ꓔꓲꓺ ꓒ ꓪ ꓔꓲ ꓡꓰ ꓑꓳꓺ ꓡ ꓛꓴꓸ ꓔꓯ ꓡꓳ ꓩꓴ ꓗꓷ ꓢꓲ ꓢꓲ ꓡꓲꓹ ꓟ ꓚꓱꓹ ꓗꓪ ꓐꓰ ꓫꓵ ꓪꓴ ꓫꓬ ꓡꓰ ꓠꓹ ꓟ ꓬꓰ ꓓꓴ ꓐꓯ_ ꓟ꓾

ꓔꓲꓺ ꓒ ꓪ ꓔꓲ ꓡꓰ ꓑꓳꓺ ꓡ ꓛꓴꓸ ꓔꓯ ꓡꓳ ꓩꓴ ꓗꓷ ꓢꓲ ꓢꓲ ꓡꓲꓹ ꓟ ꓚꓱꓹ ꓗꓪ ꓐꓰ ꓫꓵ ꓪꓴ ꓫꓬ ꓡꓰ ꓠꓹ ꓟ ꓬꓰ ꓓꓴ ꓐꓯ_ ꓟ꓾

ꓖꓮꓜꓮ ꓗꓪ ꓗꓷ ꓡꓰ ꓟ ꓫꓵ ꓪꓴ ꓑꓶ ꓓꓴ ꓙꓬ ꓫꓸ ꓓꓴ ꓙꓳ_ ꓟ꓾ ꓝꓮꓲ 10 ꓦ ꓟ 27 ꓠꓬꓲ ꓕꓯ ꓢꓲ ꓡꓲꓹ ꓠꓹ ꓟ ꓐꓱ ꓶ ꓜ ꓚꓲꓸ ꓚꓲꓸ ꓪꓽ ꓘꓴ ꓠꓹ ꓟ ꓮ ꓙꓵ ꓢꓴ ꓔꓯ ꓘꓴ ꓔ ꓡꓳ=

ꓢꓰꓼ ꓡꓯ ꓘꓳ ꓓꓴ ꓑꓶ ꓓꓴ ꓫꓵꓻ ꓡꓰ ꓢꓴ ꓥ ꓟꓲ ꓕꓲ ꓠꓬꓲ ꓡꓲ ꓕꓲ ꓠꓬꓲ ꓟꓬ ꓡ ꓔꓬ ꓟ ꓥꓳ꓾ ꓖꓮꓜꓮ ꓗꓪ ꓙꓬ ꓫꓸ ꓓꓴ ꓙꓳ ꓡꓳ ꓐꓰ ꓐꓯ ꓔ ꓡꓳ꓾ ꓔꓲꓺ ꓒ ꓪ ꓔꓲ ꓡꓰ ꓑꓮꓡꓮꓢꓔꓲꓠꓰ ꓐꓰ ꓲꓢꓣꓮꓰꓡ ꓗꓴꓷꓼ ꓫꓵ ꓪꓴ ꓫꓬ ꓡꓰ ꓠꓹ ꓟ ꓢꓲ ꓡꓲꓹ ꓠꓹ ꓟ ꓐꓱ ꓶ ꓣꓳ ꓐ ꓡ ꓟꓬ ꓠꓬꓲ ꓢꓯꓼ ꓕꓵꓼ ꓢꓲ ꓬꓰ ꓖꓶ ꓠꓹ ꓟ ꓐꓯ ꓡꓳ꓾

ꓟꓲ ꓠꓯ ꓠꓬ ꓢꓰꓼ ꓡꓯ ꓘꓳ ꓓꓴ ꓡꓰ ꓮ ꓟꓬꓹ ꓔꓯ ꓟꓳ ꓪ ꓡꓰ ꓐꓰ ꓐꓯ ꓔ ꓡꓳ꓾ ꓐꓳꓺ ꓡ ꓛꓴꓸ ꓔꓯ ꓡꓳꓽ ꓩꓴ ꓗꓷ ꓢꓲ꓾ ꓑ ꓫꓬ ꓐꓴ ꓐꓰ ꓝꓴꓲ ꓟꓽ ꓙꓳ ꓢꓴ ꓤ ꓠꓱ ꓤ ꓐꓴ ꓬꓲꓸ ꓪ ꓢꓯꓼ ꓗꓪ ꓐꓰ ꓶꓼ ꓓꓰ_ ꓟ ꓔꓯ ꓢꓲ ꓡꓲꓹ ꓠꓹ ꓟ ꓠꓲꓹ ꓡꓶꓽ ꓙꓳ_ ꓟ ꓡꓰ ꓐꓰ ꓛꓳ ꓫꓱꓽ ꓓꓴ ꓬꓰ ꓡꓯ꓾ ꓐꓰ ꓐꓯ ꓔ ꓡꓳ꓾

ꓢꓰꓼ ꓡꓯꓼ ꓘꓳ ꓓꓴ ꓠꓬ ꓫꓵ ꓪꓴ ꓔꓯ ꓫꓬ ꓡꓰ ꓝꓲ_ ꓟ ꓟꓽ ꓥ꓾ ꓞꓳ ꓤ ꓫꓵꓻ ꓡꓰ ꓝꓲ_ ꓟ ꓐꓰ ꓞꓳ ꓫꓵꓽ ꓔꓯ ꓐꓬ ꓡꓰ ꓝꓲ_ ꓟ꓾ ꓛꓴꓽ ꓙꓳ ꓡꓰ ꓝꓲ_ ꓟ꓾ ꓟꓲ ꓕꓯ ꓢꓲ ꓤꓶꓻ ꓔꓯ ꓐꓬ ꓡꓰ ꓝꓲ_ ꓟ ꓥ ꓡꓳ꓾ ꓖꓳ ꓟ ꓑꓶ ꓓꓴ ꓙꓲ ꓢꓴ ꓢꓲ ꓤ ꓐꓴ ꓮ ꓙꓵ ꓔꓯ ꓢꓲ ꓡꓲꓹ ꓠꓹ ꓟ ꓐꓱ ꓶ ꓐꓯ ꓘꓶꓽ ꓐꓰ ꓟꓽ ꓥ꓾ ꓪꓽ ꓘꓴ ꓢꓯꓼ ꓕꓵꓼ ꓠꓹ ꓟ ꓐꓯ ꓔ ꓡꓳ꓾

ꓖꓳ ꓟ ꓑꓶ ꓓꓴ ꓢꓲ ꓡꓲꓹ ꓠꓹ ꓟ ꓐꓱ ꓶ 10 ꓦ ꓟ 27 ꓠꓬꓲ ꓕꓯ ꓜ ꓚꓲꓸ ꓚꓲꓸ ꓪꓽ ꓘꓴ ꓠꓹ ꓟ ꓙꓲ ꓢꓴ ꓢꓲ ꓤ ꓐꓴ ꓮ ꓙꓵ ꓔꓯ ꓘꓴ ꓔ ꓡꓳ= ꓢꓔꓸ ꓑꓰꓔꓰꓣ ꓪꓽ ꓘꓴ ꓦꓲꓻ ꓓꓽ ꓗꓪ ꓠꓬ ꓟꓶꓽ ꓘꓶꓼ 6 ꓙꓵꓹ ꓕꓯ 1 ꓙꓵꓹ ꓛꓲ ꓪꓽ ꓘꓴ ꓠꓹ ꓟ ꓥꓳ꓾