Italy ꓗꓴꓷꓼ ꓗꓪ COVID-10 ꓠ ꓪꓴꓸ ꓠꓬꓲ ꓔꓲꓺ ꓒ ꓐꓴ (167) ꓣꓳ ꓗꓪ ꓛꓲꓺ ꓫꓵꓻ ꓗꓷꓳ

Italy ꓗꓴꓷꓼ ꓗꓪ COVID-10 ꓠ ꓪꓴꓸ ꓠꓬꓲ ꓫꓵꓻ ꓗꓷ ꓟ ꓔꓲꓺ ꓒ ꓐꓴ ꓠꓬ 11 ꓦ ꓘꓴꓽ ꓗꓪ ꓡꓰꓽ (43) ꓣꓳ ꓙꓳ ꓗꓷ ꓢꓲ ꓾ꓔꓲꓺ ꓒ ꓐꓴ ꓮ ꓙꓵꓽ (167) ꓣꓳ ꓗꓪ ꓛꓲꓺ ꓫꓵꓻ ꓗꓷ ꓪ= ꓫꓵꓻ ꓗꓷ ꓟ ꓔꓲꓺ ꓒ ꓐꓴ ꓗꓪ Milan ꓡꓳ ꓒꓱ  ꓔꓲꓺ ꓒ ꓓꓽ ꓟꓬꓱꓽ ꓗꓪ ꓐꓰ ꓠꓽ ꓗꓷ ꓟ( Auxilliary Bishop) Marco Virgilio Ferrar ꓐꓰ Casale Monferrato Diocese ꓗꓪ ꓐꓰ Msgr. Luigi Porta ꓐꓴˍ ꓟꓲ ꓐ ꓗꓷ ꓟ ꓥꓳ=

ꓬꓲꓸ ꓟꓶꓽ ꓫꓵꓻ ꓗꓷ ꓢꓴ ꓠꓬ ꓬꓲꓸ ꓞꓲꓼ (82) ꓘꓳꓼ ꓙꓳˍ ꓟ Msgr. Paolo Rigon ꓥ ꓡꓳ= COVID-19 ꓠ ꓠꓷꓼ ꓗꓷ ꓟ Italy ꓔꓲꓺ ꓒ ꓓꓽ ꓐꓴ ꓜꓴꓻ ꓗꓪ ꓟ ꓢꓽ-ꓡ-ꓙꓵꓽ ꓐꓰ Perugia-Citta della Pieve ꓡꓳ ꓒꓱ ꓗꓪ ꓟ ꓔꓲꓺ ꓒ ꓓꓽ ꓥ ꓟ Cardinal Gualtiero Bassestti ꓠꓬ ꓣꓳ-ꓟ ꓡꓳ ꓒꓱ ꓗꓪ ꓟ Gemelli ꓠꓯ ꓞꓲꓼ ꓦꓲꓻ ꓗꓪ ꓟꓽ ꓚꓵꓸ ꓙꓰ ꓢꓰꓼ ꓕꓯ Perugia ꓠꓯ ꓞꓲꓼ ꓦꓲꓻ ꓗꓪ (11) ꓠꓬꓲ ꓛꓲ ꓠꓯ ꓞꓲꓼ ꓫꓬꓹ ꓗꓷ ꓟ ꓥꓳ=

Cardinal Gualtiero Bassestti ꓗꓪ ꓐꓰ “ꓠꓯ ꓞꓲꓼ ꓦꓲ ꓗꓪ ꓔꓬ ꓗꓷ ꓟ (11) ꓠꓬꓲ ꓘꓴꓽ ꓗꓪ ꓠꓯ ꓞꓲꓼ ꓫꓬꓹ ꓖꓶ ꓔꓬ ꓢꓴ ꓐꓴ ꓠꓬ ꓠꓲꓹ ꓒꓵꓽ ꓠꓲꓹ ꓡꓱ ꓐꓰ ꓠꓲꓹ ꓟ ꓫꓵꓺ ꓢꓲ ꓠ ꓫꓬꓹ ꓖꓶ ꓔꓬ ꓟ ꓔꓯ ꓟꓳ ꓪ ꓡꓰꓳ= ꓠ ꓫꓬꓹ ꓖꓶ ꓔꓬ ꓢꓴ ꓮ ꓙꓵꓽ ꓐꓰ ꓠ ꓫꓬ ꓔꓬ ꓟ ꓞꓳ ꓠꓻ ꓐꓴ ꓮ ꓙꓵꓽ ꓐꓱ ꓶ ꓪ ꓘꓴ ꓙ ꓖꓶ ꓔꓬ ꓥꓳ꓾” ꓐꓰ ꓐꓯ ꓖꓶ ꓗꓷ ꓢꓲ꓾ ꓬꓲ ꓪ ꓮ ꓙꓵꓽ ꓔꓯ ꓪꓴ-ꓢ ꓠꓵ ꓠꓲꓹ ꓐꓰ ꓥꓳ ꓡꓳˍ ꓟ ꓣꓱꓽ ꓛꓰꓽ ꓗꓪ ꓝ ꓢꓲ ꓕꓲꓽ ꓠꓲꓹ ꓕꓲꓽ ꓪꓺꓽ ꓬꓰ ꓠꓹ ꓟ ꓐꓰ ꓾ ꓪꓴ-ꓢ ꓠꓬ ꓣꓳ ꓐꓴ ꓔꓯ ꓟꓽ ꓡꓳ ꓔ ꓔ ꓐꓰ꓾ ꓠꓬꓲ ꓙ ꓖꓶ ꓔꓬ ꓥꓳ ꓐꓰ꓾ ꓢꓯꓼ ꓖꓶꓽ ꓘꓶꓽ ꓫꓸ ꓕꓱꓻ ꓖꓶ ꓗꓷꓳ=

Photo Credit to Piero CRUCIATTI | AFP

https://bit.ly/33Pr78V