Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓪꓽ ꓘꓴˍ ꓠ, ꓟ ꓔꓯ ꓥꓳꓽ (Sunday reflection)
Sunday, October 16, 2022
ꓪꓽ ꓘꓴˍ ꓠ, ꓟ ꓔꓯ ꓥꓳꓽ
ꓬꓲ ꓪꓽ ꓠꓬ ꓮ ꓕꓯꓽˍ ꓟꓲ ꓠꓲꓹ ꓟ ꓟꓽ ꓙꓬ ꓡꓰ ꓡꓰ ꓪꓽ ꓘꓴ ꓠꓹ ꓟ꓾ ꓬꓰ-ꓢꓴ ꓡꓰ ꓔꓯ ꓥꓳꓽ ꓕꓱ ꓡꓱ ꓕꓲ ꓟ ꓐꓯ ꓖꓶˍ ꓡꓳ꓿ 2 ꓡꓳ ꓒꓱ ꓕꓲ ꓟ ꓗꓪ ꓪꓴ-ꓢ ꓔꓯˍ ꓟꓲ ꓟꓽ ꓙꓳ꓾ ꓡꓽ ꓞꓳ ꓔꓯˍ ꓟꓲ ꓟꓽ ꓒꓵꓽ ꓟ ꓐꓯ ꓟꓴ ꓫꓬꓹ ꓒꓽ ꓕꓲ ꓣꓳ ꓔꓬ ꓡꓳ꓿ 3 ꓝꓮꓲ ꓡꓳ ꓒꓱ ꓖꓳ ꓕꓲ ꓟ ꓗꓪ ꓟꓶꓽ ꓛꓵꓽ ꓟˍ ꓟꓲ ꓕꓲ ꓣꓳ ꓔꓬ ꓡꓳ꓿ ꓬꓲ ꓠꓬ ꓮ ꓕꓯꓽˍ ꓟꓲ ꓢꓲꓽ ꓒ ꓖꓳ ꓕꓲ ꓣꓳ ꓔꓯ ꓙꓰ ꓢꓲ꓾ ꓥꓪ ꓔꓯ ꓔꓳꓹ ꓢꓴ ꓐꓴˍ ꓐꓰ ꓥꓪ ꓠꓬꓲꓽ ꓗꓴꓸ ꓚꓸꓼ ꓗꓪ ꓐꓯ ꓟꓴ ꓫꓬꓹ ꓖꓶ ꓡꓯ꓾ ꓐꓰ ꓓꓰꓽˍ ꓡꓳ꓿ 4 ꓬꓲ ꓪꓴꓸ ꓕꓯꓽ ꓐꓯ ꓟꓴ ꓫꓬ ꓒ ꓠꓬ ꓬꓰ ꓙ ꓠꓲꓹ ꓟꓽ ꓫꓵ꓿ ꓖꓳ ꓡꓱ ꓥ ꓟꓲ ꓗꓸ ꓠꓯꓸ ꓠꓬ ꓬꓲ ꓠꓽ꓾ ꓥꓪ ꓠꓬ ꓪꓴ-ꓢ ꓔꓯˍ ꓟꓲ ꓟꓽ ꓙꓳ꓾ ꓞꓳ ꓤ ꓔꓯˍ ꓟꓲ ꓟꓽ ꓒꓵꓽ ꓢꓴ ꓥꓻ ꓥˍ ꓟꓲ꓾ 5 ꓟꓶꓽ ꓛꓵꓽ ꓟ ꓕꓱ ꓕꓲ ꓣꓳ ꓡꓰ ꓥꓪ ꓔꓯ ꓘꓶꓻ ꓡꓶꓽ ꓔꓬ ꓠꓬꓲ꓾ ꓥꓪ ꓡꓰ ꓬꓲ ꓐꓱ ꓶ ꓐꓯ ꓟꓴ ꓫꓬꓹ ꓖꓶˍ ꓥꓳ꓿ ꓟꓽ ꓥ ꓠꓬ ꓬꓲ ꓟꓽ ꓠꓽ ꓠꓽ ꓡ ꓔꓬ ꓟ ꓗꓪ ꓐꓰ ꓥꓪ ꓪꓴꓽ ꓧꓶ ꓓꓴ ꓗꓷ ꓡꓰˍ ꓥꓳ꓾ ꓐꓰ ꓓꓵꓽ ꓙˍ ꓡꓳ꓾ ꓐꓯˍ ꓡꓳ꓿ 6 ꓝꓮꓲ ꓢꓲ ꓒꓽ ꓡꓰ꓾ ꓟꓽ ꓙꓲꓻ ꓟꓽ ꓜꓳꓽ ꓟ ꓐꓯ ꓟꓴ ꓫꓬꓹ ꓒ ꓖꓳ ꓟ ꓐꓯˍ ꓟ ꓔꓯ ꓚꓲꓸ ꓔ꓿ 7 ꓪꓴ-ꓢ ꓠꓽ ꓟꓳꓼ ꓡꓳ ꓢ ꓘꓪ ꓬꓲ ꓔꓯ ꓓꓰꓽ ꓔꓬ ꓟ ꓢꓲꓺ ꓔ ꓢꓴ ꓐꓴ ꓐꓱ ꓶ ꓪ ꓜꓲ ꓠꓲꓹ ꓞ ꓔꓱꓹ ꓜꓳꓽˍ ꓟ ꓐꓯ ꓟꓴ ꓞꓷꓹ ꓖꓶ ꓡ ꓥꓳ꓾ ꓟꓽ ꓥ ꓡ? 8 ꓠꓴ ꓪꓽ ꓔꓯ ꓥꓪ ꓐꓯ ꓖꓶˍ ꓠꓬꓲ꓾ ꓬꓲ ꓠꓬ ꓬꓲ ꓪꓽ ꓔꓯ ꓮꓸ ꓟꓲꓸ ꓟꓲ ꓔꓱꓹ ꓜꓳꓽˍ ꓟ ꓐꓯ ꓟꓴ ꓞꓷꓹ ꓖꓶˍ ꓥꓳ꓿ ꓖꓳ ꓡꓱ ꓥ ꓟꓲ ꓡ-ꓞꓳ-ꓮ-ꓐꓲ ꓡꓻ ꓕꓯ꓾ ꓟꓲ ꓠꓯ ꓗꓪ ꓙꓵꓻ ꓠꓲꓹ ꓧꓪ ꓟꓶˍ ꓥꓳ ꓪ?꓾ ꓐꓯˍ ꓡꓳ=
ꓠꓬꓲ. ꓠꓬꓲ ꓢꓲꓺ ꓒ ꓬꓰ‐ꓢꓴ ꓠꓬ ꓣꓳ ꓔꓯ ꓪꓽ ꓘꓴ ꓕꓯ ꓮ ꓡꓰ ꓐꓰ ꓬꓰ ꓠꓯˍ ꓟ ꓟ. ꓖꓶ ꓶ ꓟ ꓥ ꓡꓳ꓿ ꓣꓳ ꓝꓴꓲ ꓙꓳ ꓢꓴ ꓟꓲ ꓠꓯ ꓞꓳ ꓤ ꓐꓴ ꓪꓴ‐ꓢ ꓔꓯ ꓪꓴꓽ ꓕꓯ ꓮ ꓡꓰ ꓓꓰꓽ ꓠ, ꓟ ꓟ. ꓖꓶ ꓡ ꓟ ꓥ ꓡꓳ꓿ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓣꓳ ꓢꓯ. ꓔꓬ ꓟ ꓞꓶ ꓗꓪ ꓪꓴ‐ꓢ ꓠꓲ, ꓒꓴ ꓟ ꓙꓲ‐ꓢꓴ ꓢꓲꓺ ꓤ ꓒꓬꓱꓼ ꓡ ꓠ, ꓟ ꓢꓯꓼ ꓕꓵꓼ ꓓꓴ ꓬꓰ ꓡꓯ꓿ ꓫ. ꓟꓳ ꓪ꓿
Subscribe
Sign up to our newsletter and get latest news and updates straight to your inbox!
Download RVA App
Add new comment