ꓤ ꓠꓬꓲꓽ ꓫꓵꓸ ꓔꓯ ꓥꓳꓽ

Tuesday, December 15, 2020
ꓠꓴ ꓪ ꓮ ꓡꓲ ꓓꓵ ꓙ_ ꓡꓳꓺꓽ꓿ ꓡ ꓞꓳ ꓕꓲ ꓣꓳ ꓠꓬ ꓤꓽ ꓠꓬꓲꓽ ꓫꓵꓸ ꓙꓳ_ ꓡꓳ꓿ ꓬꓲ ꓠꓬ ꓬꓲ ꓪꓴꓸ ꓕꓲ ꓣꓳ ꓟ ꓔꓯ ꓡ ꓢꓲ꓾ ꓥꓪ ꓤꓽꓳ꓾ ꓠꓬꓲꓸ ꓠꓬꓲ ꓠꓴ ꓠꓬ ꓛꓱꓼ ꓡꓱꓼ ꓐꓱ ꓗꓪ ꓟꓬꓱꓽ ꓬꓰ ꓙꓰ꓾ ꓐꓯ_ ꓡꓳ꓿
ꓬꓲ ꓡꓰ꓾ ꓥꓪ ꓟꓽ ꓙꓰ꓾ ꓐꓰ ꓒꓳꓹ ꓖꓶ_ ꓡꓳ꓿ ꓗꓸ ꓠꓯ ꓠꓬ ꓬꓲ ꓙꓽ ꓖꓳꓼ ꓢꓲ ꓙꓰ ꓗꓷꓳ꓿
ꓝꓮꓲ ꓠꓬ ꓠꓬꓲꓽ ꓣꓳ ꓕꓲ ꓣꓳ ꓔꓯ ꓡ ꓢꓲ ꓬꓲ ꓖꓳ ꓡꓱ ꓐꓯ_ ꓡꓳ꓿ ꓬꓲ ꓡꓰ꓾ ꓢꓲꓺ ꓒꓽꓳ꓾ ꓥꓪ ꓙꓰ_ ꓥꓳ꓾ ꓐꓰ ꓐꓯ ꓢꓲ ꓟꓽ ꓙꓰ꓿
ꓤ ꓕꓱ ꓠꓬꓲꓽ ꓫꓵꓸ ꓟ꓾ ꓮ ꓡꓲ ꓕꓲ ꓫꓵꓸ ꓠꓬ ꓬꓲ ꓐꓹ ꓐ ꓠꓲꓹ ꓡꓶ ꓬꓰ_ ꓡꓳꓺꓽ꓾ ꓐꓯ_ ꓡꓳ꓿ ꓬꓲ ꓪ ꓠꓬ꓾ ꓬꓲ ꓪꓴꓸ ꓕꓲ ꓣꓳ ꓟ꓾ ꓐꓯ_ ꓡꓳ꓿ ꓬꓰ-ꓢꓴ ꓡꓰ ꓬꓲ ꓪ ꓔꓯ ꓐꓯ_ ꓡꓳ꓾ ꓥꓪ ꓠꓴ ꓪ ꓔꓯ ꓔꓱꓹ ꓔꓱ_ ꓐꓰ ꓐꓯ ꓖꓶ_ ꓠꓬꓲ꓾ ꓝꓲꓸ ꓫꓺ ꓢꓴ_ ꓐꓰ ꓖꓳꓻ ꓪꓴꓽ ꓟ ꓠꓽ ꓪꓴ-ꓢ ꓗꓴꓷꓼ ꓗꓪ ꓠꓴ ꓪ ꓟꓲꓽ ꓕꓯ ꓢꓲ ꓓꓵꓽ ꓡꓰ_ ꓥꓳ꓿
ꓮ ꓡꓲꓳ ꓐꓯ ꓠꓬ ꓬꓳ-ꓦ ꓠꓽ ꓙꓲ ꓫꓬ_ ꓟ ꓙ ꓖꓴ ꓟꓸ ꓖꓶ ꓠꓹ ꓟ ꓠꓴ ꓪ ꓔꓯ ꓡ_ ꓡꓳ꓿ ꓠꓴ ꓪ ꓠꓽ ꓬꓲ ꓔꓯ ꓟꓽ ꓙꓵꓻ꓿ ꓝꓲꓸ ꓫꓺ ꓢꓴ_ ꓐꓰ ꓖꓳꓻ ꓪꓴꓽ ꓟ ꓠꓽ ꓬꓲ ꓔꓯ ꓙꓵꓻ_ ꓡꓳ꓿ ꓖꓳ ꓟ ꓔꓯ ꓠꓴ ꓪ ꓟꓳ_ ꓟꓲ꓾ ꓗ ꓠꓯꓸ ꓠꓬ ꓬꓲ ꓔꓯ ꓙꓵꓻ ꓠꓹ ꓟ ꓟꓽ ꓙꓽ ꓖꓳꓼ꓿

Add new comment

3 + 0 =

Quick Links