60 ꓘꓳꓼ ꓛꓲ ꓡꓳꓼ ꓟ ꓞꓳ ꓟꓳ ꓐꓴ ꓔꓯ ꓡꓳ‐ꓟꓲ ꓒꓴ 100 ꓡꓰ ꓣꓴ ꓢꓲ꓾ ꓜ ꓒꓴ ꓐꓰ ꓮ ꓗꓸ ꓩꓴꓸꓹ ꓪꓴꓽ ꓖꓶ ꓔꓬ ꓟ ꓓꓳꓽ

Tuesday, September 05, 2023

60 ꓘꓳꓼ ꓛꓲ ꓡꓳꓼ ꓟ ꓞꓳ ꓟꓳ ꓐꓴ ꓔꓯ ꓡꓳ‐ꓟꓲ ꓒꓴ 100 ꓡꓰ ꓣꓴ ꓢꓲ꓾ ꓜ ꓒꓴ ꓐꓰ ꓮ ꓗꓸ ꓩꓴꓸꓹ ꓪꓴꓽ ꓖꓶ ꓔꓬ ꓟ ꓓꓳꓽ
ꓮ ꓟꓰ 2023 ꓘꓳꓼ 9 ꓦ ꓟ 4 ꓠꓬꓲ ꓕꓯ Yangon ꓗꓴꓷꓼ ꓫꓴꓸꓹThingangyun ꓡꓳ ꓒꓱ ꓗꓪ ꓙꓳ ꓟ Aladdin Fashion ꓙꓲꓸꓸ ꓔꓲ ꓦꓲꓸꓹ ꓗꓪ ꓐꓰ 60 ꓘꓳꓼ ꓛꓲ ꓡꓳꓼ ꓟ ꓞꓳ ꓟꓳ ꓐꓴ ꓔꓯ ꓡꓳ‐ꓟꓲ ꓒꓴ 100 ꓡꓰ ꓣꓴ ꓢꓲ꓾ ꓜ ꓒꓴꓸꓹ ꓕꓲ ꓐꓲ ꓐꓰ ꓮ ꓗꓸ ꓩꓴꓸꓹ 10 ꓩꓴꓸꓹꓪꓴꓽ ꓖꓶ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=
ꓜ ꓒꓴꓸꓹ ꓕꓲ ꓐꓲ ꓐꓰ ꓮ ꓗꓸ ꓩꓴꓸꓹ 10 ꓩꓴꓸꓹꓪꓴꓽ ꓖꓶ ꓢꓲ꓾ ꓖꓳ ꓟ ꓡꓰ ꓐꓰ ꓟꓽ ꓞꓲ ꓡ ꓙꓰ ꓒꓵ ꓕꓲ ꓣꓳ 2000 ꓖꓶ ꓪ ꓡꓰꓳ ꓐꓰ ꓢꓷꓸ ꓪ ꓡꓳ= Aladdin Fashion ꓙꓲꓸꓸ ꓔꓲ ꓦꓲꓸꓹ ꓡꓰ ꓕꓱ ꓡꓱ ꓞꓲꓼ ꓟꓳ ꓡꓰ ꓢꓴ ꓐꓴ ꓔꓯ ꓒꓴ ꓮ ꓟꓬꓹ ꓟꓽ ꓣꓴ ꓡꓯꓼ ꓫꓴꓸꓹ ꓖꓶ ꓪ ꓡꓰ ꓟ ꓪꓴꓸ ꓠꓬꓲ ꓬꓲ ꓪ ꓗꓹ ꓛꓲ ꓟ ꓡꓰ ꓟꓽ ꓞꓲ ꓥꓪ ꓠꓴ ꓟꓲ ꓗꓹ ꓛꓲ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=
Aladdin Fashion ꓙꓲꓸꓸ ꓔꓲ ꓦꓲꓸꓹ ꓗꓪ ꓐꓰ ꓬꓰ ꓙ ꓟ ꓠꓬ ꓕꓱ ꓕꓲ ꓧꓪ, ꓐꓰ ꓠꓬ 4 ꓧꓪ, ꓬꓰ ꓙ ꓪ ꓡꓰ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=