Bangladesh ꓗꓪ ꓥꓪꓽ ꓞꓲꓺ ꓘꓳꓼ ꓬꓲꓸ ꓘꓴꓽ ꓗꓪ ꓞꓻ ꓢꓯꓼ ꓮ ꓘꓶꓸ ꓞꓻ ꓟ ꓐꓰ ꓔꓳꓹ ꓜꓳ ꓔꓬ ꓟ ꓓꓳꓽ

Thursday, June 08, 2023

Bangladesh ꓗꓪ ꓥꓪꓽ ꓞꓲꓺ ꓘꓳꓼ ꓬꓲꓸ ꓘꓴꓽ ꓗꓪ ꓞꓻ ꓢꓯꓼ ꓮ ꓘꓶꓸ ꓞꓻ ꓟ ꓐꓰ ꓔꓳꓹ ꓜꓳ ꓔꓬ ꓟ ꓓꓳꓽ

Bangladesh ꓗꓴꓷꓼ ꓗꓪ ꓥꓪꓽ ꓞꓲ ꓘꓳꓼ ꓬꓲꓸ ꓘꓴꓽ ꓗꓪ ꓞꓻ ꓢꓯꓼ ꓚꓱꓹ ꓐꓰ ꓮ ꓘꓶꓸ ꓞꓻ ꓡ ꓟ ꓑꓶ ꓓꓴ ꓢꓷꓸ ꓠꓲꓹ ꓢꓳ ꓙꓳ ꓮ ꓟꓬꓹ ꓔꓯ ꓐꓲꓸ ꓔ ꓢꓲ꓾ ꓕꓲ ꓖ ꓡꓲ ꓕꓲ ꓖ ꓗꓪ ꓮ ꓔꓳꓸ ꓟꓽ ꓖꓶ ꓕꓱ ꓡꓱ ꓙꓳ_ ꓡꓳ= ꓡꓳ ꓒꓱ ꓓ-ꓗ ꓗꓪ ꓞꓻ ꓢꓯꓼ 40 ံꓚ ꓗꓪ ꓛꓲ ꓟꓬ ꓡ ꓟ ꓑꓶ ꓓꓴ ꓞꓻ ꓢꓯꓼ ꓔꓯ ꓑ ꓫꓬ ꓐꓴ ꓕꓱ ꓡꓱ ꓔꓳꓹ ꓜꓳ ꓔꓬ ꓟ ꓥꓳ=

Bangladesh ꓗꓪ 1971 ꓘꓳꓼ ꓗꓴꓷꓼ ꓔꓬ ꓢ ꓡꓰ ꓗꓸ ꓠꓯꓸ ꓕꓱ ꓟꓬ ꓛꓲ ꓞꓻ ꓟ ꓮ ꓕꓯ ꓥ ꓟꓲ ꓟꓽ ꓔꓳꓹ ꓜꓳ ꓠꓬꓲ ꓐꓰ Bangladesh ꓟꓵꓽ ꓘꓳꓼ ꓒꓳꓹ ꓔꓶꓸ ꓗꓪ ꓐꓰ ꓙꓵꓽ ꓪ ꓙꓳ ꓢꓴ Bazlur Rashid ꓡꓰ ꓐꓯ_ ꓡꓳ=

ꓡꓳꓹ ꓬꓰ ꓟ ꓕꓲ ꓦ ꓗꓪ ꓐꓰ ꓕꓱ ꓕꓲ ꓫꓵ ꓠꓽ ꓗꓪ ꓛꓲ ꓞꓻ ꓢꓯꓼ ꓟꓬ ꓡ ꓢꓰ ꓥꓳ ꓐꓰ ꓟꓵꓽ ꓘꓳꓼ ꓒꓳꓹ ꓔꓶꓸ ꓗꓪ ꓐꓰ ꓐꓯ ꓑꓶ ꓔ ꓡꓳ ꓐꓰ ꓢꓷꓸ ꓪ ꓡꓳ=