Crusade ꓟꓶ ꓙꓽ ꓢꓰꓼ ꓡꓯ ꓘꓳ ꓟ 4 ꓧꓪ ꓚꓺ ꓟꓲꓽ

Crusade ꓟꓶ ꓙꓽ ꓢꓰꓼ ꓡꓯ ꓘꓳ ꓟ 4 ꓧꓪ ꓚꓺ ꓟꓲꓽ

Crusade ꓟꓶ ꓙꓽ ꓢꓰꓼ ꓡꓯ ꓘꓳ ꓟ 3 ꓧꓪ ꓓꓳꓻ ꓡꓰ ꓗꓷ ꓠꓯ, ꓑ ꓫꓬ ꓐꓴ ꓠꓬ ꓟꓯꓼ ꓢꓰꓼ ꓡꓯ ꓘꓳ ꓟ ꓔꓯ ꓟꓽ ꓠꓲ, ꓫꓵˍ ꓗꓷ ꓡꓰꓳ꓿ 1198 ꓘꓳꓼ ꓕꓯ ꓔꓲꓺ ꓒ ꓪ ꓔꓲ Innocent (3) ꓠꓬ ꓔꓲꓺ ꓒ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓢꓴ ꓒꓬꓱꓼ ꓡꓳ꓿ ꓔꓲꓺ ꓒ ꓪ ꓔꓲ Innocent ꓠꓬ ꓙꓱ‐ꓣꓴ‐ꓢ‐ꓡꓱ ꓔꓯ Muslim ꓐꓴ ꓡꓯ ꓒꓯ ꓗꓪ ꓐꓰ ꓝꓮꓲ ꓣꓴ ꓠ, ꓟ ꓢꓯꓼ ꓕꓵꓼ ꓗꓷꓳ꓿ ꓖꓳ ꓕꓲ ꓙꓵ, ꓗꓪ ꓙ‐ꓟ‐ꓠꓲ ꓗꓴꓷꓼ ꓐꓰ ꓰ‐ꓖ‐ꓡꓮꓠ ꓗꓴꓷꓼ ꓐꓴ ꓟꓯꓼ ꓢꓰꓼ ꓡꓯ ꓘꓳ ꓔꓬ ꓟ ꓙꓵ, ꓥ ꓡꓳ꓿

ꓐꓲ‐ꓔꓲ ꓔꓲꓺ ꓒ (Fulk of Neuilly) ꓠꓬ ꓟ. ꓟꓲꓽ ꓚꓺ ꓗꓷ ꓟ ꓪꓴ. ꓠꓬ Crusade 4 ꓧꓪ ꓢꓰꓼ ꓡꓯ ꓘꓳ ꓓꓴ ꓒꓬꓱꓼ ꓡ ꓪ꓿ 1199 ꓘꓳꓼ ꓕꓯ Crusade ꓟꓯꓼ ꓔꓯ (Thibaut ) ꓡꓰ ꓧꓳꓽ ꓪꓴ. ꓟꓴ ꓗꓷꓳ꓿ 1200 ꓘꓳꓼ ꓕꓯ Thibout ꓫꓵꓻ ꓡꓰ ꓗ. ꓠꓯ, (Boniface of Montterrat)  Crusade ꓟꓯꓼ ꓜꓴꓻ ꓔꓯ ꓧꓳꓽ ꓪꓴ. ꓟꓴ ꓗꓷꓳ꓿ Crusade ꓟꓯꓼ ꓒ ꓐꓴ ꓔꓯ ꓓꓲꓼ ꓡꓲꓻ ꓗꓪ ꓐꓰ ꓰ‐ꓙꓰ ꓗꓴꓷꓼ ꓗꓪ ꓛꓲ ꓦꓼ ꓗꓷꓳ꓿ 1201 ꓘꓳꓼ ꓕꓯ Crusade ꓟꓯꓼ ꓒ (33500) ꓣꓳ ꓔꓯ ꓰ‐ꓖ ꓗꓴꓷꓼ ꓛꓲ ꓦꓻ ꓢꓲ ꓠꓬꓲ ꓟꓯꓼ ꓢꓰꓼ ꓠ, ꓟ ꓙꓰ ꓝꓲꓳ꓿

1202 ꓘꓳꓼ 6 ꓦ 24 ꓠꓬꓲ ꓕꓯ Crusade ꓟꓯꓼ ꓜꓴꓻ ꓔꓯ ꓟꓯꓼ ꓢꓰꓼ ꓠ, ꓟ ꓔꓲꓺ ꓒ ꓪ ꓔꓲ ꓙꓵꓽ ꓪ ꓖꓶ ꓗꓷꓳ꓿ ꓔꓲꓺ ꓒ ꓪ ꓔꓲ ꓠꓬ ꓘꓴ ꓜꓲꓼ ꓞꓳ ꓐꓴ ꓔꓬ ꓟ ꓡꓳ ꓒꓱ ꓘ, ꓔꓯ ꓟꓯꓼ ꓟꓽ ꓓꓰꓼ ꓟꓽ ꓢꓰꓼ ꓠ, ꓟ ꓐꓯ ꓟ. ꓖꓶ ꓗꓷꓳ꓿ ꓖꓳ ꓡꓱ ꓥ ꓟꓲ ꓙꓲ‐ꓢꓴ ꓢꓲꓺ ꓤ ꓐꓴ ꓔꓬ ꓟ ꓡꓳ ꓒꓱ ꓘ, ꓮ ꓟꓬ ꓔꓯ Muslim ꓟꓯꓼ ꓐꓴ ꓡꓰ ꓢꓰꓼ ꓧꓪ. ꓡꓰ ꓟ ꓪꓴ. ꓠꓬꓲ  Crusade ꓟꓯꓼ ꓒ ꓐꓴ ꓠꓬ ꓟꓯꓼ ꓓꓶꓽ ꓠ, ꓟ ꓫ ꓡꓰꓳ꓿ Crusade ꓟꓯꓼ ꓒ ꓐꓴ ꓠꓬ ꓙꓲ‐ꓢꓴ ꓢꓲꓺ ꓤ ꓐꓴ ꓔꓬ ꓟ ꓡꓳ ꓒꓱ ꓥ ꓟ Z-R ꓡꓳ ꓒꓱ ꓔꓯ ꓟꓯꓼ ꓢꓰꓼ ꓗꓷꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓔꓲꓺ ꓒ ꓪ ꓔꓲ ꓠꓬ Crusade ꓟꓯꓼ ꓒ ꓐꓴ ꓮ ꓙꓵꓽ ꓔꓯ ꓘꓴ ꓜꓲꓼ ꓞꓳ ꓗꓪ ꓐꓰ ꓠꓽ ꓡꓰ ꓝꓲꓳ꓿ ꓕꓱ ꓡꓰ ꓐꓰ ꓟꓯꓼ ꓒ ꓮ ꓟꓬ ꓠꓬ ꓙꓲ ꓗ ꓟꓽ ꓙꓳ ꓡꓰꓳ꓿ ꓔꓲꓺ ꓒ ꓪ ꓔꓲ ꓔꓯ ꓥ ꓟꓲ ꓓꓳꓽ ꓟꓽ ꓟ. ꓗꓷ ꓡꓰꓳ꓿