- India ꓐꓰ Bangladesh ꓗꓪ ꓬꓲꓸꓹ ꓙꓬ ꓙꓵ_ ꓟ ꓑꓶ ꓓꓴ ꓡ ꓞꓳ 60 ꓛꓲ ꓫꓵꓸꓹ ꓡꓰ ꓢꓲ ꓡ ꓞꓳ ꓮ ꓟꓬꓹ ꓫꓸ ꓔꓬ ꓟ ꓓꓳꓽ

- India ꓐꓰ Bangladesh ꓗꓪ ꓬꓲꓸꓹ ꓙꓬ ꓙꓵ_ ꓟ ꓑꓶ ꓓꓴ ꓡ ꓞꓳ 60 ꓛꓲ ꓫꓵꓸꓹ ꓡꓰ ꓢꓲ ꓡ ꓞꓳ ꓮ ꓟꓬꓹ ꓫꓸ ꓔꓬ ꓟ ꓓꓳꓽ

India ꓐꓰ Bangladesh ꓗꓪ ꓟꓲꓽ ꓦ ꓮ ꓘꓶꓸ ꓦ ꓢꓲ ꓟꓲ ꓦꓲ ꓕꓳ ꓥꓳ ꓙꓱꓼ ꓡ ꓟ ꓑꓶ ꓓꓴ ꓟꓲ ꓠꓯ ꓡꓶꓽ ꓟ ꓬꓲꓸꓹ ꓙꓬ ꓙꓵ_ ꓟ ꓗꓷ ꓡꓰ ꓟ ꓗꓪ ꓐꓰ ꓡ ꓞꓳ 59 ꓣꓳ ꓛꓲ ꓫꓵꓸꓹ ꓡꓰ ꓢꓲ-ꓸ ꓡ ꓞꓳ ꓮ ꓟꓬꓹ ꓥ ꓟꓲ ꓫꓸ ꓔꓬ ꓟ ꓑꓶ ꓓꓴ ꓬꓰ ꓙ ꓢꓴ ꓐꓴ ꓥ ꓟꓲ ꓮ ꓘꓶꓸ ꓢꓯꓼ ꓕꓵꓼ ꓢꓲ ꓬꓰ ꓙ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=

ꓮ ꓟꓶ ꓬꓲꓸꓹ ꓙꓬ ꓙꓵ_ ꓟ ꓠꓬ 2004 ꓘꓳꓼ ꓗꓸ ꓠꓯꓸ ꓗꓴꓷꓼ ꓘꓴꓽ ꓗꓪ ꓬꓲꓸꓹ ꓙꓬ ꓮ ꓘꓶꓸ ꓙꓵ ꓡ ꓟ ꓥꓳ ꓐꓰ Bangladesh ꓗꓴꓷꓼ ꓙꓵꓽ ꓢꓲ ꓒꓽ ꓐꓴ ꓡꓰ ꓐꓯ_ ꓟ ꓥꓳ= ꓢꓳ ꓙꓳ ꓦꓲ ꓗꓪ ꓘꓰꓹ ꓑꓬ ꓢꓲ ꓬꓲꓸꓹ ꓙꓬ ꓙꓵ_ ꓟ ꓑꓶ ꓓꓴ ꓙꓸꓹ ꓡꓯꓼ ꓘꓳ ꓓꓴ ꓟꓽ ꓪ ꓢꓴ ꓐꓴ ꓔꓯ ꓬꓰ ꓙ ꓠꓹ ꓟ ꓐꓱ ꓶ ꓟꓯꓼ ꓐꓴ ꓔꓯ ꓝꓲ ꓦ ꓡꓳ ꓐꓰ ꓢꓷꓸ ꓪ ꓡꓳ=

ꓠꓽ ꓥꓪ ꓠꓬꓲ ꓠꓯꓼ ꓕꓲ ꓙꓵꓹ ꓗꓪ ꓞꓳ ꓕꓲ ꓘꓹ ꓬꓲꓸꓹ ꓙꓬ ꓟꓶꓸ ꓡꓰ ꓢꓲ ꓥꓪ ꓠꓴ ꓮ ꓙꓵ ꓙꓰ ꓟꓽ ꓙꓵ ꓗꓷ ꓡꓰ ꓟ ꓥꓳ ꓬꓲ ꓪ ꓠꓬ ꓬꓲ ꓪ ꓔꓯ ꓬꓰ ꓙ ꓡ ꓢꓴ ꓔꓯ ꓕꓲ ꓠꓬꓲ ꓡꓱꓼ ꓡꓳꓸ ꓔꓬ ꓟ ꓥꓳ ꓬꓲꓸ ꓟꓹ ꓟ ꓡꓰ ꓕꓱ ꓡꓱ ꓬꓲꓸꓹ ꓙꓬ ꓙꓵ_ ꓟ ꓟꓽ ꓔꓳꓹ ꓜꓳ ꓠꓬꓲ ꓐꓰ ꓐꓯ_ ꓡꓳ ꓐꓰ ꓞꓳ ꓘꓹ ꓢꓴ ꓡꓳꓼ-ꓟꓮꓠꓸ ꓡꓰ ꓐꓯ_ ꓡꓳ=

India ꓗꓴꓷꓼ Artengo ꓗꓴꓷꓼ ꓫꓴꓸꓸ ꓗꓪ ꓥꓪ ꓠꓬꓲ ꓛꓲ ꓟꓲꓽ ꓦ ꓦ ꓟ ꓑꓶ ꓓꓴ ꓑ ꓫꓬ 1000 ꓫꓬꓹ ꓟꓽ ꓞꓲ ꓫꓸ ꓔꓬ ꓡꓳ ꓐꓰ ꓢꓷꓸ ꓪ ꓡꓳ= ꓕꓱ ꓡꓱ ꓫꓸ ꓓꓴ ꓔꓳꓹ ꓜꓳ ꓔꓬ ꓢꓴ ꓔꓯ ꓣꓱꓽ ꓬꓯꓼ ꓟ ꓮ ꓙꓵꓽ ꓬꓰ ꓙ ꓠꓹ ꓟ ꓐꓱ ꓶ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓑꓶ ꓔ ꓡꓳ ꓐꓰ ꓗꓴꓷꓼ ꓢꓲ ꓒꓽ ꓦꓲꓟꓮꓠꓔꓮ ꓐꓲ ꓢꓪꓮ ꓡꓰ ꓐꓯ_ ꓡꓳ ꓐꓰ ꓢꓷꓸ ꓪ ꓡꓳ=

Add new comment

2 + 5 =