ꓲ-ꓬ-ꓪ-ꓓꓲ ꓬꓲꓻ ꓙꓬ ꓙꓵꓽ ꓓꓯꓻ ꓡ ꓟ ꓪꓴꓸ ꓠꓬꓲ ꓗꓽ-ꓔ ꓡꓳ ꓒꓱ ꓗꓪ ꓟ ꓢꓷꓸ ꓠꓲꓹ ꓢꓳꓺ ꓦꓲꓻ ꓕꓲ ꓟ ꓐꓬ ꓡꓰ ꓟ ꓓꓳꓽ

ꓲ-ꓬ-ꓪ-ꓓꓲ ꓬꓲꓻ ꓙꓬ ꓙꓵꓽ ꓓꓯꓻ ꓡ ꓟ ꓪꓴꓸ ꓠꓬꓲ ꓢꓲ-ꓗꓮꓲꓸ ꓟꓵꓽ꓾ ꓗꓽ-ꓔ ꓡꓳ ꓒꓱ ꓗꓪ ꓙꓳˍ ꓟ ꓔꓯ-ꓑ-ꓬ-ꓗꓳꓸ ꓢꓳꓻ ꓦꓲ ꓗꓪ ꓟ ꓤ ꓠꓱ ꓤ ꓢꓳꓻ ꓦꓲꓻ ꓕꓲ ꓟ ꓠꓬ 6 ꓦ 25 ꓠꓬꓲ ꓟꓶꓽ ꓘꓶꓽ ꓕꓯ ꓐꓬ ꓡꓰꓳ꓾ ꓐꓰ ꓢꓷꓸ ꓪ ꓡꓳ=

ꓐꓬ ꓡꓰ ꓟ ꓢꓳꓻ ꓦꓲꓻ ꓖꓳ ꓟ ꓠꓬ ꓬꓲ ꓗꓶꓹ 10 ꓗꓶꓹ ꓙꓳˍ ꓟ ꓢꓳꓻ ꓦꓲꓻ ꓥ ꓢꓲ ꓠꓬꓲ ꓫꓬꓹ ꓔ ꓟ ꓛꓳꓼ ꓘꓳꓼ ꓤ ꓡꓰꓽ ꓙꓳˍ ꓢꓰꓽ ꓟ ꓥ ꓡꓳ꓾ ꓐꓰ ꓖꓳ ꓗꓪ ꓔꓬ ꓢꓴ ꓕꓲ ꓣꓳ ꓡꓰ ꓐꓯ ꓔ ꓡꓳ=

ꓬꓲꓻ ꓙꓬ ꓠꓬ ꓬꓲ ꓐꓷꓹ ꓓꓯꓻ ꓡ ꓔꓬ ꓟ ꓪꓴꓸ ꓠꓬꓲ ꓤꓰꓻ ꓞꓹ ꓟ ꓢꓳꓻ ꓦꓲꓻ ꓠꓬꓲꓽ ꓟ ꓔꓯ ꓥˍ ꓟꓲ ꓒꓬꓹ ꓦ ꓔ ꓡꓳ꓾ ꓐꓰ ꓢꓷꓸ ꓪ ꓡꓳ= ꓲ-ꓬ-ꓪ-ꓓꓲ ꓬꓲꓻ ꓙꓬ ꓙꓵꓽ ꓓꓯꓻ ꓡ ꓟ ꓪꓴꓸ ꓠꓬꓲ ꓢꓷꓸ ꓠꓲꓹ ꓢꓳ ꓦꓲꓻ ꓡꓰꓽ ꓟꓽ ꓞꓲꓺ ꓔꓯ-ꓑ-ꓬ-ꓗꓳꓸ ꓗꓪ ꓔꓬ ꓟ ꓑ ꓫꓬ ꓐꓴ ꓦꓲꓻ ꓥˍ ꓟꓲ ꓬꓲꓻ ꓙꓬ ꓗꓪ ꓐꓴ ꓙꓰˍ ꓟ ꓪꓴꓸ ꓠꓬꓲ ꓞꓳ ꓘꓹ ꓗꓪ ꓟ ꓞꓳ ꓦꓲꓻ 200 ꓛꓲꓺ ꓠꓬ ꓬꓲꓻ ꓙꓬ ꓟꓽ ꓛꓲꓺ ꓡ ꓟ ꓗꓪ ꓔꓬ ꓙꓰ ꓪˍ ꓟ ꓥ ꓡꓳ꓾ ꓐꓰ The 74 Media ꓓꓳꓽ ꓗꓪ ꓐꓯ ꓔ ꓡꓳ=