Domban ꓞꓳ ꓘꓹ ꓘꓴ: ꓗꓪ ꓮ: ꓡꓳ: ꓐꓰ ꓮ ꓠꓬꓲ: ꓟ: ꓠ: ꓠ: ꓟꓶ: ꓡꓰ ꓔꓬ ꓟ ꓓꓳꓽ

Tuesday, May 23, 2023

Domban ꓞꓳ ꓘꓹ ꓘꓴ: ꓗꓪ ꓮ: ꓡꓳ: ꓐꓰ ꓮ ꓠꓬꓲ: ꓟ: ꓠ: ꓠ: ꓟꓶ: ꓡꓰ ꓔꓬ ꓟ ꓓꓳꓽ ꓗ-ꓛꓲ ꓗꓴꓷꓼ ꓫꓴꓻ Hpakant ꓡꓳ ꓒꓱ Domban ꓞꓳ ꓘꓹ ꓘꓴ: ꓗꓪ ꓮ: ꓡꓳ: ꓐꓰ ꓮ ꓠꓬꓲ: ꓟꓶ: ꓬꓰ ꓟ ꓮ ꓘꓶ. ꓟꓬ: ꓡ ꓔꓬ ꓟ ꓡꓰ ꓐꓰ ꓘꓴ: ꓢꓲ ꓢꓰꓼ ꓜ: ꓠ ꓘꓪ ꓛꓲ ꓗꓷ ꓡ ꓔꓬ ꓟ ꓪꓴ. ꓠꓬꓲ ꓫꓵ: ꓪꓴ ꓕꓱ ꓟ ꓔꓯ ꓠꓲꓹ ꓞ ꓓꓺ ꓡꓰ ꓠꓹ ꓟ ꓐꓱ ꓶ ꓞꓳ ꓘꓹ ꓗꓪ ꓟ ꓑ ꓫꓬ ꓐꓴ ꓓꓰ: ꓔꓬ ꓡꓳ ꓐꓰ ꓢꓷ. ꓪ ꓡꓳ= ꓕꓲ ꓫꓵ: ꓠ: ꓬꓲ ꓘꓴ: ꓗꓪ ꓕꓲ ꓘꓹ ꓠꓬꓲ: ꓘꓹ ꓕꓱ ꓡꓱ ꓟꓶ: ꓬꓰ ꓔꓬ ꓡꓳ ꓐꓰ ꓞꓳ ꓘꓹ ꓗꓪ ꓟ ꓑ ꓫꓬ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷ. ꓪ ꓡꓳ=

ꓡꓳꓹ ꓬꓰ ꓟ 2022 ꓘꓳꓼ ꓕꓯ ꓥ ꓟꓲ ꓞꓳ ꓘꓹ ꓘꓴ: ꓗꓪ ꓮ: ꓡꓳ: ꓮ ꓠꓬꓲ: 30 ꓘꓹ ꓟ: ꓞꓲ ꓟꓶ: ꓬꓰ ꓟ ꓥ ꓡꓳ ꓐꓰ ꓢꓷ. ꓪ ꓡꓳ= ꓮ ꓟꓶ ꓥ ꓟꓲ ꓕꓲ ꓦꓲꓻ ꓘꓴ: ꓗꓪ ꓕꓲ ꓘꓹ ꓠꓬꓲ: ꓘꓹ ꓕꓱ ꓡꓱ ꓟꓶ: ꓬꓰ ꓔꓬ ꓟ ꓑꓶ. ꓓꓴ ꓞꓳ ꓘꓹ ꓘꓴ: ꓗꓪ ꓔꓬ ꓟ ꓑ ꓫꓬ ꓐꓴ ꓡꓰ ꓕꓱ ꓫꓵ: ꓪꓴ ꓔꓯ ꓠꓲꓹ ꓞ ꓓꓺ ꓡꓰ ꓠ ꓬꓰ ꓖꓶ ꓡꓯ ꓐꓰ ꓐꓯ ꓡꓳ ꓐꓰ ꓢꓷ. ꓪ ꓡꓳ=