ꓛꓴꓽ ꓙꓳ ꓢꓴ ꓔꓯ ꓠꓲꓹ ꓠꓵ ꓠꓯꓹ ꓟ

1 ꓪ ꓔꓲ 21ꓽ17-29

ꓟ-ꓕꓲ 5ꓽ43-48

ꓠꓶꓽ ꓛꓳ ꓕꓲ ꓛꓳꓽ ꓔꓯ ꓠꓲꓹ ꓠꓵ ꓢꓲ ꓛꓴꓽ ꓙꓳ ꓢꓴ ꓔꓯ ꓠꓲꓹ ꓜꓳ꓾ ꓐꓯˍ ꓟ ꓠꓴ ꓪ ꓑ ꓙꓽ ꓠꓬꓲꓳ= ꓖꓳ ꓡꓱ ꓥˍ ꓟꓲ ꓠꓴ ꓪ ꓔꓯ ꓥꓪ ꓐꓯ ꓖꓶˍ ꓠꓬꓲ꓾ ꓛꓴꓽ ꓙꓳ ꓢꓴ ꓔꓯ ꓠꓲꓹ ꓠꓵ ꓢꓲ꓾ ꓠꓴ ꓪ ꓔꓯ ꓗꓸ ꓧꓪ ꓢꓴ ꓐꓱ ꓶ ꓪꓽ ꓘꓴ ꓙ=

ꓕꓱ ꓡꓱ ꓬꓰˍ ꓠꓬ ꓠꓴ ꓪ ꓠꓽ ꓟꓴ ꓗꓪ ꓗꓪ ꓔꓬ ꓟ ꓠꓴ ꓪ ꓐꓹ ꓐꓽ ꓬꓲ ꓤ ꓠꓱ ꓒꓬꓱꓼ ꓡˍ ꓥꓳ= ꓮ ꓡꓲꓳ ꓐꓯ ꓠꓬ ꓪꓴ-ꓢ ꓡꓰ ꓬꓲ ꓟꓲꓽ ꓟꓲ ꓠꓬ ꓞꓳ ꓙꓲˍ ꓐꓰ ꓞꓳ ꓥꓶ ꓔꓯ ꓕꓲ ꓡꓰꓹˍ ꓐꓰ ꓣꓳꓺ ꓖꓶˍ ꓡꓳ= ꓟꓶ ꓦˍ ꓟꓲ ꓙꓲ ꓫꓬ ꓢꓴ ꓐꓰ ꓟꓽ ꓙꓲ ꓫꓬ ꓢꓴ ꓔꓯ ꓕꓲ ꓡꓰꓹˍ ꓐꓰ ꓦ ꓖꓶˍ ꓡꓳ= 

ꓠꓴ ꓪ ꓠꓬ ꓠꓴ ꓪ ꓔꓯ ꓠꓲꓹ ꓠꓵ ꓢꓴ ꓔꓯ ꓡꓰꓽ ꓠꓲꓹ ꓠꓵˍ ꓕꓯ ꓠꓽ ꓮ ꓫꓵꓽ ꓡꓯꓼ ꓫꓴ ꓟꓽ ꓙꓳ= ꓝꓲꓸ ꓫ ꓢꓴˍ ꓟꓲ ꓕꓱ ꓡꓱ ꓬꓰˍ ꓡꓳ ꓟꓽ ꓥ ꓡ? ꓠꓴ ꓪ ꓠꓬ ꓠꓴ ꓪ ꓬꓲꓼ ꓠꓴ ꓪ ꓠꓬꓲ ꓔꓯˍ ꓡꓰ ꓒꓵꓽ ꓗ ꓬꓰˍ ꓠꓬ꓾ ꓠꓱꓸ ꓐꓯꓼ ꓢꓴˍ ꓐꓰ ꓟꓽ ꓫꓱꓸ ꓡꓯ ꓘꓳ ꓓꓴ ꓮ ꓫꓵꓽ ꓙꓳˍ ꓡ? ꓟꓽ ꓙꓵꓻ ꓢꓴ ꓐꓴˍ ꓟꓲ ꓖꓳ ꓡꓱ ꓬꓰˍ ꓡꓳ ꓟꓽ ꓥ ꓡ? ꓖꓳ ꓡꓱ ꓠꓬꓲ ꓟꓴ ꓗꓪ ꓗꓪ ꓔꓬ ꓟ ꓠꓴ ꓪ ꓐꓹ ꓐꓽ ꓜꓳꓽ ꓓꓰˍ ꓟˍ ꓡꓰ ꓐꓰ꓾ ꓠꓴ ꓪˍ ꓟꓲ ꓜꓳꓽ ꓓꓰ ꓡꓰ ꓠ ꓗꓹ ꓡꓳ=