ꓔꓲꓺ ꓒ ꓪ ꓔꓲ ꓡꓰ ꓗꓴꓷꓼ ꓫꓵꓽ ꓪꓴ ꓑꓶ ꓓꓴ ꓫꓸ ꓓꓴ ꓟꓷꓼ ꓓꓴ ꓔꓳꓹ ꓜꓳ ꓔꓬ ꓢꓴ ꓐꓴ ꓢꓲ ꓡꓲꓹ ꓠꓹ ꓟ ꓐꓱ ꓶ ꓪꓽ ꓘꓴ ꓙ ꓔꓬ ꓟ꓾

ꓔꓲꓺ ꓒ ꓪ ꓔꓲ ꓡꓰ ꓗꓴꓷꓼ ꓫꓵꓽ ꓪꓴ ꓑꓶ ꓓꓴ ꓫꓸ ꓓꓴ ꓟꓷꓼ ꓓꓴ ꓔꓳꓹ ꓜꓳ ꓔꓬ ꓢꓴ ꓐꓴ ꓢꓲ ꓡꓲꓹ ꓠꓹ ꓟ ꓐꓱ ꓶ ꓪꓽ ꓘꓴ ꓙ ꓔꓬ ꓟ꓾

“ꓢꓲ ꓡꓲꓹ ꓠꓹ ꓟ ꓒꓬꓱꓼ ꓡ ꓓ_ ꓡꓳ꓾ ꓠꓲꓹ ꓒꓴ ꓠꓹ ꓟ ꓡꓰ ꓣꓱꓽ ꓬꓯꓼ_ ꓡꓳ꓾” ꓐꓰ ꓔꓲꓺ ꓒ ꓪ ꓔꓲ ꓡꓰ ꓠꓽ ꓫꓵ ꓠꓬꓲ ꓕꓯ ꓐꓯ ꓔ ꓡꓳ꓾

ꓬꓲꓸ ꓙꓵꓻ ꓠꓲꓹ ꓗꓪ ꓐꓰ “ꓮ ꓕꓯ ꓟꓲ” ꓐꓰ ꓢ ꓧꓪꓹ ꓐꓯ ꓗꓷ ꓟ ꓥꓳ꓾ “ꓢꓰꓼ ꓡꓯꓼ ꓘꓳ ꓓꓴ ꓠꓬ ꓮ ꓕꓯ ꓟꓲ꓾ ꓮ ꓕꓯ ꓟꓲ꓾ ꓮ ꓕꓯ ꓟꓲ ꓞꓳꓸ ꓡꓰ ꓓꓴ ꓥꓳ” ꓐꓰ ꓔꓲꓺ ꓒ ꓪ ꓔꓲ ꓡꓰ ꓐꓯ ꓔ ꓡꓳ= ꓢꓰꓼ ꓡꓯꓼ ꓘꓳ ꓓꓴ ꓶꓻ ꓤ ꓫꓬꓹ ꓢꓴ ꓠꓬ ꓬꓲꓸ ꓐꓵ ꓕꓵꓼ ꓟ ꓡꓰ ꓥꓳ ꓐꓰ ꓐꓯ ꓔ ꓡꓳ=

