5 ꓦ ꓟ 24 ꓠꓬꓲ ꓗꓪ ꓧꓶꓽ ꓗꓴꓷꓼ ꓐꓱ ꓶ ꓪ: ꓘꓴ ꓖꓶ ꓟ

Friday, May 26, 2023

ꓮ ꓕꓯ ꓟꓲ 5 ꓦ ꓟ 24 ꓠꓬꓲ ꓗꓪ ꓠꓬ꓾ ꓙꓲ ꓢꓴ ꓢꓲ ꓤ ꓐꓴ ꓔꓯ ꓫꓱꓹ ꓤ ꓟ ꓟꓹ ꓟ ꓟ-ꓡꓲ-ꓬ ꓑꓮꓲꓽ ꓦꓬꓼ ꓠꓬꓲ ꓥꓡꓳ= ꓕꓱ ꓕꓲ ꓠꓬꓲ ꓗꓪ ꓧꓶꓽ ꓗꓴꓷꓼ ꓗꓪ ꓟ ꓙꓲ ꓢꓴ ꓢꓲ ꓤ ꓐꓴ ꓟꓺ ꓒ ꓐꓴ ꓔꓲꓺꓒ ꓐꓴ ꓔꓲꓺꓟ ꓐꓴ ꓙꓲ ꓢꓴ ꓢꓲ ꓤ ꓐꓴ ꓝꓮꓲ ꓠꓬ꓾ ꓣꓳ ꓐꓴ ꓙꓲ ꓠꓲꓹ ꓚꓱꓹ ꓐꓱ ꓶ ꓫꓸ ꓙꓵ ꓔꓬ ꓟ ꓙꓲ ꓢꓴ ꓢꓲ ꓤ ꓐꓴ ꓐꓱ ꓶ ꓪꓽ ꓘꓴ ꓙ ꓠꓹ ꓟ ꓐꓯ ꓔ ꓟ ꓕꓲ ꓠꓬꓲ ꓟꓲꓸ ꓥ ꓡꓳ= FRANCIS NY꓾ ꓡꓳꓹ ꓬꓰ ꓟ ꓠꓽ ꓢ ꓠꓬꓲ ꓕꓯ ꓢꓰ-ꓑꓰ-ꓔ-ꓬꓲ-ꓑꓲ ꓗꓪ ꓛꓲ ꓔꓬ ꓟ꓾ ꓟꓲ ꓠꓯ ꓕꓲ ꓚꓳ ꓡꓳ ꓗꓪ ꓟ ꓙꓲ ꓢꓴ ꓢꓲ ꓤ ꓐꓴ ꓔꓯ ꓧꓶꓽ ꓗꓴꓷꓼ ꓗꓪ ꓪꓴ-ꓢ ꓐꓯ ꓘꓶꓽ ꓔꓯ ꓟꓬ ꓠꓬꓲ ꓐꓯ ꓒꓬꓱꓽ ꓙꓰ ꓐ ꓡ ꓠꓹ ꓟ ꓐꓱ ꓶ ꓪꓽ ꓘꓴ ꓠꓹ ꓟ ꓢꓯꓸˍ ꓖꓶ ꓔ ꓡꓳ=5 ꓦ ꓟ 24 ꓠꓬꓲ ꓕꓯ ꓧꓶꓽ ꓗꓴꓷꓼ ꓐꓱ ꓶ ꓪꓽ ꓘꓴ ꓖꓶ ꓠꓹ ꓟ ꓐꓱ ꓶ ꓮ ꓕꓯ ꓟꓲ ꓬꓲ ꓠꓹ ꓟ FRANCIS BENEDICT ꓡꓲ 2007 ꓘꓳꓼ ꓕꓯ ꓐꓯ ꓔ ꓟ ꓥ ꓡꓳ=ꓧꓶꓽ ꓗꓴꓷꓼ ꓗꓪ ꓟ ꓗ-ꓕꓳ-ꓡꓲ ꓙꓲ ꓢꓴ ꓢꓲ ꓤ ꓐꓴ ꓥ ꓟꓲ꓾ ꓙꓲ ꓢꓴ ꓢꓲ ꓤ ꓐꓴ ꓔꓯ ꓫꓱꓸ ꓤ ꓟ ꓟꓹ ꓟ ꓟ-ꓡꓲ-ꓬ ꓑꓮꓲꓽ ꓦꓬꓼ ꓠꓬꓲ ꓗꓪ ꓗꓴꓷꓼ ꓘꓴꓽ ꓗꓪ ꓦ ꓡꓱ ꓚꓱꓹ ꓔꓯ ꓗ ꓕ ꓓꓴ ꓟꓽ ꓙꓳ ꓠꓹ ꓟ ꓐꓱ ꓶ ꓮ ꓕꓯ ꓟꓲ ꓪꓽ ꓘꓴ ꓔꓬ ꓟ ꓥ ꓡꓳ=