India ꓗꓴꓷꓼ ꓗꓪ ꓟꓶꓽ ꓦ ꓜꓯꓼ ꓬꓲꓸꓹ ꓙꓬ ꓙꓵꓽ ꓡꓳꓽ ꓧꓳꓹ ꓧꓳꓹ ꓡ ꓟ ꓪꓴꓸ ꓠꓬꓲ ꓑ ꓫꓬ 49 ꓣꓳ ꓫꓵꓸꓹ ꓡꓰ ꓟ ꓓꓳꓽ

India ꓗꓴꓷꓼ ꓗꓪ ꓟꓶꓽ ꓦ ꓜꓯꓼ ꓬꓲꓸꓹ ꓙꓬ ꓙꓵꓽ ꓡꓳꓽ ꓧꓳꓹ ꓧꓳꓹ ꓡ ꓟ ꓪꓴꓸ ꓠꓬꓲ ꓑ ꓫꓬ 49 ꓣꓳ ꓫꓵꓸꓹ ꓡꓰ ꓟ ꓓꓳꓽ
India ꓗꓴꓷꓼ ꓗꓪ ꓟꓶꓽ ꓦ ꓜꓯꓼ ꓬꓲꓸꓹ ꓙꓬ ꓙꓵꓽ ꓡꓳꓽ ꓧꓳꓹ ꓧꓳꓹ ꓡ ꓟ ꓪꓴꓸ ꓠꓬꓲ ꓑ ꓫꓬ 49 ꓣꓳ ꓫꓵꓸꓹ ꓡꓰ ꓢꓲ꓾ ꓟꓶ ꓡꓰ ꓔꓬ ꓢꓴ ꓮ ꓟꓬꓹ ꓔꓬ ꓡꓳ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ= 
ꓕꓲ ꓫꓵꓽ ꓠ ꓬꓲꓸ ꓘꓴꓽ ꓗꓪ ꓟꓶꓽ ꓦ ꓮ ꓘꓶꓸ ꓜꓯꓼ ꓡ ꓑꓶꓸ ꓓꓴ ꓟꓳ-ꓓꓳ꓾ ꓞꓳ ꓦꓲꓸꓹ ꓮ ꓟꓬꓹ ꓐꓬ ꓡꓰ ꓟ ꓥ ꓢꓲ꓾ U Tara Khan ꓐꓰ Maharashtra ꓗꓴꓷꓼ ꓫꓴꓸꓸ ꓗꓪ ꓙꓳˍ ꓟ ꓓꓽ ꓖꓴꓽ ꓥˍ ꓟꓲ ꓐꓬ ꓡꓰꓳ ꓐꓰ ꓢꓷꓸ ꓪ ꓡꓳ= ꓖꓳ ꓟ ꓡꓰ ꓐꓰ ꓟꓽ ꓞꓲ ꓟꓶꓽ ꓦ ꓜꓯꓼ ꓬꓲꓸꓹ ꓙꓬ ꓙꓵꓽ ꓡꓳꓽ ꓧꓳꓹ ꓧꓳꓹ ꓡ ꓟ ꓑꓶꓸ ꓓꓴ ꓙꓳꓽ ꓦꓲꓸꓹ ꓥˍ ꓟꓲ ꓮ ꓙꓵꓽ ꓑꓲꓸ ꓦˍ ꓡꓳ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓡꓳ=
ꓡꓳꓹ ꓬꓰ ꓟ ꓕꓲꓽ ꓦ ꓗꓪ ꓥˍ ꓟꓲ ꓟꓶꓽ ꓦ ꓮ ꓘꓶꓸ ꓜꓯꓼ ꓡ ꓟ ꓪꓴꓸ ꓠꓬꓲ ꓑ ꓫꓬ 90 ꓣꓳ ꓟꓽ ꓞꓲ ꓫꓵꓽ ꓡꓰ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=