ꓬꓳ-ꓦ ꓟꓸ ꓟꓲꓽ ꓚˍ ꓟ

ꓟ-ꓘꓳ ꓕꓳꓽ ꓶ 1: 1-8

 ꓪꓴ-ꓢ ꓬꓲ ꓮ ꓐꓲ ꓬꓰ-ꓢꓴ ꓙꓲ-ꓢꓴ ꓶꓼ ꓥꓳ ꓫꓱꓹ ꓥꓳ ꓬꓲ ꓪꓴꓸ ꓔꓴ_ ꓟ꓿ ꓟꓷ ꓠꓷꓹ ꓝ ꓢꓴ ꓬꓲ-ꓢ-ꓬꓼ ꓕꓳ ꓶ ꓗꓪ ꓐꓳ ꓔ_ ꓟ꓾ ꓠꓬꓲ ꓠꓹ꓾ ꓠꓴ ꓟꓲꓽ ꓕꓯ ꓢꓲ ꓗꓪ ꓥꓪ ꓝꓲ ꓓꓴ ꓝꓲ ꓩꓴ ꓗꓷ_ ꓡꓳ꓿ ꓬꓲ ꓠꓬ ꓠꓴ ꓙ ꓖꓴ ꓙꓽ ꓖꓶ_ ꓥꓳ꓿

ꓡꓲ ꓛꓲ ꓗꓪ ꓡ ꓞꓳ ꓕꓲ ꓣꓳ ꓘꓴꓻ ꓔꓬ_ ꓟ ꓢꓯꓼ ꓠꓬ꓾ ꓢꓲꓺ ꓒ ꓙ ꓖꓴ ꓠꓴ ꓪ ꓙꓽ ꓖꓶ꓾ ꓬꓲ ꓚꓱꓹ ꓔꓱꓹ ꓔꓱꓹꓼ ꓐꓰ ꓫꓬ꓾ ꓐꓰ ꓐꓯ_ ꓟ_ ꓐꓰ ꓕꓲ ꓡꓰꓹꓼ꓾

ꓖꓳ ꓓꓱ ꓔꓲꓹ ꓖꓶ ꓢꓴ ꓬꓳ-ꓦ ꓠꓬ ꓡꓲ ꓛꓲ ꓗꓪ ꓡ_ ꓡꓳ꓿ ꓝꓮꓲ ꓠꓬ ꓝꓴꓲ ꓖꓽ ꓖꓶ ꓟꓶ ꓠꓹ ꓟ_ ꓐꓰ ꓓꓵ ꓙ ꓒꓳꓹ ꓬꓲꓼ ꓡ ꓢꓲ ꓖꓳ ꓓꓱ ꓔꓲꓹ ꓠ ꓟ ꓟꓸ ꓟꓲ ꓚ ꓟꓸ ꓖꓶ_ ꓡꓳ꓿

ꓬꓴ-ꓔ ꓕꓲ ꓟꓵ ꓡꓱꓸꓼ ꓐꓰ ꓙꓱ-ꓣꓴ-ꓢ-ꓡꓱ ꓢꓴ ꓮ ꓙꓵ ꓠꓬ ꓬꓲ ꓔꓬ_ ꓗꓪ ꓓꓳ ꓙꓰ ꓢꓲ꓾ ꓬꓲ ꓪ ꓝꓴꓲ ꓣꓷꓠꓸ ꓢꓲ ꓠꓬꓲ꓾ ꓬꓳ-ꓔ ꓬꓲꓽ ꓟ ꓗꓪ꓾ ꓬꓲ ꓡꓯ ꓒꓯꓹ ꓗꓪ ꓐꓰ ꓖꓳ ꓓꓱ ꓔꓲꓹ ꓟꓶ_ ꓡꓳ꓿

ꓬꓳ-ꓦ ꓠꓬ ꓡꓳꓽ ꓕꓳ ꓟꓵꓺ ꓐꓵ ꓞꓶ ꓖꓪꓽ ꓔ ꓢꓲ꓾ ꓬꓲ ꓙꓴꓽ ꓝꓲ ꓗꓪ ꓧꓪꓽ ꓙꓲ ꓙꓽ ꓧꓷꓹ ꓧꓷ ꓔ ꓢꓲ ꓠꓬꓲ꓾ ꓚ ꓑꓴ_ ꓐꓰ ꓡꓲ ꓛꓲ ꓐꓬꓽ ꓬꓲꓻ ꓜꓽ_ ꓡꓳ꓿

ꓬꓲ ꓠꓬ ꓟꓸ ꓟꓲ ꓚ ꓟꓸ ꓖꓶ ꓢꓲ ꓕꓱ ꓡꓱ ꓐꓯ_ ꓡꓳ꓾ ꓥꓪ ꓢꓶꓸ ꓟꓽ ꓞꓲ ꓪꓽ ꓠꓬꓲ ꓢꓴ ꓠꓬ ꓥꓪ ꓗ ꓠꓯ ꓢꓲ ꓗꓪ ꓡ_ ꓡꓳ꓿ ꓥꓪ ꓠꓽ ꓖꓳ ꓓꓱ ꓗꓴ ꓢꓲ ꓬꓲ ꓛꓲꓺ ꓠꓲ ꓦꓲꓻ ꓚ ꓒꓶꓻ ꓖꓶ ꓠꓹ ꓟ_ ꓟꓲ ꓟꓽ ꓒꓵꓽ꓿

ꓥꓪ ꓠꓬ ꓠꓴ ꓪ ꓔꓯ ꓬꓲ ꓙꓬ ꓡꓰ ꓔꓲꓹ ꓖꓶ ꓗꓷꓳ꓿ ꓬꓲ ꓠꓽ ꓠꓴ ꓪ ꓔꓯ ꓢꓲ-ꓫꓬ-ꓟ-ꓦ ꓡꓰ ꓔꓲꓹ ꓖꓶ ꓡ_ ꓥꓳ꓾ ꓐꓯ_ ꓡꓳ꓿