ꓔ ꓟꓼ ꓩꓵ ꓓꓲ ꓢꓴ ꓕꓲ ꓣꓳ ꓙꓰ-ꓢꓴ ꓔꓯ ꓡˍ ꓟ

ꓘꓴ ꓜꓲꓼ ꓞꓳ ꓟꓶꓽ ꓘꓳꓼ 6 ꓫꓵꓽ ꓠꓽ꓾ ꓢꓲ ꓫꓬ ꓕꓳꓽ ꓶꓽ ꓝꓲꓸ

ꓡꓱꓽ-ꓬꓲꓸꓸ ꓕꓳꓽ ꓶ 13: 1-2, 44-46

ꓖꓳ ꓡꓱ ꓢꓲ ꓬꓰ-ꓧꓳ-ꓧꓪ ꓡꓰ ꓟꓳ-ꓫꓲ_ ꓐꓰ ꓯ-ꓣꓷ ꓔꓯ ꓕꓱ ꓡꓱ ꓐꓯ_ ꓡꓳ꓾ ꓡ ꓞꓳ ꓕꓲ ꓣꓳ ꓠꓬ ꓬꓲ ꓧꓪꓽ ꓗꓴꓹ ꓙꓲ ꓗꓪ ꓳꓹ ꓡ_ ꓟ꓾ ꓥ ꓠꓬ ꓑꓷꓼ ꓡꓷ ꓡꓷꓼ ꓟ ꓕꓲ ꓫꓵꓽ꓾ ꓥ ꓠꓬ ꓒꓶꓽ ꓡꓷꓽ ꓗꓴ ꓕꓴꓽ ꓟꓺ ꓓꓳ ꓡ ꓢꓲ꓾ ꓬꓲ ꓧꓪꓽ ꓗꓴ ꓙꓲ ꓗꓪ ꓐꓶ ꓠꓻ ꓐꓶ ꓛꓰꓹ ꓓꓲ_ ꓟ ꓕꓲ ꓫꓵꓽ ꓗꓷ ꓡꓰ ꓠꓬ꓾ ꓬꓲ ꓔꓯ ꓠꓬ ꓔꓲ ꓒ ꓯ-ꓣꓷ ꓔꓯ꓾ ꓥ ꓠꓬ ꓔꓲ ꓒ ꓣꓱꓽ ꓢꓴ ꓬꓲ ꓪ ꓤ ꓐꓴ ꓕꓲ ꓣꓳ ꓔꓬ ꓗꓪ ꓧꓳꓽ ꓙꓰ ꓠ ꓗ_ ꓡꓳ꓿ ꓬꓲ ꓠꓽ ꓐꓶ ꓠ ꓐꓶ ꓛꓰꓹ ꓓꓽ ꓟ ꓓꓲ ꓢꓴ ꓥ ꓡꓳ꓿ ꓬꓲ ꓠꓬ ꓟꓽ ꓫꓬ ꓟ ꓥ ꓠꓬꓲ꓾ ꓬꓲ ꓔꓯ ꓠꓬ ꓔꓲ ꓒ ꓡꓰ꓾ ꓟꓽ ꓫꓬ ꓟ ꓥ ꓡꓳ꓾ ꓐꓰ ꓔꓱꓹ ꓔꓱ_ ꓐꓯ ꓟꓸ ꓖꓶ ꓠ ꓗ_ ꓡꓳ꓿ ꓐꓶ ꓠꓻ ꓠꓬ ꓬꓲ ꓪꓴꓸ ꓓꓵ ꓗꓪ ꓓꓲꓻ_ ꓡꓳ꓿  ꓖꓳ ꓡꓱ ꓠꓬ ꓐꓶ ꓠꓻ ꓐꓶ ꓛꓰꓹ ꓓꓽ ꓟ ꓓꓲ ꓢꓴ ꓠꓬ ꓐꓵ ꓞꓶ ꓚꓵꓹ ꓧꓽ ꓗꓷ ꓢꓲ꓾ ꓪꓴ ꓗꓴ ꓟꓺ_ ꓟꓲ ꓢꓽ ꓡꓽ ꓡꓽ ꓐꓰ ꓩꓴ ꓬꓯꓼ ꓗꓷ ꓢꓲ ꓠꓬꓲ꓾ ꓖꓼ ꓑꓳ ꓟ ꓟꓷ ꓠꓷ ꓗꓴꓹ ꓙꓲ ꓗꓪ ꓑꓲꓸ ꓔ ꓢꓲ꓾ ꓟꓽ ꓫꓬꓻꓳ꓾ ꓟꓽ ꓫꓬꓻꓳ꓾ ꓐꓰ ꓘꓴ ꓠ ꓗ_ ꓡꓳ꓿  ꓠꓻ ꓠꓬ ꓬꓲ ꓔꓯ ꓓꓲꓻ_ ꓟ ꓦꓬꓼ ꓠꓬꓲ ꓮ ꓙꓵ ꓟ ꓗꓪ ꓬꓲ ꓠꓽ ꓟꓽ ꓫꓬ ꓟ ꓥ ꓡꓳ꓿ ꓬꓲ ꓟꓽ ꓫꓬ ꓟ ꓥ ꓠꓬꓲ ꓬꓲ ꓕꓲ ꓣꓳ ꓔꓵꓸꓼ ꓟꓯꓼ ꓒꓱ ꓠꓱ ꓫꓱ ꓟꓸꓼ ꓗꓪ ꓔꓬ ꓠ ꓗ_ ꓡꓳ꓿

