷ ꓟ ꓥ ꓡꓳ= ꓐꓬꓱꓽ ꓖꓳ ꓟ ꓠꓬ Odisha ꓟꓵꓽ ꓫꓴ ꓗꓪ ꓟꓽ ꓓ ꓟꓬꓱ ꓓꓳꓽ ꓪꓴꓽˍ ꓟ꓾ ꓙꓲˍ ꓟ ꓐꓬꓱꓽ ꓥ ꓡꓳ꓾ ꓐꓰ ꓐꓯ ꓡꓳ=

ꓢꓲꓽ ꓒ Naveen Patnaik ꓐꓰ ꓟꓳꓻ ꓪˍ ꓠꓬꓲ Vatican ꓗꓪ ꓛꓲꓺ ꓔꓬ ꓟ ꓗ-ꓕꓳ-ꓡꓲꓗ ꓔꓲꓺ ꓒ ꓐꓴ꓾ ꓔꓲꓺ ꓟ ꓐꓴ ꓥˍ ꓟꓲ ꓮ ꓘꓶꓸ ꓠꓲꓹ ꓒꓴ ꓔꓬ ꓟ ꓥ ꓡꓳ= ꓢꓲꓽ ꓒ ꓥˍ ꓟꓲ ꓧꓪꓽ ꓖꓳ ꓓꓱꓽ ꓔꓬ ꓢ ꓠꓹ ꓟ ꓬꓲ ꓪ ꓡꓰ ꓪꓽ ꓘꓴ ꓙ ꓖꓶꓽ ꓗꓷꓳ꓾ ꓐꓰ RVA ꓓꓳꓽ ꓗꓪ ꓐꓯ ꓔ ꓡꓳ=