ꓟꓲ ꓠꓯ ꓢꓲ ꓡꓲꓹ ꓟꓶ ꓠ, ꓟ ꓐꓱ ꓶ ꓪꓽ ꓘꓴ ꓙ ꓖꓶ ꓗꓷ ꓟ ꓗꓪ ꓟꓬ‐ꓟ ꓗꓴꓷꓼ ꓐꓱ ꓶ ꓥ ꓟꓲ ꓪꓽ ꓘꓴ ꓙ ꓖꓶ ꓗꓷ ꓟ ꓥ ꓡꓳ꓿ ꓝꓮꓲ ꓔꓲꓺ ꓒ ꓪ ꓔꓲ ꓡꓰ ꓐꓯ ꓔ ꓟ ꓗꓪ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓟ ꓠꓬ ꓟꓯꓼ ꓟꓽ ꓢꓰꓼ ꓡꓯꓽ ꓘꓳ ꓕꓯ ꓢꓲ ꓢꓲ ꓡꓲ ꓟꓶ ꓡ ꓓꓴ ꓥꓳ ꓐꓰ ꓐꓯ ꓔ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓟꓬ‐ꓟ ꓗꓴꓷꓼ꓾ ꓴꓗꓣꓮꓲꓠꓰ ꓗꓴꓷꓼ ꓑꓮꓡꓮꓠꓢꓔꓲꓠꓰ ꓐꓰ ꓬꓯ‐ꓢꓷ‐ꓡꓰ ꓗꓴꓷꓼ ꓗꓪ ꓔꓬ ꓟ ꓑ ꓫꓬ ꓐꓴ ꓟꓯꓼ ꓢꓰꓼ ꓡꓯꓽ ꓘꓳ ꓔꓬ ꓟ ꓪꓴ. ꓠꓬꓲ ꓫ. ꓔꓬ ꓟ ꓑ ꓫꓬ ꓐꓴ ꓐꓱ ꓶ ꓥ ꓟꓲ ꓪꓽ ꓘꓴ ꓙ ꓖꓶ ꓗꓷ ꓟ ꓥ ꓡꓳ꓿

ꓔꓲꓺ ꓒ ꓪ ꓔꓲ ꓡꓰ ꓢꓰꓼ ꓡꓯꓽ ꓘꓳ ꓔꓬ ꓟ ꓔꓯ ꓞꓼ ꓞꓼ ꓠꓽ ꓗꓷ ꓠ, ꓟ ꓓꓰꓽ ꓔ ꓡꓳ꓿ ꓢꓰꓼ ꓡꓯꓼ ꓘꓳ, ꓔꓬ ꓟ ꓗꓪ ꓐꓰ ꓐꓳ ꓡꓰ ꓢꓴ ꓐꓴ ꓠꓬ ꓡꓽ ꓚꓴ. ꓫꓬ, ꓢꓴ ꓐꓴ ꓡꓰ ꓐꓳ ꓡꓰ ꓟ ꓥ ꓡꓳ꓿ ꓠꓱ. ꓐꓯꓼ ꓮ ꓫꓵꓽ ꓥ ꓟꓲ ꓙꓲ ꓖꓴ ꓟꓽ ꓙꓳ ꓐꓰ ꓐꓯ ꓔ ꓟ ꓥ ꓡꓳ꓿ ꓢꓰꓼ ꓡꓯꓽ ꓘꓳ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓮ ꓘꓶ. ꓫ. ꓔꓬ ꓟ ꓥ ꓡꓳ꓿ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓮ ꓘꓶ. ꓛꓲ ꓪꓽ ꓘꓴ ꓓꓴ ꓬꓰ ꓡꓯ ꓐꓰ ꓐꓯ ꓔ ꓟ ꓥ ꓡꓳ꓿  

