ꓚꓲꓸ ꓛꓬꓽ ꓔꓬ ꓟꓵꓽ ꓦꓲꓸꓹ ꓔꓯꓼ ꓡꓳ ꓗꓷ ꓢꓲꓹ ꓘꓰꓸ ꓙꓰ ꓢꓴ ꓐꓰ ꓫꓸ ꓙꓵꓸꓹ ꓔꓬ ꓢꓴ ꓐꓴ ꓦꓬꓼ ꓠꓬꓲ

World Day of Migrants and Refugees 2019

“It is not just about migrants”

SUBTOPIC

ꓕꓱ ꓟ ꓠꓬ ꓞꓳ ꓤꓽ ꓐꓰ ꓟꓲ ꓠꓯ ꓗꓪ ꓟ ꓡꓽ ꓞꓳ ꓮ ꓙꓵꓽ ꓐꓱ ꓶ

GOSPEL

ꓥꓪ ꓠꓽ ꓮ ꓣꓳ ꓔꓯ ꓢꓯꓼ ꓟꓬ ꓟꓶ  ꓝꓲ ꓠꓹ ꓟˍꓐꓰ  ꓐꓲꓸꓸ ꓡꓶꓽ ꓡꓰˍꓟ ꓢꓯꓼ ꓟꓬ ꓟꓶ ꓝꓲ ꓠꓹ ꓟ ꓡˍꓡꓳ=   (ꓬꓳ-ꓦ 10ꓽ10)

ꓔꓲꓺ ꓒ ꓪ ꓔꓲ Francis

ꓙꓲꓻ ꓫꓬꓹ ꓢꓴ ꓒꓳ-ꓡꓳ(6) ꓠꓬ ꓬꓲꓸ ꓞꓳ ꓤ ꓪꓴꓽ ꓟꓴ ꓡ ꓓꓴ ꓕꓳꓽ ꓶꓽ ꓗꓪ ꓐꓯ ꓔ ꓟ ꓠꓬ꓾ ꓪꓴꓽ ꓡ ꓟꓴ ꓡ ꓚꓱꓹ ꓔꓯ ꓟꓳꓸꓼ ꓬꓰˍ ꓟ ꓗꓪ ꓒꓴꓻ ꓫꓵꓺ ꓪꓴꓼ ꓟꓴ ꓡ ꓓꓴ ꓕꓲꓽ ꓟ ꓔꓯ ꓡꓰꓽ ꓡꓳꓸ ꓟꓽ ꓠ= ꓚꓵꓺ ꓚꓵꓺ ꓪꓴꓽ ꓟꓴ ꓡ ꓓꓴ ꓐꓯˍ ꓟ ꓠꓬ꓾ ꓞꓳ ꓤ ꓕꓲꓽ ꓣꓳ ꓡꓰ ꓕꓲꓽ ꓣꓳ ꓔꓯ ꓙꓳˍ ꓟ ꓾ ꓐꓻ ꓡꓹ ꓟ ꓔꓯ ꓪꓺ ꓙꓲ ꓙꓲꓻ ꓓꓴ ꓬꓰ ꓠꓹ ꓟ ꓐꓰ ꓪꓴꓽ ꓡ ꓟꓴ ꓡ ꓝꓲ ꓠꓹ ꓟ꓾ ꓣꓱꓽ ꓞꓹ ꓟ ꓔꓯ ꓪ ꓙꓲ ꓧꓳꓽ ꓡꓴꓽ ꓖꓶꓽ ꓠꓹ ꓟ ꓥ ꓡꓳ=ꓖꓳ ꓡꓱ ꓢꓲ ꓡꓰꓽ ꓞꓳ ꓤ ꓕꓲꓽ ꓣꓳ ꓗꓪ ꓐꓰ ꓞꓳ ꓜꓴꓻ ꓕꓲꓽ ꓟ ꓡꓱꓸꓼ ꓗꓪ ꓛꓲ ꓪꓴꓽ ꓡ ꓟꓴ ꓡ ꓓꓴ ꓒꓬꓱꓼ ꓡˍ ꓥꓳ=

