ꓡꓲꓽ ꓒꓰꓼ ꓬꓲꓸ ꓒꓵꓽ (2) Dialogue with Culture

ꓠꓬꓲꓸ ꓠꓬꓲ ꓕꓲꓽ ꓞꓲꓼ ꓗꓪ ꓠꓬ ꓧꓶꓸ ꓕꓯꓽ ꓕꓲꓽ ꓞꓲꓼ ꓗꓪ ꓟ ꓶ ꓤꓼ ꓶ ꓟꓲ ꓬꓲꓸ ꓐꓲꓽ ꓥ ꓕ ꓑꓳꓸ ꓔꓯ ꓧꓪꓸ ꓟ ꓖꓳ ꓟꓡꓰ ꓟꓽ ꓞꓲ ꓕꓲꓽ ꓤꓶ ꓡꓰ ꓕꓲ ꓤꓶ ꓞꓳ ꓤꓽ ꓞꓳ ꓙꓳ ꓢꓯꓸ ꓔꓬ ꓚꓱꓹ ꓬꓲ ꓪꓽ ꓣꓱˍ ꓟ ꓶ ꓤ ꓶ ꓟꓲ ꓬꓲꓸ ꓪꓽ ꓡꓲꓽ ꓒꓰꓼ ꓥ ꓕ ꓑꓳꓸ ꓔꓯ ꓮꓽ ꓘꓶꓸꓒꓵꓽ ꓢꓲ ꓠꓬꓲ꓾ ꓠꓬꓲꓸ ꓠꓬꓲ ꓠꓬ ꓧꓪ ꓜꓲꓼ ꓔꓬ ꓟ ꓥ ꓪ= ꓟꓲ ꓠꓯ ꓞꓳ ꓤꓽ ꓕꓲꓽ ꓤꓶ ꓡꓰ ꓕꓲꓽ ꓤꓶ ꓪꓴꓽ ꓡ ꓟꓴ ꓡˍ ꓟ ꓚꓱꓹ ꓧꓶꓸ ꓕꓯ ꓕꓲꓽ ꓞꓲꓼ ꓗꓪ ꓟ ꓶ ꓤꓼ ꓶ ꓟꓲ ꓬꓰ ꓐꓲꓽ ꓬꓲꓸ ꓪ ꓡꓰ ꓫꓬꓹ ꓦˍ ꓟ ꓶ ꓤꓼ ꓶ ꓟꓲ ꓬꓲꓸ ꓪꓽ ꓓꓵꓽ ꓙ ꓔ ꓟ ꓚꓱꓹ ꓦ ꓡꓱˍ ꓟ ꓙꓵ ꓠꓲꓹ ꓚꓱꓹ ꓕꓱ ꓡꓲꓳ ꓫꓵꓽ ꓔꓯ ꓧꓪ ꓟꓲꓹ ꓢꓲ ꓬ ꓜꓲꓼ ꓔ ꓟ ꓐꓳ ꓔ ꓟ ꓕꓱ ꓡꓲꓳ ꓫꓵꓽ ꓬꓰ ꓔꓬ ꓟ ꓥ ꓪ= 

  ꓖꓳ ꓟ ꓑꓶ ꓓꓴ ꓠꓲ ꓠꓬꓲꓸ ꓠꓬꓲ ꓟꓲ ꓠꓯ ꓕꓲꓽ ꓚꓳ ꓡꓳ ꓗꓪ ꓡꓲꓽ ꓒꓰꓼ ꓚꓱꓹ ꓔꓯ ꓟꓳ ꓞꓳ ꓤꓽ ꓛꓳꓽ ꓪ ꓟꓳ ꓪ ꓠ ꓟꓸ ꓔ ꓟ ꓬꓲꓸ ꓔꓶꓸ ꓮꓽ ꓟꓬꓹ ꓕꓱ ꓡꓰ ꓙꓳˍ ꓡꓳ= ꓖꓳ ꓕꓲꓽ ꓘꓴꓸ ꓗꓪ ꓞꓳ ꓫꓵꓽ ꓕꓲꓽ ꓫꓵꓽ ꓮ ꓡꓰ ꓢꓲ ꓕꓲꓽ ꓤꓶ ꓡꓰ ꓕꓲꓽ ꓤꓶ ꓪꓴꓽ ꓡ ꓟꓴ ꓡˍ ꓟ ꓮ ꓡꓰ ꓢꓲ ꓕꓲꓽ ꓤꓶ ꓖꓴ ꓡꓰ ꓠꓬ ꓕꓲꓽ ꓤꓶ ꓛꓳ ꓚꓱꓹ ꓒꓳꓹ ꓢꓲ ꓪꓴꓽ ꓡ ꓟꓴ ꓡˍ ꓟ ꓚꓱꓹ ꓕꓱ ꓡꓲꓳ ꓫꓵꓽ ꓕꓯ ꓧꓪ ꓟꓲꓹ ꓔ ꓟ ꓥ ꓪ= ꓞꓳ ꓙꓳ ꓢꓯꓸ ꓔꓬ ꓚꓱꓹ ꓕꓲꓽ ꓤꓶ ꓡꓰ ꓕꓲꓽ ꓤꓶ ꓪꓴꓽ ꓡ ꓟꓴ ꓡˍ ꓟ ꓚꓱꓹ ꓡꓲꓽ ꓒꓰꓼ ꓚꓱꓹ ꓔꓯ ꓟꓳꓸ ꓶ ꓤꓼ ꓶ ꓟꓲ ꓮ ꓡꓰ ꓢꓲ ꓪꓴ ꓡ ꓟꓴ ꓡ ꓢꓲ ꓒꓳꓹ ꓡꓶꓸ ꓡˍ ꓟ ꓚꓱꓹ ꓞꓳ ꓫꓵꓽ ꓕꓲꓽ ꓫꓵꓽ ꓬꓲ ꓪꓽ ꓣꓱˍ ꓟ ꓫꓸ ꓪ ꓬꓲꓸ ꓪꓽ ꓐꓳˍ ꓟ ꓕꓳ ꓶ ꓮ ꓡꓰ ꓢꓲ ꓕꓲꓽ ꓤꓶ ꓡꓰ ꓕꓲꓽ ꓤꓶ ꓒꓳꓹ ꓡꓶꓹ ꓡˍ ꓟ ꓚꓱꓹ ꓔꓯ ꓧꓪ ꓟꓲꓹ ꓢꓲ ꓕꓱ ꓟ ꓔꓯ ꓟꓽ ꓐꓬ ꓡꓰ ꓠ ꓢꓯꓼ ꓕꓵꓼ ꓔꓬ ꓟ ꓥ ꓪ= 

ꓕꓱ ꓡꓲꓳ ꓫꓵꓽ ꓮꓽ ꓠꓱ ꓗꓪ ꓟ ꓔꓯ ꓧꓪ ꓟꓲꓹ ꓢꓲ ꓟꓽ ꓐꓬ ꓡꓰ ꓠ ꓢꓯꓼ ꓕꓵꓼˍ ꓟ ꓠꓬ ꓞꓳ ꓫꓵꓽ ꓕꓲꓽ ꓫꓵꓽ ꓚ ꓟꓲˍ ꓐꓰ ꓖꓳ ꓟ ꓞꓳ ꓫꓵꓽ ꓔꓯ ꓟꓽ ꓐꓬ ꓡꓰ ꓠ ꓢꓯꓼ ꓕꓵꓼˍ ꓟ ꓚꓱꓹ ꓥˍ ꓡꓳ= ꓕꓱ ꓟ ꓔꓯ ꓕꓱ ꓡꓰ ꓧꓪ ꓟꓲꓹ ꓢꓲ ꓢꓳ ꓣꓴˍ ꓟ ꓠꓬ ꓚꓵꓸ ꓛꓬ ꓞꓳ ꓙꓳ ꓢꓯꓸ ꓔꓬ ꓚꓱꓹ ꓔꓯ ꓚꓵꓸ ꓛꓬꓽ ꓞꓳ ꓫꓵꓽ ꓐꓴ ꓕꓲꓽ ꓤꓶ ꓡꓰ ꓕꓲꓽ ꓤꓶ ꓞꓳ ꓙꓳ ꓢꓯꓸ ꓔꓬ ꓚꓱꓹ ꓔꓯ ꓢꓷꓸ ꓡꓰ ꓠꓹ ꓟ ꓐꓱ ꓶ ꓥˍ ꓡꓳ= ꓖꓳ ꓟ ꓑꓶꓸ ꓓꓴ ꓠꓲ ꓞꓳ ꓫꓵꓽ ꓕꓲꓽ ꓫꓵꓽ ꓚ ꓟꓲ ꓡꓲꓽ ꓒꓰꓼ ꓐꓰ ꓗ ꓟꓲꓽ ꓬꓲꓸ ꓪꓽ ꓣꓱˍ ꓟ ꓫꓸ ꓪ ꓡꓲꓽ ꓒꓰꓼ ꓐꓰ ꓕꓲꓽ ꓤꓶ ꓡꓰ ꓕꓲꓽ ꓤꓶ ꓛꓳ ꓚꓱꓹ ꓡꓲꓽ ꓒꓰꓼ ꓠꓯꓸꓼ ꓗꓪ ꓟ ꓙꓵ ꓗ ꓬꓲꓸ ꓪꓽ ꓣꓱ ꓡꓳꓹ ꓬꓰ ꓟ ꓶ ꓤ ꓶ ꓟꓲ ꓮꓽ ꓙꓵꓽ ꓔꓯ ꓧꓪ ꓟꓲꓹ ꓔ ꓟ ꓐꓳ ꓕꓲ ꓔ ꓟ ꓧꓪ ꓟꓲꓹ ꓢꓲ ꓬ ꓜꓲꓼ ꓔ ꓟ ꓮꓽ ꓙꓵꓽ ꓠꓬ ꓮꓽ ꓘꓶꓸ ꓬꓳꓸ ꓚꓵˍ ꓟ ꓕꓲꓽ ꓫꓵꓽ ꓥˍ ꓡꓳ= 

 ꓚꓵꓸ ꓛꓬ ꓚ ꓟꓲꓽ ꓚꓵꓸ ꓛꓬꓽ ꓕꓳꓽ ꓶ ꓐꓰ ꓗ ꓟꓲꓽ ꓫꓸ ꓪ ꓕꓱ ꓟ ꓟꓶꓽ ꓡꓰ ꓠꓬ ꓚꓵꓸ ꓛꓬꓽ ꓠꓬ ꓢꓯꓸ ꓔꓬ ꓥˍ ꓟꓲ ꓞꓳ ꓫꓵꓽ ꓠꓬ ꓟꓶꓽ ꓡꓰˍ ꓟ ꓥ ꓪ= ꓕꓱ ꓡꓰ ꓗꓶ ꓡꓰˍ ꓟ ꓠꓬ ꓟꓲ ꓠꓯ ꓗꓪ ꓟꓽ ꓓ ꓵ ꓣꓳ ꓟꓬˍ ꓟ ꓞꓳ ꓫꓵꓽ ꓪꓴꓸ ꓠꓬꓲ꓾ ꓖꓳ ꓟ ꓞꓳ ꓫꓵꓽ ꓫꓸ ꓪ ꓐꓰ ꓬꓲꓸ ꓪꓽ ꓡꓲꓽ ꓒꓰꓼ ꓛꓳ ꓚꓱꓹ ꓕꓱ ꓟ ꓠꓬ ꓵ ꓣꓳ ꓟꓽ ꓟꓬꓽ ꓟ ꓞꓳ ꓫꓵꓽ ꓠꓯꓸꓼ ꓗꓪ ꓓꓵꓽ ꓡ ꓢꓲ ꓖꓳ ꓟ ꓞꓳ ꓫꓵꓽ ꓛꓳ ꓚꓱꓹ ꓡꓲꓽ ꓒꓰꓼ ꓠꓬ ꓟꓶꓽ ꓡꓰˍ ꓟ ꓫꓸ ꓪ ꓥˍ ꓟꓲ ꓥ ꓠꓬ ꓞꓳ ꓫꓵꓽ ꓟꓶꓽ ꓡꓰˍ ꓓꓴ ꓟ ꓥ ꓪ=