ꓒ‐ꓗ ꓡꓳ ꓒꓱ ꓪꓰ. ꓑꓳꓼ ꓧꓪ ꓔꓶ. ꓗꓪ ꓟꓵꓽ ꓡꓶꓽ ꓡ ꓟ ꓪꓴ. ꓠꓬꓲ ꓪꓰ. ꓧꓪ ꓢꓴ 37 ꓣꓳ ꓫꓵꓸꓹ ꓡꓰ ꓢꓴ ꓐꓴ ꓠꓯꓸꓼ ꓗꓪ ꓐꓰ ꓫꓵꓸꓹ ꓟꓳ 6 ꓟꓳ ꓔꓯ ꓧꓪ ꓟꓶ ꓡꓰ ꓟ ꓓꓳꓽ

ꓒ‐ꓗ ꓡꓳ ꓒꓱ ꓪꓰ. ꓑꓳꓼ ꓧꓪ ꓔꓶ. ꓗꓪ ꓟꓵꓽ ꓡꓶꓽ ꓡ ꓟ ꓪꓴ. ꓠꓬꓲ ꓪꓰ. ꓧꓪ ꓢꓴ 37 ꓣꓳ ꓫꓵꓸꓹ ꓡꓰ ꓢꓴ ꓐꓴ ꓠꓯꓸꓼ ꓗꓪ ꓐꓰ ꓫꓵꓸꓹ ꓟꓳ 6 ꓟꓳ ꓔꓯ ꓧꓪ ꓟꓶ ꓡꓰ ꓟ ꓓꓳꓽ
 ꓡꓳꓹ ꓬꓰ ꓟ 8 ꓦ ꓟ 13 ꓠꓬꓲ 2023 ꓘꓳꓼ ꓟꓶꓽ ꓘꓶꓼ 3 ꓙꓵ, ꓕꓯ ꓗ‐ꓛꓲ ꓗꓴꓷꓼ ꓫꓴ ꓒ‐ꓗ ꓡꓳ ꓒꓱ ꓪꓰ. ꓑꓳꓼ ꓧꓪ ꓔꓶ. ꓗꓪ ꓟꓵꓽ ꓡꓶꓽ ꓡ ꓢꓲ ꓪꓰ. ꓑꓳꓼ ꓧꓪ ꓢꓴ ꓑ ꓫꓬ (37) ꓣꓳ ꓟꓽ ꓞꓲ ꓫꓵꓻ ꓡꓰꓳ ꓐꓰ ꓐꓯ ꓔ ꓡꓳ꓿ 
 ꓖꓳ ꓫꓵꓸꓹ ꓡꓰ ꓢꓴ 30 ꓣꓳ ꓘꓴꓽ ꓠꓯꓸꓼ ꓗꓪ ꓐꓰ ꓫꓵꓸꓹ ꓟꓳ 6 ꓟꓳ ꓔꓯ ꓧꓪ ꓟꓶꓳ ꓐꓰ ꓬꓰ ꓙ ꓢꓴ ꓜꓴ ꓐꓴ ꓡꓰ ꓐꓯ ꓔ ꓡꓳ ꓐꓰ ꓢꓷꓸ ꓪ ꓡꓳ=ꓝꓮꓲ ꓫꓵꓸꓹ ꓡꓰ ꓢꓴ ꓐꓴ ꓫꓵꓸꓹ ꓟꓳ ꓔꓯ ꓡꓯ ꓫꓵ ꓧꓪ ꓔꓬ ꓥˍ ꓟꓲ ꓟꓶꓽ ꓦ ꓮ ꓘꓶꓸ ꓜꓯꓼ ꓡ ꓟ ꓪꓴꓸ ꓠꓬꓲ ꓠꓽ ꓦ ꓔ ꓡꓳ ꓐꓰ ꓟꓬ-ꓟ ꓗꓴꓷꓼ ꓗꓪ ꓟ ꓬꓰ ꓙ ꓢꓴ ꓜꓴ ꓐꓴ ꓡꓰ ꓐꓯ ꓔ ꓡꓳ= 
ꓗꓳ. ꓗꓷ ꓟ 2020 ꓘꓳꓼ ꓕꓯ ꓥ ꓟꓲ ꓪꓰ‐ꓘ ꓪꓰ. ꓑꓳꓼ ꓧꓪ ꓔꓶ. ꓗꓪ ꓟꓵꓽ ꓡꓶꓽ ꓡ ꓟ ꓪꓴ. ꓠꓬꓲ ꓫꓵꓻ ꓡꓰ ꓢꓴ ꓑ ꓫꓬ (170) ꓣꓳ ꓙꓳ ꓡꓰ ꓟ ꓥ ꓡꓳ꓾ ꓐꓰ ꓢꓷ. ꓪ ꓡꓳ=