ꓝꓮꓲ ꓔꓲꓺ ꓒ ꓪ ꓔꓲ ꓠꓬ ꓟꓬ‐ꓟ ꓗꓴꓷꓼ ꓗꓪ ꓥ ꓟꓲ ꓢꓰꓼ ꓡꓯꓽ ꓘꓳ ꓔꓬ ꓟ ꓕꓲ ꓠꓬꓲ ꓡꓲ ꓕꓲ ꓠꓬꓲ ꓮ ꓘꓶ. ꓛꓲ ꓙꓳ ꓡ ꓟ ꓪꓴ. ꓠꓬꓲ ꓝꓴꓲ ꓟꓽ ꓙꓳ ꓟ ꓑ ꓫꓬ ꓐꓴ ꓔꓯ ꓢꓰꓼ ꓟ ꓔꓯ ꓠꓽ ꓗꓷ ꓠ, ꓟ ꓓꓰꓽ ꓔ ꓡꓳ꓿ ꓔꓲꓺ ꓒ ꓪ ꓔꓲ ꓡꓰ ꓟꓬ‐ꓟ ꓗꓴꓷꓼ ꓗꓪ ꓔꓬ ꓟ  ꓠꓵꓻ ꓠꓲ, ꓬꓲ ꓤ ꓠꓬꓲ ꓤ ꓐꓴ ꓝꓴꓲ ꓟꓽ ꓙꓳ ꓢꓴ ꓑ ꓫꓬ ꓐꓴ ꓕꓲ ꓠꓬꓲ ꓕꓲ ꓠꓬꓲ ꓫ. ꓓꓴ ꓟꓶ ꓢꓴ ꓔꓳ, ꓜꓳ ꓔꓬ ꓟ ꓔꓯ ꓐꓼ ꓙ ꓪꓽ ꓟ ꓪꓴ. ꓠꓬꓲ ꓮ ꓘꓶ. ꓛꓲ ꓠꓲ, ꓟ ꓫ. ꓔꓬ ꓟ ꓐꓰ ꓮ ꓙꓵꓽ ꓢꓴ ꓐꓱ ꓶ ꓪꓽ ꓘꓴ ꓙ ꓔꓬ ꓟ ꓔꓯ ꓐꓯ ꓔ ꓡꓳ꓿ ꓟꓬ‐ꓟ ꓑ ꓫꓬ ꓐꓴ ꓠꓬ ꓫ. ꓢꓴ ꓟꓷꓼ ꓓꓴ ꓔꓳ, ꓜꓳ ꓥ ꓟꓲ ꓠꓲ, ꓟ ꓟꓽ ꓐꓬ ꓡꓰ ꓚꓲ. ꓛꓬ ꓙꓵꓻ ꓟ ꓚꓱ, ꓔꓯ ꓡꓯꓽ ꓫꓵ ꓙꓵꓻ ꓠ, ꓟ ꓔꓲꓺ ꓒ ꓪ ꓔꓲ ꓡꓰ ꓐꓯ ꓖꓶ ꓔ ꓡꓳ꓿

ꓝꓮꓲ ꓴꓗꓣꓮꓲꓠꓰ꓾ ꓑꓮꓡꓰꓠꓢꓔꓲꓠꓰ꓾ ꓗꓴꓷꓼ ꓗꓪ ꓫꓵꓽ ꓪꓴ ꓐꓰ ꓬꓯ‐ꓢꓷ‐ꓡꓰ ꓟꓯꓼ ꓐꓴ ꓡꓰ ꓧꓮꓟꓮꓢ ꓟꓯꓼ ꓐꓴ ꓡꓰ ꓢꓰꓼ ꓡꓯꓼ ꓘꓳ ꓔꓬ ꓟ  ꓪꓴ. ꓠꓬꓲ ꓫ. ꓓꓴ ꓟꓷꓼ ꓓꓴ ꓔꓳ, ꓜꓳ ꓔꓬ ꓟ ꓑ ꓫꓬ ꓐꓴ ꓮ ꓙꓵꓽ ꓐꓱ ꓶ ꓥ ꓟꓲ ꓪꓽ ꓘꓴ ꓙ ꓔꓬ ꓟ ꓔꓯ ꓐꓯ ꓔ ꓡꓳ꓿ ꓞꓳ ꓜꓴꓻ ꓗꓴꓷꓼ ꓔꓯ ꓟꓲ ꓠꓯ ꓢꓲ ꓡꓲꓹ ꓟꓶ ꓠ, ꓟ ꓟꓬꓱꓽ ꓬꓰ ꓠ, ꓟ ꓔꓲꓺ ꓒ ꓪ ꓔꓲ ꓡꓰ ꓢꓲꓽ ꓫꓬ ꓦꓬꓼ ꓠꓬꓲ ꓪ ꓽꓘꓴ ꓙꓵ, ꓗꓪ ꓐꓯ ꓔ ꓟ ꓥ ꓡꓳ ꓐꓰ  (Vatican News) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