ꓞꓳ ꓒꓵꓽˍ ꓟ ꓐꓰ ꓙꓵꓽ ꓪꓽ

ꓘꓴ-ꓜꓲ-ꓞꓳ ꓗꓪ ꓐꓰ ꓟꓽ ꓠꓽ ꓠꓽ ꓖꓴ ꓟꓸ ꓖꓶꓽ ꓔꓬꓹ ꓟ ꓠꓬ꓾ ꓞꓳ ꓤ ꓕꓲꓽ ꓣꓳ ꓔꓯ ꓙꓳˍ ꓟ ꓒꓵꓽ ꓶ ꓐꓰ ꓙꓵꓽ ꓪꓽ ꓐꓴ ꓔꓯ ꓒꓵꓽ ꓗ ꓬꓰ ꓠꓹ ꓟ ꓥ ꓡꓳ= ꓮ ꓡꓲꓳ ꓐꓯˍ ꓠꓬ ꓖꓳ ꓟ ꓠꓬ ꓕꓲꓽ ꓖ ꓗꓪ ꓐꓰ ꓝꓮꓲ ꓕꓲꓽ ꓖ ꓗꓪ ꓘꓷꓹ ꓙꓰˍ ꓟ ꓫꓵꓽ ꓪꓴꓽ ꓐꓱ ꓶꓽ ꓐꓲꓻ ꓙꓲˍ ꓟ ꓚꓱꓹ ꓥ ꓡꓳ=

ꓟꓲ ꓠꓯ ꓔꓶꓺ ꓙꓱꓼ

ꓣꓳꓽ ꓐꓴ ꓠꓬ ꓚꓲꓸ ꓛꓬꓼ ꓔꓬꓹ ꓟ ꓟꓵꓽ ꓔꓯ ꓡꓳꓺ ꓗꓷ ꓢꓲ ꓝꓮꓲ ꓕꓲꓽ ꓖ ꓗꓪ ꓘꓷꓹ ꓙꓰ ꓢꓴ ꓐꓴ ꓙꓰ ꓔꓬꓹ ꓟ ꓗꓪ꓾ ꓥ ꓠꓬ꓾ ꓬꓲꓸ ꓪ ꓛꓲ ꓬꓰ ꓟ ꓗꓴꓷꓼ ꓗꓪ ꓙꓰ ꓠꓲꓹ ꓫꓵˍ ꓟ ꓚꓱꓹ ꓾ ꓥ ꓠꓬ꓾ ꓔꓬꓹ ꓖꓴ ꓡꓶꓸ ꓗꓷˍ ꓕꓯ ꓬꓲꓸ ꓪ ꓙꓰ ꓔꓬꓹ ꓟ ꓗꓴꓷꓼ ꓗꓪ ꓔꓳꓹ ꓜꓳꓽ ꓔꓬꓹ ꓟ ꓫꓸ ꓙꓵꓺ ꓓꓴ ꓗꓪ ꓐꓰ ꓗꓽ ꓕ ꓦꓽ ꓖꓶꓽ ꓠꓹ ꓟ꓾ ꓬꓲꓸ ꓪ ꓐꓴ ꓐꓰ ꓞꓳ ꓤ ꓙꓵꓽ ꓪꓽ ꓔꓯ ꓔꓳꓹ ꓙ ꓖꓶꓽ ꓠꓹ ꓟ ꓐꓰ ꓣꓱꓽ ꓞꓹ ꓟ ꓔꓯ ꓬꓰ ꓖꓶꓽ ꓠꓹ ꓟ ꓾ ꓟꓵꓽ ꓗꓳꓹ ꓓꓵꓺ ꓓꓵꓺ ꓯꓸꓼ-ꓙꓵꓽ-ꓗ ꓗꓪ ꓬꓰ ꓙꓲꓼ ꓙꓳˍ ꓡꓳ=