 1 ꓘꓴ-ꓡꓱ-ꓕꓴ 10ꓽ 31- 11ꓽ 1

ꓖꓳ ꓡꓱ ꓠꓬꓲ ꓠꓴ ꓪꓽ ꓠꓬ ꓜꓽˍ ꓥ ꓟꓲ꓾ ꓓꓳꓻˍ ꓥ ꓟꓲ꓾ ꓮꓸ ꓫꓵ ꓬꓰˍ ꓥ ꓟꓲ꓾ ꓮꓽ ꓙꓵ ꓪꓴ-ꓢ ꓔꓯ ꓟꓬꓱ ꓓꓳꓽ ꓖꓶ ꓠꓹ ꓟ ꓬꓰ꓿ 32 ꓠꓴ ꓪꓽ ꓠꓬ ꓬꓴ-ꓔ ꓡ ꓞꓳ ꓔꓯˍ ꓟꓲ꓾ ꓦꓲ-ꓡꓲ ꓡ ꓞꓳ ꓔꓯˍ ꓟꓲ꓾ ꓪꓴ-ꓢ ꓬꓲ ꓘꓴ ꓜꓲꓼ ꓞꓳ ꓔꓯˍ ꓟꓲ꓾ ꓛꓲ ꓕꓲꓽ ꓓꓴ ꓕꓽ ꓗꓷ ꓡꓰ ꓝꓲ꓿ 33 ꓥꓪ ꓠꓬ ꓚꓲ ꓛꓬ ꓙꓲ ꓖꓴ ꓟꓽ ꓧꓪ ꓧꓪ꓾ ꓮꓽ ꓙꓵ ꓢꓴ ꓙꓲ ꓖꓴ ꓧꓪ ꓢꓲ꓾ ꓬꓲ ꓪꓽ ꓢꓯꓼ ꓟꓬ ꓝꓸ ꓟꓶ ꓠꓹ ꓟ ꓢꓯꓼ ꓕꓵꓼˍ ꓟ ꓡꓰ ꓐꓰ꓾ ꓠꓴ ꓪꓽˍ ꓟꓲ ꓖꓳ ꓡꓱ ꓬꓰ꓿ ꓥꓪ ꓠꓬ ꓙꓲ-ꓢꓴ ꓔꓯ ꓔꓯꓺ ꓢꓳ ꓢꓴ ꓥ ꓟ ꓡꓰ ꓐꓰ꓾ ꓠꓴ ꓪꓽˍ ꓟꓲ ꓥꓪ ꓔꓯ ꓔꓯꓺ ꓢꓳ ꓢꓴ ꓬꓰ ꓡꓯ꓿

