ꓔꓲꓺ ꓒ ꓪ ꓔꓲ Francis ꓡꓰ 10 ꓦ ꓐꓱ ꓶ ꓪꓽ ꓘꓴˍ ꓟ ꓗꓪ ꓗꓶ ꓔ ꓟ ꓔꓶꓻ ꓙꓱꓼ

ꓔꓲꓺ ꓒ ꓪ ꓔꓲ Francis ꓡꓰ 10 ꓦ ꓐꓱ ꓶ ꓪꓽ ꓘꓴˍ ꓟ ꓗꓪ ꓗꓶ ꓔ ꓟ ꓔꓶꓻ ꓙꓱꓼ

10 ꓦ ꓟ 1ꓠꓬꓲ꓾2019

ꓔꓲꓺ ꓒ ꓪ ꓔꓲ Francis ꓗꓪ ꓐꓰ ꓛꓲ ꓡ ꓗꓷ ꓟ 10 ꓦ ꓐꓱ ꓶ ꓪꓽ ꓘꓴˍ ꓟ ꓗꓪ ꓔꓶꓻ ꓙꓱꓼ ꓐꓴ ꓔꓯ ꓦ ꓐ ꓕꓲꓽ ꓟ ꓡꓰ ꓕꓲꓽ ꓟ ꓟꓳꓸ ꓖꓶꓽ ꓡ ꓔꓬꓹ ꓡꓳ=2019 ꓘꓳꓼ 10 ꓦ ꓐꓱ ꓶ ꓪꓽ ꓘꓴˍ ꓟ ꓗꓪ ꓔꓶꓻ ꓙꓱꓼ ꓐꓯ ꓢꓲ ꓾ ꓢꓲꓽ ꓫꓬꓹ ꓟ ꓦ ꓬꓲꓸ ꓧꓳꓽ ꓟꓳꓸ ꓖꓶꓽˍ ꓟ ꓗꓪ ꓐꓰ ꓘꓴ-ꓜꓲ-ꓞꓳ ꓘꓴꓽ ꓠꓯꓸꓼ ꓗꓪ ꓬꓲꓸ ꓫꓵꓼ ꓥ ꓟ ꓪꓴ-ꓢ ꓟꓬꓱꓽ ꓣꓱꓽˍ ꓟ ꓓꓳꓻ ꓡ ꓓꓴ ꓐꓱ ꓶ ꓔꓶꓻ ꓙꓱꓼ ꓗꓶ ꓔ ꓟ ꓥ ꓡꓳ=

ꓔꓲꓺ ꓒ ꓪ ꓔꓲ ꓪꓽ ꓘꓴ ꓘꓶꓽ

ꓠꓬꓲꓸ ꓠꓬꓲ ꓟ ꓦꓬꓼ ꓠꓬꓲ ꓗꓪ ꓢꓲꓺ ꓒ ꓬꓰ-ꓢꓴ ꓬꓲꓸ ꓫꓵˍ ꓟ ꓐꓰ ꓢꓯꓸ ꓬꓲꓼ ꓡˍ ꓟ ꓔꓯ ꓐꓯ ꓒꓬꓱˍ ꓟ ꓗꓪ ꓤꓹ ꓠꓬꓲ ꓓꓴ ꓔꓯ ꓧꓪꓸ ꓡꓰ ꓠ ꓘꓴ-ꓜꓲ-ꓞꓳ ꓗꓪ ꓬꓲꓸ ꓫꓵꓼ ꓟ ꓘꓴ-ꓜꓲ-ꓞꓳ ꓪꓴꓽ ꓟꓴꓽ ꓡ ꓓꓴ ꓬꓰˍ ꓟ ꓗꓪ ꓠꓲꓹ ꓫꓵˍ ꓟ ꓠꓲꓹ ꓟ ꓙꓳ ꓠꓯˍ ꓡꓳ=

