Nawng- Mon ꓠꓯꓺ ꓞꓲꓼ ꓦꓲꓻ ꓓ: ꓗꓪ ꓠꓯꓺ ꓞꓲꓼ ꓟ: ꓡꓳꓼ ꓟ ꓑꓶ ꓓꓴ ꓠꓯꓺ ꓞꓲꓼ ꓣꓱ: ꓬꓯꓼ ꓔꓬ ꓟ꓾

Nawng- Mon ꓠꓯꓺ ꓞꓲꓼ ꓦꓲꓻ ꓓ: ꓗꓪ ꓠꓯꓺ ꓞꓲꓼ ꓟ: ꓡꓳꓼ ꓟ ꓑꓶ ꓓꓴ ꓠꓯꓺ ꓞꓲꓼ ꓣꓱ: ꓬꓯꓼ ꓔꓬ ꓟ꓾
ꓑꓴꓔꓮꓳ ꓡꓳ ꓒꓱ ꓓ: ꓠꓮꓴꓠꓖ ꓟꓳꓠ ꓡꓳ ꓒꓱ ꓑ ꓫꓬ ꓠꓯꓺ ꓞꓲꓼ ꓦꓲꓻ ꓓ: ꓗꓪ ꓠꓯꓺ ꓞꓲꓼ ꓟꓼ ꓡꓳꓼ ꓠ ꓟ: ꓙꓳˍ ꓟ ꓑꓶ ꓓꓴ ꓫ. ꓔꓬ ꓟ꓾ ꓠꓯꓺ ꓞꓲꓼ ꓙꓲꓺ ꓔꓲ ꓗꓪ ꓥ ꓟꓲ ꓪꓴꓺ ꓓꓴ ꓫ. ꓔ ꓟ ꓑꓶ ꓓꓴ ꓑ ꓫꓬ ꓐꓴ ꓫ. ꓓꓴ ꓔꓳꓹ ꓜꓳ ꓔꓬ ꓡꓳ ꓐꓰ ꓢꓷ. ꓪ ꓡꓳ=
ꓞꓳ ꓘꓹ ꓗꓪ ꓐꓰ ꓒꓴ ꓫꓵꓺ ꓟ: ꓙꓳ ꓢꓴ ꓠꓬ ꓠꓻ ꓡꓰ ꓕꓯ ꓑꓴꓔꓮꓳ ꓡꓳ ꓒꓱ ꓓ: ꓙꓪ ꓙꓰ ꓢꓲ ꓠꓻ ꓫꓬꓹ ꓟ: ꓐ ꓡ ꓑꓶ ꓓꓴ ꓬꓲ ꓪ ꓠꓯꓼ ꓗꓪ ꓙꓳˍ ꓟ ꓠꓯꓼ ꓞꓲꓼ ꓔꓯ ꓡꓰ ꓣꓱ: ꓔꓬ ꓡꓳ ꓐꓰ ꓠꓮꓴꓠꓖ ꓟꓳꓠ ꓞꓳ ꓘꓹ ꓢꓴ ꓗꓪ ꓐꓰ ꓢꓷ. ꓪ ꓡꓳ=
ꓖ-ꓟꓶ-ꓓꓰ ꓗꓪ ꓙꓰ ꓢꓲ ꓫꓬꓹ ꓠꓹ ꓟ ꓥ ꓟꓲ ꓚꓬꓚꓡꓰ ꓧꓪ ꓞꓶꓺ ꓒꓵ: ꓮ ꓘꓶ. ꓠꓯ. ꓟ ꓑꓶ ꓓꓴ ꓙꓰ ꓟ: ꓐ ꓫꓵ ꓥ ꓟꓲ ꓙꓳˍ ꓡꓳ ꓐꓰ ꓐꓯ ꓔ ꓡꓳ= ꓟꓳ-ꓓꓳ ꓙꓻ ꓖꓴ ꓑꓲ. ꓡꓰ ꓗ. ꓠꓯ. ꓠꓮꓴꓠꓖ ꓟꓳꓠ ꓗꓪ ꓶ ꓤ ꓶ ꓟꓰ ꓐꓰ ꓠꓯꓺ ꓞꓲꓼ ꓪꓴꓺ ꓠꓹ ꓟ ꓫ. ꓔ ꓡꓳ ꓐꓰ ꓐꓯ ꓔ ꓡꓳ=
ꓟꓶ: ꓦ ꓦ ꓝꓲ. ꓕꓯ ꓠꓬ ꓟꓳ-ꓓꓳ ꓙꓻ ꓖꓴ ꓡꓳ: ꓧꓳꓹ ꓧꓳꓹ ꓟ ꓗꓷ ꓡꓰ ꓔꓬ ꓟ ꓑꓶ ꓓꓴ ꓙꓰ ꓚꓳ ꓓꓴ ꓫ. ꓔ ꓟ ꓥꓳ= ꓮ ꓟꓶ ꓥ ꓟꓲ ꓑꓴꓔꓮꓳ-ꓠꓮꓴꓠꓖ ꓟꓳꓠ ꓟꓳ-ꓓꓳ ꓙꓻ ꓖꓴ ꓡꓶ: ꓡꓰ ꓢꓲ꓾ ꓟꓳ-ꓓꓳ ꓙꓰ ꓟ: ꓙꓲ ꓗꓷ ꓡꓰ ꓔꓬ ꓡꓳ ꓐꓰ ꓢꓷ. ꓪ ꓡꓳ=
ꓠꓮꓴꓠꓖ ꓟꓳꓠ ꓠꓯꓺ ꓞꓲꓼ ꓦꓲꓻ ꓓ: ꓗꓪ ꓠꓯꓺ ꓞꓲꓼ ꓠꓯꓺ ꓟꓲ ꓐꓰ ꓠꓯꓺ ꓞꓲꓼ ꓟ: ꓡꓳꓼ ꓟ ꓡꓰ ꓐꓰ ꓠꓯꓺ ꓞꓲꓼ ꓟ. ꓒ: ꓥ ꓟꓙ ꓟ: ꓔꓬ ꓐꓰ ꓞꓳ ꓘꓹ ꓢꓴ ꓐꓴ ꓗꓪ ꓐꓰ ꓢꓷ. ꓪ ꓡꓳ=