ꓟ-ꓘꓳ 1ꓽ 40-45

ꓔꓸ ꓟꓼ ꓩꓴ ꓓꓲꓻ ꓢꓴ ꓕꓲ ꓣꓳ ꓬꓰ-ꓢꓴ ꓔꓯ ꓡ ꓢꓲ꓾ ꓬꓲ ꓟꓲꓽ ꓙꓬ ꓗꓪ ꓛꓲ ꓝꓲꓸ ꓖꓶꓽ ꓢꓲ ꓠꓬꓲ꓾ ꓠꓴ ꓠꓲꓹ ꓫꓵˍ ꓠꓬ ꓥꓪ ꓔꓯ ꓫꓬꓻ ꓡꓰ ꓝꓲ ꓐ ꓡ ꓡꓳ꓾ ꓐꓰ ꓐꓯˍ ꓡꓳ꓿ 41 ꓬꓰ-ꓢꓴ ꓠꓽ ꓬꓲ ꓔꓯ ꓫꓱꓸ ꓤ ꓠꓬꓲ꓾ ꓬꓲ ꓡꓯꓼ ꓒꓯꓹ ꓛꓱ ꓓꓳ ꓡ ꓢꓲ꓾ ꓬꓲ ꓔꓯ ꓫꓱꓹ ꓖꓶ ꓢꓲ ꓠꓬꓲ ꓾ ꓥꓪ ꓠꓲꓹ ꓫꓵˍ ꓡꓳ꓾ ꓠꓴ ꓫꓬꓻ ꓡꓰ Gꓽ꓾ ꓐꓯ ꓖꓶˍ ꓡꓳ꓿ 42 ꓖꓳ ꓕꓯ ꓖꓳ ꓕꓲ ꓣꓳ ꓔꓸ ꓟꓼ ꓩꓴ ꓓꓲꓻˍ ꓟ ꓬꓲ ꓠꓻ ꓠꓬ ꓞꓼ ꓐꓰ ꓬꓲ ꓔꓯˍ ꓐꓰ ꓓꓳ ꓙꓰ ꓢꓲ ꓬꓲ ꓫꓬꓻ ꓡꓰꓳ꓿ 43 ꓖꓳ ꓡꓱ ꓠꓬ ꓬꓰ-ꓢꓴ ꓡꓰ ꓬꓲ ꓔꓯ ꓡꓲꓽ ꓡꓲˍ ꓡꓰ ꓙꓳꓺ ꓗꓽ ꓖꓶ ꓢꓲ꓾ ꓞꓼ ꓐꓰ ꓙꓰ ꓝꓲ ꓢꓲ ꓠꓬꓲ꓾ 44 ꓮꓽ ꓟ ꓔꓯˍ ꓟꓲ ꓮꓸ ꓫꓵ ꓕꓽ ꓐꓯ ꓖꓶ꓿ ꓖꓳ ꓡꓱ ꓥ ꓟꓲ ꓬꓲ ꓪꓽ ꓐꓱ ꓶ ꓢꓷꓸ ꓙ ꓟꓳꓻ ꓙ ꓓꓴ ꓬꓰ ꓠꓹ ꓟ꓾ ꓠꓴ ꓖꓳ ꓓꓱ ꓠꓬ ꓔꓲ ꓒꓽ ꓔꓯ ꓟꓳꓸ ꓖꓶ ꓬꓰ ꓢꓲ꓾ ꓠꓴ ꓫꓬꓻ ꓡꓰ ꓟ ꓑꓶꓸ ꓓꓴ꓾ ꓟꓳ-ꓫꓲ ꓡꓰ ꓐꓯ ꓔ ꓬꓰ ꓟ ꓔꓲꓺ ꓓꓴ ꓔꓲꓺ ꓖꓶ ꓬꓰ꓾ ꓐꓯ ꓖꓶˍ ꓡꓳ꓿ 45 ꓖꓳ ꓡꓱ ꓥ ꓟꓲ ꓬꓲ ꓡꓰ ꓓꓳꓽ ꓕꓱ ꓟ ꓕꓲ ꓟꓵꓽ ꓡꓱꓸꓼ ꓚ ꓒꓬꓱ ꓙꓰ ꓠꓬꓲ꓾ ꓬꓰ-ꓢꓴ ꓠꓽ ꓡꓳ ꓒꓱ ꓗꓪ ꓢꓷꓸ ꓢꓷꓸ ꓟꓳꓻ ꓟꓳꓻ ꓓꓵꓽ ꓙꓰ ꓟꓽ ꓠꓺ ꓗꓪ ꓛꓲ ꓗꓷ ꓡꓰꓳ꓿ ꓖꓳ ꓡꓱ ꓠꓬꓲ ꓬꓰ-ꓢꓴ ꓠꓬ ꓡꓽ ꓞꓳ ꓟꓽ ꓟꓬꓽ ꓟ ꓗꓪ ꓙꓵꓺ ꓙꓰ ꓠ ꓗꓷ ꓡꓰˍ ꓡꓳ꓿ ꓖꓳ ꓡꓱ ꓥ ꓟ ꓕꓲ ꓘꓹ ꓡꓰ ꓕꓲ ꓘꓹ ꓗꓪ ꓐꓰ ꓬꓲ ꓔꓯ ꓧꓪ ꓡ ꓢꓴ ꓮꓽ ꓘꓶꓸ ꓟꓬꓽˍ ꓡꓳ꓿