ꓙꓲꓻ ꓫꓬ ꓢꓴ Leo ꓑꓮꓲ꓿

ꓙꓲꓻ ꓫꓬ ꓢꓴ Leo ꓑꓮꓲ꓿

ꓙꓲꓻ ꓫꓬ ꓢꓴ Leo  ꓠꓬ ꓮ ꓟꓬ, ꓟꓬꓱꓺ ꓓꓳ ꓙꓳ ꓟ ꓔꓲꓺ ꓒ ꓪ ꓔꓲ ꓕꓲ ꓪ ꓥ ꓡꓳ꓿ AD(400) ꓘꓳꓼ ꓕꓯ ꓣꓳ‐ꓟ ꓡꓳ ꓒꓱ ꓗꓪ ꓬꓲ ꓔꓯ ꓦꓵꓻ ꓗꓷꓳ꓿ ꓬꓲ ꓠꓬ ꓞꓲꓼ ꓣꓳ ꓟ ꓙꓵ ꓔꓯ ꓟꓲ ꓠꓯ ꓢꓷ. ꓠꓲ ꓕꓳ ꓶ ꓢꓳ ꓣꓴ ꓟꓶ ꓢꓴ ꓥ ꓟ ꓪꓴ. ꓠꓬꓲ ꓟꓲ ꓠꓯ ꓢꓷ. ꓠꓲ, ꓮ ꓟꓬ, ꓓꓽ ꓢꓴ ꓥ ꓡꓳ꓿ ꓔꓲꓺ ꓒ ꓒꓬꓱꓼ ꓡ ꓗ. ꓠꓯ, ꓙꓲꓻ ꓫꓬ ꓢꓴ Leo ꓠꓬ ꓔꓲꓺ ꓒ ꓪ ꓔꓲ ꓔꓯ ꓟꓬꓱꓽ ꓬꓰ ꓙ ꓢꓴ (Secretary) ꓕꓲ ꓪ ꓒꓬꓱꓼ ꓡ ꓪ꓿ ꓣꓳ‐ꓟ ꓡꓳ ꓒꓱ ꓗꓪ ꓘꓴ ꓜꓲꓼ ꓔꓯ ꓧꓳꓽ ꓪꓴ. ꓟꓴ ꓢꓴ ꓔꓲꓺ ꓒ ꓪ ꓔꓲ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳ ꓬꓰ ꓗ. ꓠꓯ, ꓙꓲꓻ ꓫꓬ ꓢꓴ Leo ꓠꓬ ꓔꓲꓺ ꓒ ꓪ ꓔꓲ ꓒꓬꓱꓼ ꓡ ꓪ꓿

 ꓙꓲꓻ ꓫꓬ ꓢꓴ ꓔꓲꓺ ꓒ ꓪ ꓔꓲ Leo ꓠꓬ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓔꓯ ꓮ ꓟꓬ, ꓪꓴꓽ ꓟꓴ ꓡ ꓠ, ꓟ ꓢꓯꓼ ꓕꓵꓼ ꓗꓷꓳ꓿ ꓙꓵ ꓠꓲ, ꓚꓱ ꓗꓪ ꓪꓴ. ꓓꓲ ꓡꓰ ꓟ ꓧꓪ. ꓡꓰ ꓟ ꓠꓬꓲ AD(451) ꓘꓳꓼ ꓕꓯ Chalcedon ꓡꓳ ꓒꓱ ꓗꓪ ꓖꓪ ꓙꓱ ꓜꓲꓼ ꓓꓴ ꓥ ꓡꓳ꓿ ꓖꓪ ꓙꓱ ꓜꓲꓼ ꓓꓴ ꓗꓪ (Eutyches) ꓟꓬꓱꓺ ꓔ ꓟ ꓡ  ꓞꓳ ꓡꓰ ꓢꓲꓺ ꓒ ꓬꓰ‐ꓢꓴ ꓠꓬ ꓡ ꓞꓳ ꓧꓪꓽ ꓖꓳ ꓓꓱ ꓟꓽ ꓙꓳ ꓐꓰ  ꓥꓳꓽ ꓡꓰ ꓟ ꓙꓵ ꓠꓲ, ꓚꓱ, ꓔꓯ ꓟ. ꓖꓶ ꓗꓷꓳ=

AD 452 ꓘꓳꓼ ꓕꓯ (Attila) ꓡꓰ ꓣꓳ‐ꓟ ꓡꓳ ꓒꓱ ꓔꓯ ꓟꓯꓼ ꓓꓶ ꓟꓯꓼ ꓢꓰꓼ ꓡ ꓟ ꓙꓵ ꓗꓪ ꓔꓲꓺ ꓒ ꓪ ꓔꓲ Leo ꓠꓬ ꓣꓳ‐ꓟ ꓡꓳ ꓒꓱ ꓔꓯ ꓟꓯꓼ ꓢꓰꓼ ꓡ ꓟ, (Attila) ꓔꓯ ꓬꓲ ꓪ ꓔꓬ ꓟꓵꓽ ꓗꓪ ꓡ ꓙꓰ ꓠ, ꓟ ꓐꓯ ꓗꓷꓳ꓿ ꓟꓯꓼ ꓜꓲꓼ ꓒꓽ (Attila) ꓥ ꓟꓲ꓾ ꓔꓲꓻ ꓒ ꓪ ꓔꓲ Leo ꓔꓯ ꓡꓳ. ꓟꓳ ꓗꓷ ꓔꓯ ꓗ. ꓠꓯ, ꓢꓲ ꓗꓪ ꓢꓲꓽ ꓫꓬ ꓟ, ꓦꓻ ꓮ ꓟꓬ, ꓔꓯ ꓡꓳ. ꓟꓳ ꓟ ꓪꓴ. ꓠꓬꓲ ꓮ ꓟꓬ, ꓙꓳˍ ꓡꓰ ꓢꓲ ꓣꓳ‐ꓟ ꓡꓳ ꓒꓱ ꓔꓯ ꓟꓯꓼ ꓟꓽ ꓢꓰꓼ ꓡ ꓙꓰ ꓪ꓿

ꓙꓲꓻ ꓫꓬ ꓢꓴ ꓔꓲꓻ ꓒ ꓪ ꓔꓲ Leo ꓠꓬ ꓘꓴ ꓜꓲꓼ ꓞꓳ ꓔꓯ ꓮ ꓟꓬ, ꓢꓯꓼ ꓕꓵꓼ ꓢꓲ ꓠꓬꓲ ꓧꓳꓽ ꓪꓴ. ꓟꓴ ꓗꓷꓳ꓿ AD (461) ꓘꓳꓼ ꓕꓯ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳ ꓬꓰꓳ꓿