ꓗꓳ-ꓣꓳ-ꓠ (covid 19) ꓠ ꓫꓵꓽ ꓐꓱ ꓶ ꓜ ꓚꓲꓸ ꓚꓲꓸ ꓢꓲꓼ ꓪꓽ ꓘꓴ ꓙ ꓡꓳ=

ꓠꓽ ꓦꓬꓼ ꓠꓬꓲ ꓔꓲꓸꓹ ꓒꓽ ꓪ ꓔꓲꓸ ꓡꓰꓽ ꓪꓽ ꓘꓴ ꓢꓷ ꓙ ꓟꓳ ꓙ ꓔꓬˍ ꓟ ꓗꓪ ꓜꓲꓼ ꓛꓲ ꓡ ꓢꓴ ꓐꓴˍ ꓟꓲ ꓙꓽ ꓫꓸ ꓔꓸ ꓟ-ꓸ

Tuesday, March 10, 2020

COVID-19 ꓗꓳ-ꓣꓳ-ꓠ ꓠꓸꓹ ꓫꓵꓽ ꓔꓳꓹ ꓜꓳꓽ ꓔꓬ ꓢꓴ ꓐꓱ ꓶ ꓪꓽ ꓘꓴ ꓙ ꓔꓬˍ ꓟ-ꓸ

ꓠꓬꓲꓸ ꓠꓬꓲ ꓟ ꓦꓬꓼ ꓠꓬꓲ ꓟꓵꓽ ꓗꓳ ꓓꓵ ꓓꓵ ꓗꓪ ꓠꓸꓹ ꓒꓬꓱ ꓔꓬˍ ꓟ ꓗꓳ-ꓣꓳ-ꓠ ꓠꓸꓹ ꓫꓵꓽ ꓐꓶꓸ ꓓꓴ ꓠꓸꓹ ꓢꓴ ꓐꓰ ꓫꓸ ꓙꓵ ꓔꓬ ꓢꓴ ꓐꓱ ꓶꓽ ꓔꓲꓸꓹ ꓒꓽ ꓪ ꓔꓲꓸ ꓝꓣꓮꓠꓚꓲꓢ ꓡꓰꓽ ꓪꓽ ꓘꓴ ꓙ ꓔꓬ ꓡꓳ=

ꓲꓔꓮꓡꓬ ꓟꓵꓽ ꓗꓪ ꓥꓹˍ ꓟꓲ ꓠꓸꓹ ꓫꓵꓽ ꓕꓱ ꓟ ꓪꓴꓸ ꓠꓬꓲ ꓗꓴꓷꓼ ꓘꓴꓽ ꓗꓪ ꓠꓸꓹ ꓢꓴ 1000 ꓟꓽ ꓝꓲ ꓠꓸꓹ ꓔꓬ ꓢꓲꓼ ꓫꓵꓽ ꓢꓴ (30) ꓣꓳ ꓙꓳ ꓡꓰꓳ=

ꓔꓲꓸꓹ ꓒꓽ ꓪ ꓔꓲꓸ ꓝꓣꓮꓠꓚꓲꓢ ꓠꓬ ꓜ ꓚꓲꓸ ꓚꓲꓸ ꓢꓲꓹ ꓠꓸꓹ ꓫꓵꓽ ꓠꓯꓼˍ ꓗꓪ ꓫꓸ ꓙꓵꓽ ꓔꓬ ꓢꓴ ꓐꓱ ꓶ ꓪꓽ ꓘꓴ ꓙ ꓔꓬ ꓟ ꓥ ꓡꓳ= ꓧꓶꓽ ꓟꓵꓽ ꓪꓴ-ꓧꓮꓠ ꓗꓪ ꓐꓰ ꓬꓲꓸ ꓪꓴꓸ ꓔꓴ ꓡꓹˍ ꓟ ꓗꓳ-ꓣꓳ-ꓠ ꓚꓳꓦꓲꓓ19 ꓐꓶꓹ ꓓꓴ ꓟꓵꓽ ꓗꓳ ꓓꓵ ꓓꓵ ꓗꓪ ꓠꓸꓹ ꓢꓴ (100ꓹ000) ꓟꓽ ꓝꓲ ꓠꓸꓹ ꓓꓴ ꓔꓳꓹ ꓜꓳꓽ ꓔꓬ ꓢꓲꓼ (3500) ꓣꓳ ꓟꓽ ꓝꓲ ꓫꓵꓸꓹ ꓘꓶꓽ ꓖꓴ ꓡꓰꓳ-ꓸ ꓫꓵꓸꓹ ꓢꓴ ꓟꓬꓽ ꓠꓬꓲ ꓥꓹˍ ꓟꓲ ꓓꓽ ꓪꓴꓸ ꓠꓸꓹ ꓫꓵꓽ ꓕꓲꓽ ꓟ ꓟꓸꓹ ꓔꓳꓸ ꓜꓳꓽ ꓔꓬ ꓢꓴ ꓥ ꓡꓳ=

2020 ꓘꓳꓼ 1ꓦ 30 ꓠꓬꓲ ꓗꓪ ꓠꓬ (ꓪꓧꓳ) ꓗꓪ ꓐꓰ ꓟꓲ-ꓠꓯ ꓡꓽ ꓞꓳ ꓔꓯꓹ ꓔꓳꓸ ꓜꓳꓽ ꓡꓹˍ ꓟ ꓠꓸꓹ ꓫꓵꓽ ꓓꓽ ꓕꓲꓽ ꓟ ꓥꓳ ꓐꓰꓼ ꓟꓳꓸ ꓖꓶꓽ ꓔꓸ ꓟ ꓥ ꓡꓳ=

ꓔꓲꓸꓹ ꓒꓽ ꓪ ꓔꓲꓸ ꓝꓣꓮꓠꓚꓲꓢ ꓡꓰꓽ ꓟꓵꓽ ꓗꓳ ꓓꓵ ꓓꓵ ꓗꓪˍ ꓟ ꓘꓴ ꓢꓲꓼ ꓞꓳ ꓐꓴ ꓔꓯ ꓦꓮꓔꓲꓚꓮꓠ ꓓꓳꓽ ꓐꓰ ꓘꓴ ꓜꓲꓼ ꓞꓳ ꓓꓳꓽ ꓗꓪ ꓐꓰ (live) ꓟꓸ ꓖꓶꓽ ꓔꓬ ꓡꓳ=

Source: Vaticannews.va