ꓬꓰ‐ꓢꓴ ꓔꓯ ꓛꓳ ꓠꓲ, ꓫꓵ ꓢꓴ ꓔꓯ ꓟ. ꓖꓶ ꓟ (Sunday reflection)

ꓞꓳ ꓜꓴ ꓓꓽ ꓟ ꓬꓰ-ꓢꓴ ꓔꓯ ꓛꓳ ꓙꓰ ꓔꓬ ꓕꓯ꓾ ꓬꓲ ꓔꓲꓸ ꓒꓳꓹ ꓢꓲ ꓬꓲ ꓪꓽ ꓔꓯ꓾ 26 ꓮꓽ ꓟ ꓥꓪ ꓔꓯ ꓡꓻˍ ꓠꓬ꓾ ꓬꓲ ꓚꓲꓸ ꓛꓬ ꓐꓹ ꓐ ꓟꓹ ꓟˍ ꓐꓰ꓾ ꓤꓽ ꓟꓶ ꓤ ꓠꓱˍ ꓐꓰ꓾ ꓬꓲꓼ ꓤ ꓠꓬꓲ ꓤˍ ꓐꓰ꓾ ꓮꓸ ꓝꓲ ꓠꓬꓲ ꓟˍ ꓐꓰ꓾ ꓬꓲ ꓚꓲꓸ ꓛꓬ ꓔꓯ ꓠꓲꓹ ꓠꓵˍ ꓟ ꓢꓶꓸ ꓟ ꓞꓲ ꓥꓪ ꓔꓯ ꓟꓽ ꓠꓲꓹ ꓠꓵ ꓕꓯ ꓠꓽ꓾ ꓥꓪ ꓛꓳꓽ ꓒꓯꓹ ꓬꓰ ꓟꓽ ꓒꓬꓱꓼ ꓡ꓿ 27 ꓝꓮꓲ ꓮꓽ ꓟ ꓥ ꓟꓲ ꓬꓲ ꓚꓲꓸ ꓛꓬ ꓡꓯꓼ ꓐꓳ ꓔꓶꓸ ꓓꓴ ꓑꓱꓸ ꓢꓲ ꓥꓪ ꓔꓯ ꓟꓽ ꓛꓳ ꓠꓬ꓾ ꓥꓪ ꓛꓳꓽ ꓒꓯꓹ ꓬꓰ ꓟꓽ ꓒꓬꓱꓼ ꓡ꓿ 28 ꓠꓴ ꓪꓽ ꓮ ꓡꓲ ꓕꓲ ꓣꓳ ꓞꓳꓽ ꓦꓲ ꓔꓳꓹ ꓠꓲꓹ ꓫꓵˍ ꓠꓬ꓾ ꓫꓬꓹ ꓓꓳ ꓡꓰ ꓠꓹ ꓟ ꓫꓬꓹ ꓒꓵꓽ ꓙꓳ ꓟꓽ ꓙꓳ ꓐꓰ꓾ ꓧꓶꓸ ꓕꓯ ꓡꓰ ꓠꓬꓲꓸ ꓠꓸ ꓢꓲ ꓟꓽ ꓢꓪꓸ ꓠꓬꓲ ꓡ? 29 ꓟꓽ ꓥ ꓠꓬ ꓦꓲ ꓚꓰ ꓜꓶꓻ ꓗꓷˍ ꓟꓲ ꓫꓬꓹ ꓓꓳ ꓡꓰ ꓟꓽ ꓘꓴ ꓠꓬ꓾ ꓡꓳꓸ ꓟꓳꓻ ꓢꓴ ꓮꓽ ꓙꓵ ꓬꓲ ꓔꓯ ꓤꓲꓺ ꓢꓲ꓾ 30 ꓡꓽ ꓞꓳ ꓕꓱ ꓕꓲ ꓣꓳ ꓠꓬ ꓦꓲ ꓫꓬꓹ ꓪꓴꓸ ꓔꓴ ꓗꓷˍ ꓟꓲ ꓫꓬꓹ ꓓꓳ ꓡꓰ ꓟꓽ ꓘꓴ꓾ ꓐꓰ ꓐꓯ ꓡ ꓥꓳ=

ꓠꓬꓲ. ꓠꓬꓲ ꓢꓲꓽ ꓫꓬ ꓕꓳ ꓶ ꓗꓪ ꓡꓳ. ꓟꓳ ꓪ ꓕꓯ ꓢꓲꓺ ꓒ ꓬꓰ‐ꓢꓴ ꓡꓰ ꓣꓳ ꓔꓯ ꓮ ꓡꓰ ꓐꓰ ꓢꓯ. ꓔꓬ ꓠ, ꓟ ꓟ. ꓖꓶ ꓡ ꓟꓳ ꓥ ꓡꓳ꓿ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓚꓲ. ꓛꓬ ꓡꓯ ꓐꓳ ꓔꓶ ꓓꓴ ꓔꓯ ꓝꓱ ꓔ ꓢꓲ ꓠꓬꓲ ꓢꓲꓺ ꓒ ꓬꓰ‐ꓢꓬ ꓠꓯ ꓗꓪ ꓛꓳ ꓠ, ꓟ ꓟ. ꓖꓶ ꓡ ꓟ ꓥ ꓡꓳ꓿ ꓣꓳ ꓕꓲ  ꓠꓬꓲ ꓡꓰ ꓕꓲ ꓠꓬꓲ ꓣꓳ ꓬꓰ ꓠ, ꓟ ꓟꓬꓱꓽ ꓐꓰ ꓪꓽ ꓘꓴ ꓠ, ꓟ ꓚꓱ, ꓮ ꓟꓬ, ꓫꓵ ꓔꓯ ꓢꓯꓼ ꓕꓵꓼ ꓢꓲ ꓠꓬꓲ ꓬꓰ ꓠ, ꓟ ꓐꓯ ꓖꓶ ꓔ ꓡꓳ꓿ ꓮ ꓕꓯ ꓥ ꓟꓲ ꓪꓴ‐ꓢ ꓠꓯ ꓗꓪ ꓡ ꓠ, ꓟ ꓐꓰ ꓢꓲꓺ ꓒ ꓬꓰ‐ꓢꓴ ꓐꓰ ꓕꓲ ꓛꓳ ꓢꓯ. ꓔꓬ ꓠ, ꓟ ꓢꓯꓼ ꓕꓵꓼ ꓙꓰ ꓡꓯ ꓫ. ꓟꓳ ꓪ꓿