ꓔꓲꓺ ꓒ ꓪ ꓔꓲ ꓕꓳꓽ ꓶꓽ ‘’missio ad gentes’’ ꓗꓪ ꓐꓯ ꓔ ꓟ ꓠꓬ꓾ ꓟꓵꓽ ꓟꓶꓸ ꓟꓲꓺ ꓟꓶꓸ ꓗꓪ ꓔꓬꓹ ꓟ ꓪꓴ-ꓢ ꓐꓯ ꓘꓶꓽ ꓔꓯ ꓟꓽ ꓢꓷꓸ ꓟ ꓦ ꓡꓱ ꓚꓱꓹ꓾ ꓞꓳ ꓫꓵꓽ ꓡꓲꓽ ꓒꓰꓽ꓾ ꓞꓳ ꓤ ꓐꓴ ꓔꓬꓹ ꓗꓪ ꓶꓼ ꓓꓳꓽ ꓫꓱꓹ ꓓꓳꓽ ꓛꓲꓺ ꓬꓰ ꓠ ꓬꓰ ꓠ ꓗˍ ꓡꓳ=

ꓘꓴ-ꓜꓲ-ꓞꓳ ꓗꓪ ꓪꓴ-ꓢ ꓟꓬꓱꓽ ꓬꓰ ꓟ ꓬꓳꓸ ꓚꓰˍ ꓟ ꓠꓬ ꓪꓽ ꓘꓴˍ ꓟ ꓥ ꓡꓳ=ꓖꓳ ꓟ ꓪꓴꓸ ꓠꓬꓲ ꓘꓴ-ꓜꓲ-ꓞꓳ ꓗꓪ ꓟ ꓢꓲꓺ ꓤꓼ ꓮꓽ ꓙꓵꓽ ꓠꓬ ꓪꓽ ꓘꓴ ꓖꓶꓽ ꓔꓬꓹ ꓟ ꓜꓴꓻ ꓗꓪ ꓐꓻ ꓢꓴ ꓬꓰ ꓠ ꓗˍ ꓡꓳ= 2019 ꓘꓳꓼ 10 ꓦ ꓔꓯ ꓠꓱꓸ ꓐꓯꓼ ꓘꓳꓼ ꓡꓰ ꓐꓰ ꓟꓽ ꓪꓽ ꓾ ꓪꓺ ꓙꓲꓻ ꓙꓲˍ ꓟ ꓪꓴ-ꓢ ꓟꓬꓱꓽ ꓬꓰˍ ꓟ ꓦ ꓐ ꓐꓯ ꓢꓲ꓾ ꓢꓷꓸ ꓙ ꓟꓳ ꓙ ꓔ ꓡꓳ= ꓖꓳ ꓟ ꓪꓴꓸ ꓠꓬꓲ ꓢꓲꓽ ꓫꓬꓹ ꓟ ꓦ ꓬꓲꓸ ꓠꓬꓲ ꓟꓳ ꓓꓴ ꓣꓱꓽ ꓛꓰ ꓗꓪ ꓐꓰ ꓖꓳꓻ ꓓꓱꓽ ꓔꓲꓹ ꓟ ꓐꓰ ꓝꓲ ꓩꓴˍ ꓟ ꓾ ꓟꓲ ꓠꓯ ꓗꓪ ꓪꓴ-ꓢ ꓟꓬꓱꓽ ꓬꓰ ꓔꓬꓹ ꓟ ꓙꓲꓻ ꓢꓴ ꓬꓲꓸ ꓘꓴ-ꓜꓲ-ꓞꓳ ꓔꓯ ꓫꓵꓼˍ  ꓠꓲꓹ ꓟ ꓡꓰ ꓘꓴ-ꓜꓲ-ꓞꓳ ꓟꓬꓱꓽ ꓣꓱˍ ꓟ ꓚꓱꓹ ꓔꓯ ꓝꓮꓲꓸ ꓬꓲꓸ ꓫꓵꓼ ꓒꓬꓱꓼ ꓡ ꓠ ꓪꓽ ꓘꓴ ꓙ ꓖꓶꓽ ꓡꓯ=     

Credit to Vatican News

https://bit.ly/2njPBFj