ꓔꓲꓸꓹ ꓒ ꓪ ꓔꓲꓸ ꓝꓣꓮꓠꓚꓰꓢ ꓡꓰꓽ ꓜꓲꓼ ꓛꓲ ꓡ ꓢꓴ ꓔꓯꓹ ꓢꓷꓸ ꓙ ꓟꓳ ꓙˍꓟ

ꓡꓳꓸ ꓬꓰˍꓟ 2 ꓦ 12 ꓠꓬꓲ ꓕꓯꓽ ꓜꓲꓼ ꓛꓲ ꓡ ꓢꓴ ꓢꓲ ꓤ ꓐꓴ ꓔꓯꓸꓹ ꓔꓲꓸꓹ ꓒꓽ ꓪ ꓔꓲꓸ ꓝꓣꓮꓠꓚꓰꓢ ꓡꓰꓽ ꓟꓸ ꓖꓶꓽ ꓔꓸ ꓟ ꓠꓬ

ꓠꓲꓹ ꓥꓴꓸꓹ ꓢꓴ ꓠꓽ ꓶ ꓙꓳ ꓫꓱ  ꓙꓳˍ ꓡꓳ= ꓮ ꓡꓲꓳ  ꓐꓯ  ꓠꓬ ꓬꓲ  ꓪ  ꓠꓲꓹ ꓗꓴ  ꓟꓬ ꓗꓴ  ꓟꓶˍ ꓥꓳ= (ꓟ-ꓕꓲ 5ꓽ 4)

ꓐꓯ_ꓟ ꓢꓲ-ꓫꓬ ꓕꓳ ꓶ ꓝꓲꓼ ꓔꓯ ꓟꓳꓸ ꓢꓲ ꓠꓲꓹ ꓥꓴꓸꓹ ꓟ ꓐꓯˍꓟ ꓠꓬ ꓠꓲꓹ ꓟ ꓫꓸˍꓟ ꓕꓯꓽ ꓢꓲ  ꓫꓸ ꓜꓲꓽ ꓟ ꓘꓴˍꓟ  ꓪꓴꓸ ꓠꓬꓲ ꓥꓴꓸꓹ ꓔꓬ ꓟ ꓥ ꓢꓲꓼ ꓬꓰ-ꓢꓴ ꓢꓲ-ꓒ ꓐꓰ ꓝꓹ ꓡꓯꓼ ꓘꓳ ꓟ ꓥ ꓡꓳ= ꓢꓲ-ꓫꓬ ꓕꓳ ꓶ ꓗꓪ ꓠꓲꓹ ꓟ ꓫꓸ ꓓꓴ ꓠꓬꓲꓽ ꓫꓵꓽ ꓔꓯ ꓐꓯ ꓟ ꓔꓬ ꓡꓳ=  ꓕꓲꓽ ꓫꓵꓽ ꓠꓬ ꓣꓳꓽ ꓠꓲꓹ ꓠꓵ ꓢꓴ ꓫꓹ ꓓꓴ ꓔꓳꓹ ꓜꓳꓽ ꓔꓬ ꓕꓯꓽ ꓝꓮꓲ  ꓕꓲꓽ ꓫꓵꓽ ꓠꓬ ꓫꓵ ꓓꓴ ꓔꓳꓹ ꓜꓳꓽ ꓢꓲ ꓫꓸ ꓙꓵ ꓔꓬ ꓕꓯꓽ ꓠꓲꓹ ꓥꓴꓸꓹ ꓓꓴ ꓐꓰꓼ ꓠꓬꓲꓽ ꓫꓵꓽ ꓙꓳ ꓡꓳ= ꓠꓬꓲꓽ ꓫꓵꓽ ꓕꓲꓽ ꓡꓰ ꓠꓬ ꓪꓴ-ꓢ ꓔꓯ ꓠꓲꓹ ꓠꓵˍꓟ ꓐꓰ ꓛꓳꓽ ꓒꓯꓸ ꓛꓳꓽ ꓤ ꓔꓯ ꓠꓲꓹ ꓠꓵꓸꓹ ꓟ ꓗꓪ ꓐꓰ ꓓꓳ ꓡˍꓟ ꓥ ꓡꓳ=

ꓢꓲ-ꓒ ꓬꓰ-ꓢꓴ ꓔꓯ (3) ꓧꓪꓹ ꓟꓽ ꓢꓷ ꓐꓯ ꓢꓲ ꓟꓽ ꓣꓷꓠꓸ ꓗꓷ ꓡꓰ ꓕꓯꓽ ꓠꓲꓹ ꓟ ꓫꓸ ꓢꓲ ꓥꓴꓸꓹ ꓔꓬ ꓟ_ ꓟꓲ ꓢꓲ-ꓒ ꓔꓯ ꓠꓲꓹ ꓠꓵˍꓟ ꓪꓴꓸ ꓠꓬꓲ ꓥꓴꓸꓹ ꓔꓬ ꓟ ꓥ ꓡꓳ= ꓖꓳ ꓡꓰ ꓥˍꓟꓲ ꓬꓲ ꓹ ꓔꓯ ꓢꓲ-ꓫꓬ ꓟ ꓦ ꓗꓪ ꓐꓰ ꓠꓲꓹ ꓗꓴ ꓟꓬ ꓗꓴ ꓖꓴ ꓗꓷꓳ= ꓣꓳ ꓚꓲꓸ ꓛꓬ ꓝꓴꓲꓹ ꓐꓶꓸ ꓓꓴ ꓠꓲꓹ ꓫꓸ ꓟꓬ ꓫꓸ ꓔꓳꓹ ꓜꓳꓽ ꓔꓬ ꓥˍꓟꓲ ꓢꓲ-ꓫꓬ ꓟ ꓦ ꓢꓯꓼ ꓪꓽ ꓗꓪ ꓐꓰ ꓣꓳꓽ ꓔꓯ ꓠꓲꓹ ꓗꓴ ꓟꓬ ꓗꓴ ꓖꓶꓽ ꓔꓬ ꓡꓳ= ꓖꓳ ꓟ ꓔꓯꓼ ˍꓟꓲ ꓣꓳꓽ  ꓘꓴ ꓣꓳ ꓢꓲꓼ ꓫꓸ ꓟꓳ ꓐꓯ ꓠ ꓗ ꓡꓳ= ꓖꓳ ꓡꓱ ꓢꓲꓼ ꓣꓳꓽ ꓠꓯꓹˍꓗꓪ ꓠꓲꓹ ꓗꓴ ꓟꓬ ꓗꓴ ꓖꓶꓽ ꓡꓹˍꓟ ꓡꓰꓽ ꓐꓰ  ꓠꓴ ꓠꓶꓽ ꓛꓳ ꓔꓯ ꓥꓹˍꓟꓲ ꓠꓲꓹ ꓗꓴ ꓟꓬ ꓗꓴ ꓪ ꓡꓰ ꓝꓲ-ꓸ ꓐꓰꓼ ꓢꓷꓹ ꓙ ꓟꓳ ꓙ ꓡꓰꓳ=

Source:VaticanNews