Korea ꓗꓴꓷꓼ ꓗꓪ ꓐꓰ Ukraine ꓟꓯꓼ ꓘꓰ, ꓐꓬ ꓢꓴ ꓐꓴ ꓔꓯ ꓬꓰ ꓙ ꓔꓬ ꓟ ꓓꓳꓽ

Korea ꓗꓴꓷꓼ ꓗꓪ ꓐꓰ Ukraine ꓟꓯꓼ ꓘꓰ, ꓐꓬ ꓢꓴ ꓐꓴ ꓔꓯ ꓬꓰ ꓙ ꓔꓬ ꓟ ꓓꓳꓽ 
ꓔꓲꓸꓸ ꓒ ꓪ ꓔꓲ Francis Karumar ꓟꓬꓱꓽ ꓔꓯ ꓟꓬꓱꓽ ꓟꓯ ꓔꓬ ꓢꓴ Cardinal Konrad Krajewski ꓠꓬ Korea ꓗꓴꓷꓼ ꓗꓪ ꓐꓰ Ukraine ꓟꓯꓼ ꓘꓰ, ꓐꓬ ꓢꓴ ꓐꓴ  ꓣꓱꓽ ꓬꓯꓼ ꓟ ꓮ ꓙꓵꓽ ꓔꓯ ꓬꓰ ꓙ ꓔꓬ ꓡꓳ ꓐꓰ ꓢꓷꓸ ꓪ ꓡꓳ= 
Ukraine ꓟꓯꓼ ꓘꓰ, ꓐꓬ ꓢꓴ ꓐꓴ ꓮ ꓘꓶꓸ ꓫꓸ ꓓꓴ ꓔꓳꓹ ꓜꓳ ꓔꓬ ꓟ ꓪꓴꓸ ꓠꓬꓲ ꓬꓲꓸ ꓪ ꓐꓱ ꓶ ꓜ ꓓꓴ ꓖꓪ ꓓꓴ ꓮ ꓟꓬꓹ ꓬꓰ ꓙ ꓪ ꓡꓰꓳ ꓐꓰ ꓢꓷꓸ ꓪ ꓡꓳ= ꓶꓸꓹ ꓤ ꓦ ꓠꓹ ꓟ ꓐꓱ ꓶ ꓔꓲꓸꓸ ꓒ ꓪ ꓔꓲ Francis ꓡꓰ  ꓟꓬꓱꓽ ꓬꓰ ꓢꓴ 30 ꓣꓳ ꓔꓯ ꓝꓲ ꓩꓴ ꓢꓲ꓾ ꓶꓸꓹ ꓤ ꓶꓸꓹ ꓟꓲ ꓔꓯ St. Sophia Greece ꓗ-ꓔꓳ-ꓡꓲ ꓪꓽ ꓘꓴꓽ ꓦꓲꓸꓹ ꓗꓪ ꓚꓬ, ꓦ ꓝꓲ ꓡꓳ ꓐꓰ ꓢꓷꓸ ꓪ ꓡꓳ=
Ukraine ꓟꓯꓼ ꓘꓰ, ꓐꓬ ꓢꓴ ꓐꓴ ꓔꓯ ꓬꓰ ꓙ ꓟ ꓠꓬ 106 ꓧꓶꓸ ꓥ ꓢꓲ꓾ Ukraine ꓗꓴꓷꓼ ꓫꓴꓸꓸ ꓡꓳ ꓒꓱ ꓕꓲ ꓡꓳ ꓒꓱ ꓥˍ ꓟ Lviv ꓗꓪ ꓥˍ ꓟꓲ ꓟꓽ ꓟꓶ ꓫꓵ ꓕꓯ ꓦꓲꓸꓹ ꓕꓲ ꓦꓲꓸꓹ ꓫꓬ, ꓓꓳ ꓡꓰ ꓢꓲ꓾ ꓤ ꓠꓱ ꓤ ꓐꓰ ꓟꓶꓽ ꓚꓵꓽ ꓟ ꓐꓴ ꓔꓯ ꓘꓳ, ꓣꓴ ꓔꓬ ꓡꓳ ꓐꓰ ꓢꓷꓸ ꓪ ꓡꓳ= ꓕꓱ ꓡꓱ ꓬꓰ ꓙ ꓟ ꓥˍ ꓟꓲ Ukraine ꓗꓴꓷꓼ ꓢꓲ ꓡꓲ, ꓗꓷ ꓡꓰ ꓠꓹ ꓟ ꓐꓱ ꓶ ꓐꓰ Ukraine ꓐꓰ ꓕꓲ ꓠꓲꓹ ꓕꓲ ꓪꓼ ꓔꓬ ꓟ ꓔꓯ ꓢꓷꓸ ꓡꓰ ꓝꓲ ꓠꓹ ꓟ ꓐꓱ ꓶ ꓔꓲꓸꓸ ꓒ ꓪ ꓔꓲ Francis ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ= 
ꓗ-ꓔꓳ-ꓡꓲ ꓢ-ꓢꓶ-ꓠ ꓠꓬ ꓞꓳ ꓫꓵꓽ ꓟ ꓘꓶꓽ ꓣꓱꓽ ꓬꓯꓼ ꓔꓬ ꓢꓴ ꓐꓴ ꓔꓯ ꓬꓰ ꓙ ꓔꓬ ꓟ ꓡꓰ ꓐꓰ ꓮ ꓟꓶ ꓕꓱ ꓡꓰ ꓬꓰ ꓙ ꓟ ꓥˍ ꓟꓲ ꓙꓲ_ ꓟ ꓠꓲꓹ ꓟ ꓙꓳ ꓢꓴ ꓐꓴ ꓡꓰ ꓖꓶ ꓡ ꓟ ꓒꓴ ꓗꓪ ꓐꓰ ꓬꓰ ꓙ ꓖꓶ ꓪ ꓡꓰ ꓟ ꓥ ꓡꓳ= ꓔꓲꓸꓸ ꓒ ꓪ ꓔꓲ Francis ꓬꓲ ꓚꓲ ꓛꓬ ꓟꓽ ꓡ ꓪ ꓥˍ ꓟꓲ ꓐ ꓡ ꓟꓬ ꓛꓲ ꓬꓰ ꓙ ꓔꓬ ꓟ ꓔꓯ ꓢꓷꓸ ꓡꓰ ꓝꓲ ꓠ ꓥ ꓡꓳ ꓐꓰ ꓢꓷꓸ ꓪ ꓡꓳ=