ꓬꓰ ꓙ ꓗꓴˍ ꓔ ꓟ ꓡ ꓞꓳ

ꓞꓳ ꓤ ꓕꓲ ꓣꓳ ꓠꓬ ꓮ ꓘꓶꓸ ꓶ_ ꓟ ꓕꓲ ꓖ ꓗꓪ ꓙꓰ ꓠ, ꓟ ꓙ ꓖꓶ_ ꓡꓳ=  ꓬꓲ ꓙꓰ ꓠ ꓔ ꓟ ꓞꓳ ꓘ, ꓠꓬ ꓮ ꓘꓶꓸ ꓶ_ ꓟ ꓪꓴꓸ ꓠꓬꓲ  ꓙ ꓖꓴ ꓗꓪ ꓦꓯꓼ ꓟꓷꓼ ꓡˍ ꓕꓯ ꓜ ꓓꓴ ꓜ ꓕꓱ, ꓔꓯ, ꓜ_ ꓡꓳ= ꓙ ꓖꓴ ꓕꓲ ꓖ ꓗꓪ ꓛꓲ ꓬꓰ ꓠꓬ ꓮ. ꓠꓽ ꓕꓲ ꓜꓴ ꓮ ꓘꓶꓸ ꓦꓯꓼ ꓟꓷꓼ ꓔꓬ ꓟ ꓔꓯ ꓟꓳ ꓡꓳ= ꓖꓳ ꓕꓯ ꓬꓲꓸ ꓠꓯꓼ ꓗꓪ ꓙꓳˍ ꓟ ꓜ ꓕꓱ, ꓔꓯ ꓖꓶ ꓩꓴ ꓡꓳ= ꓬꓲꓸ ꓠꓬ ꓝ. ꓢꓲ ꓙ ꓖꓴ ꓫꓱꓽ ꓙꓰ ꓡꓳ= ꓟꓶ ꓜ ꓟꓽ ꓛꓲ ꓡ ꓕꓯ ꓬꓲꓸ ꓠꓬ ꓮ ꓘꓶꓸ ꓦꓯꓼ ꓟꓷꓼ ꓡꓳ= ꓖꓳ ꓡꓱ ꓐꓯ ꓥ ꓟꓲ ꓬꓲꓸ ꓠꓬ ꓮ. ꓠꓽ ꓕꓲ ꓜꓴ ꓐꓴ ꓜ ꓐꓳ ꓡꓰ ꓟ ꓔꓯ ꓟꓳ ꓕꓯ ꓬꓲꓸ ꓥ ꓟꓲ ꓗ, ꓛꓲ ꓡꓳ= ꓬꓲ ꓠꓬ ꓫꓸ ꓢꓴ ꓟꓷꓼ ꓢꓴ ꓐꓴ ꓔꓯ ꓥ ꓟꓲ ꓬꓰ ꓙ ꓔꓳ, ꓙ ꓡꓳ= ꓕꓱ ꓡꓱ ꓬꓰ ꓙ ꓔꓳ, ꓙ ꓟ ꓑꓶ ꓓꓴ ꓮ ꓟꓶ ꓬꓲꓸ ꓠꓯꓼ ꓗꓪ ꓠꓬ ꓮ ꓫꓵꓽ ꓟꓬꓱꓽ ꓬꓰ ꓡ ꓐꓯ ꓥ ꓟꓲ ꓫꓸ ꓓꓴ ꓟꓽ ꓙꓳ꓾ ꓧꓪ. ꓡꓰ ꓟ ꓟꓬꓱꓽ ꓬꓰ ꓐ ꓡ ꓡꓳ= ꓕꓱ ꓟ ꓠꓬ ꓢꓴ ꓔꓯ ꓬꓰ ꓙ ꓔꓳ, ꓙ ꓟ ꓪꓴꓸ ꓠꓬꓲ ꓥ ꓡꓳ= ꓖꓳ ꓟ ꓪꓴꓸ ꓠꓬꓲ ꓠꓲꓹ ꓠꓵ ꓟ ꓮꓽ ꓐꓽ ꓮ ꓟ ꓐꓴ ꓣꓳ ꓥ ꓟꓲ ꓢꓴ ꓔꓯ ꓬꓰ ꓙ ꓡꓯ꓾ ꓔꓳ, ꓙ ꓡꓯ= ꓕꓲ ꓣꓳ ꓐꓰ ꓕꓲ ꓣꓳ ꓬꓰ ꓙ ꓔꓳ, ꓙ ꓡꓯꓼ ꓘꓳꓼ ꓟ ꓠꓬ ꓮ ꓘꓶꓸ ꓙꓲ_ ꓟ ꓥ ꓡꓳ=