Hopin ꓡꓳ ꓒꓱ ꓗꓪ ꓟꓶꓽ ꓦ ꓦ ꓬꓲꓸꓹ ꓙꓬ ꓙꓵꓽ ꓡ ꓟ ꓑꓶꓸ ꓓꓴ ꓞꓳ ꓦꓲꓸꓹ 2 ꓦꓲꓸꓹ ꓐꓬ ꓡꓰ ꓢꓲ꓾50 ꓦꓲꓸꓹ ꓟꓽ ꓞꓲ ꓬꓲꓸꓹ ꓙꓬ ꓔꓲ, ꓡꓰ ꓟ ꓓꓳꓽ

Hopin ꓡꓳ ꓒꓱ ꓗꓪ ꓟꓶꓽ ꓦ ꓦ ꓬꓲꓸꓹ ꓙꓬ ꓙꓵꓽ ꓡ ꓟ ꓑꓶꓸ ꓓꓴ ꓞꓳ ꓦꓲꓸꓹ 2 ꓦꓲꓸꓹ ꓐꓬ ꓡꓰ ꓢꓲ꓾50 ꓦꓲꓸꓹ ꓟꓽ ꓞꓲ ꓬꓲꓸꓹ ꓙꓬ ꓔꓲ, ꓡꓰ ꓟ ꓓꓳꓽ
ꓡꓳꓹ ꓬꓰ ꓟ 2023 ꓘꓳꓼ 7 ꓦ ꓟ 27 ꓠꓬꓲ ꓕꓯ ꓟꓶꓽ ꓦ ꓮ ꓘꓶꓸ ꓦ ꓡ ꓟ ꓑꓶꓸ ꓓꓴ ꓗ-ꓛꓲ ꓗꓴꓷꓼ ꓫꓴꓸꓸ Hopin ꓡꓳ ꓒꓱ ꓓ-ꓬꓯꓼ ꓬꓲꓸꓹ ꓙꓬ ꓡꓳ ꓗꓸ ꓬꓲꓸꓹ ꓙꓬ ꓙꓵꓽ ꓡ ꓟ ꓪꓴꓸ ꓠꓬꓲ ꓬꓲꓸꓹ ꓡꓴ ꓐꓱ ꓚꓳ ꓡꓳ ꓗꓪ ꓙꓳ ꓟ ꓞꓳ ꓦꓲꓸꓹ 2 ꓠꓬꓲ ꓐꓬ ꓡꓰ ꓢꓲ꓾ 50 ꓦꓲꓸꓹ ꓟꓽ ꓞꓲ ꓬꓲꓸꓹ ꓙꓬ ꓔꓲ, ꓡꓰꓳ ꓐꓰ ꓢꓷꓸ ꓪ ꓡꓳ= Hopin ꓡꓳ ꓒꓱ Aung Nan ꓞꓳ ꓘꓹ ꓗꓪ ꓬꓲꓸꓹ ꓙꓬ ꓗ, ꓓꓴ ꓫꓬ, ꓦ ꓥ ꓟꓲ ꓬꓲꓸꓹ ꓙꓬ ꓮ ꓘꓶꓸ ꓙꓵꓽ ꓡ ꓟ ꓪꓴꓸ ꓠꓬꓲ ꓐꓬ ꓡꓰꓳ ꓐꓰ ꓞꓳ ꓘꓹ ꓗꓪ ꓟ ꓑ ꓫꓬ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ= 
ꓕꓱ ꓡꓱ ꓟꓶꓽ ꓦ ꓦ ꓬꓲꓸꓹ ꓙꓬ ꓙꓵꓽ ꓡ ꓟ ꓑꓶꓸ ꓓꓴ ꓞꓳ ꓦꓲꓸꓹ ꓝꓮꓲ ꓟꓽ ꓞꓲ ꓙꓱꓽ ꓤꓽ ꓟ ꓞꓲ ꓥˍ ꓟꓲ ꓮ ꓟꓬꓹ ꓫꓵꓸꓹ ꓡꓰꓳ ꓐꓰ ꓢꓷꓸ ꓪ ꓡꓳ= Hopin  ꓡꓳ ꓒꓱ ꓗꓪ ꓔꓬ ꓟ ꓬꓰ ꓙ ꓢꓴ ꓜꓴ ꓐꓴ ꓡꓰ ꓠ ꓡꓲ 3 ꓙꓵꓹ ꓛꓲ ꓬꓰ ꓙ ꓖꓶ ꓪ ꓡꓰ ꓥˍ ꓟꓲ ꓞꓳ ꓦꓲꓸꓹ ꓕꓲ ꓐꓱ ꓗꓪ ꓠꓬ ꓜ ꓚꓸ ꓤ ꓠ, ꓟ ꓮ ꓘꓶꓸ ꓫꓸ ꓔ ꓢꓰ ꓡꓳ ꓐꓰ ꓢꓷꓸ ꓪ ꓡꓳ=