ꓔꓲꓺ ꓒ ꓪ ꓔꓲ ꓬꓳ‐ꓦ ꓒꓳ‐ꓡꓳ (2) ꓐꓰ Lutheran ꓚꓺ ꓟꓲꓽ

Monday, February 21, 2022

ꓔꓲꓺ ꓒ ꓪ ꓔꓲ ꓬꓳ‐ꓦ ꓒꓳ‐ꓡꓳ (2) ꓐꓰ Lutheran ꓚꓺ ꓟꓲꓽ

1980 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓬꓳ‐ꓦ ꓒ‐ꓡꓳ (2) Germany ꓗꓴꓷꓼ ꓚꓳ, ꓡꓰ ꓪ꓿ Germany ꓗꓴꓷꓼ ꓗꓪ ꓠꓬ Lutheran ꓞꓳ ꓜꓲꓼ ꓞꓳ ꓮ ꓟꓬ, ꓔꓬ ꓟ ꓗꓴꓷꓼ ꓕꓲ ꓗꓴꓷꓼ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ (Mainz) ꓟꓬꓱꓺ ꓟ ꓬꓲ ꓔꓶ. ꓗꓪ ꓙꓵꓽ ꓪ ꓙꓳ ꓢꓴ ꓐꓴ ꓐꓰ ꓜꓲꓼ ꓡꓯ ꓘꓳ ꓗꓷꓳ꓿

1983 ꓘꓳꓼ ꓕꓯ ꓔꓲꓺ ꓒ ꓪ ꓠꓬ Evangelican Lutheran ꓘꓴ ꓜꓲꓼ ꓞꓳ ꓗꓪ ꓐꓰ ꓬꓰ ꓟ ꓑꓮꓲ ꓓꓽ ꓗꓪ ꓗ, ꓡꓰ ꓪ꓿ Lutheran ꓘꓴ ꓜꓲꓼ ꓞꓳ ꓠꓬ ꓗ‐ꓔꓳ‐ꓡꓲ ꓘꓴ ꓜꓲꓼ ꓞꓳ ꓗꓪ ꓐꓰ ꓧ, ꓡꓰꓳ ꓟ ꓠꓬ (500) ꓡꓳ ꓬꓰ ꓕꓯ ꓢꓲ ꓠꓬꓲ ꓔꓲꓺ ꓒ ꓪ ꓔꓲ ꓗ, ꓡꓰ ꓟ ꓚꓳ ꓡꓰ ꓟ ꓥ ꓡꓳ꓿

1999 ꓘꓳꓼ ꓕꓯ ꓬꓰ ꓗꓷ ꓟ ꓑꓮꓲ ꓓꓽ ꓟ ꓗꓪ ꓔꓲꓺ ꓒ ꓪ ꓔꓲ ꓠꓬ Lutheran ꓘꓴ ꓜꓲꓼ ꓞꓳ ꓗꓪ ꓗ, ꓡꓰ ꓠ, ꓟ ꓔꓲꓺ ꓒ ꓪ ꓔꓲ ꓡꓰ ꓔꓲꓺ ꓒ ꓓꓽ ꓐꓴ ꓕꓯ ꓞꓲꓼ ꓗꓷꓳ꓿ ꓘꓴ ꓜꓲꓼ ꓞꓳ ꓠꓬꓲ ꓟ ꓪ ꓢꓲ ꓠꓬꓲ ꓕꓳ ꓶ ꓥ ꓟꓲ ꓐꓳ ꓗꓷꓳ꓿ ꓔꓲꓺ ꓒ ꓪ ꓔꓲ ꓡꓰ ꓮ ꓟꓬ, ꓢꓯꓼ ꓕꓵꓼ ꓟ ꓪꓴ ꓠꓬꓲ Lutheran ꓘꓴ ꓜꓲꓼ ꓞꓳ ꓐꓰ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓠꓬ ꓧꓪꓽ ꓡꓯ ꓘꓳ ꓓꓴ ꓮ ꓟꓬ ꓙꓳ ꓡꓰ ꓪ꓿