ꓐꓲꓻ ꓙꓲꓼ ꓡꓰˍ ꓟ ꓡꓯꓼ ꓕꓲꓺ ꓬꓰ ꓓꓴ

ꓕꓲꓽ ꓦꓲꓻ ꓡꓽ ꓞꓳ ꓕꓲꓽ ꓟ ꓡꓰ ꓕꓲꓽ ꓟ ꓔꓯ ꓣꓱꓽ ꓙ ꓔꓳꓹ ꓙ ꓟ ꓔꓯ ꓗ-ꓣꓲ-ꓔ (ꓚꓮꓣꓲꓔꓮꓢ)  ꓑꓳ-ꓡꓯ (ꓑꓳꓡꓮꓠꓓ)  ꓐꓴ ꓗꓪ ꓐꓰ ꓬꓲꓸ ꓪꓴꓸ ꓪꓴꓸ ꓔꓴꓺ ꓗꓷꓳ=ꓔꓶꓻ ꓙꓱꓼ ꓠꓬ ꓫꓸ ꓙꓵꓺ ꓔꓬꓹ ꓟ ꓡꓯ-ꓑꓳ ꓗꓪ ꓟ ꓢꓲ-ꓣꓲ-ꓬ ꓢꓴ ꓐꓴ ꓾ ꓡꓯ-ꓐ-ꓠꓴ ꓐꓴ ꓔꓯ ꓬꓰ ꓙ ꓠꓹ ꓟ ꓥꓳ=ꓮ ꓟꓶ ꓢꓲ-ꓣꓲ-ꓬ ꓐꓰ ꓡꓯ-ꓐ-ꓠꓴ ꓐꓴ ꓔꓯ ꓢ-ꓢꓶ-ꓠ 108 ꓟ ꓾ ꓘꓴ-ꓜꓲ-ꓞꓳ ꓕꓵꓼ ꓪꓽ ꓘꓶꓽ 20 ꓟ꓾ ꓪꓽ ꓘꓴ ꓦꓲ 45ꓟ꓾ ꓞꓳ ꓜꓴꓻ ꓕꓲꓽ ꓜꓴꓻ ꓡꓰ ꓕꓲꓽ ꓜꓴꓻ ꓐꓰ꓾ ꓮꓽ ꓟꓬꓹ ꓟ ꓗ-ꓔꓳ-ꓡꓲ ꓜꓳꓽ ꓐꓴ ꓐꓰ ꓔꓳꓹ ꓙ ꓔꓬꓹ ꓡꓳ=

ꓕꓱ ꓟ ꓠꓬ ꓚꓲꓸ ꓛꓬꓽ ꓔꓬ ꓖꓴ꓾ ꓦꓲ ꓔꓯꓸꓹ ꓡꓳ ꓗꓷ ꓢꓲ꓾ ꓝꓮꓲ꓾ꓕꓲꓽ ꓖ ꓗꓪ ꓘꓰꓸ ꓙꓰˍꓟ ꓾ ꓞꓳ ꓤꓽ  ꓮꓽ ꓙꓵꓽ ꓔꓯ ꓐꓯˍꓟ ꓥ ꓡꓳ=

ꓗ- ꓔꓳ ꓡꓲ ꓢꓷ ꓠꓲꓹ ꓜꓴꓼ ꓐꓴ ꓐꓯ ꓔ ꓟ꓾ ꓞꓳ ꓤ ꓔꓯ ꓟꓳ ꓙꓲꓼ ꓓꓴ ꓐꓯˍꓟ ꓠꓬ꓾ꓔꓱꓹ ꓚꓵˍ ꓟ ꓞꓳ ꓤ ꓕꓲꓽ ꓣꓳ ꓐꓰ ꓕꓲꓽ ꓣꓳ꓾ ꓞꓳ ꓜꓴꓼ ꓕꓲꓽ ꓜꓴ ꓐꓰ ꓕꓲꓽ ꓜꓴ ꓹ ꓠꓬꓲꓽ ꓗꓴꓸ ꓚꓸꓼ ꓗꓪ ꓔꓱꓹ ꓚꓵˍꓟ  ꓙ ꓡꓯꓽ ꓘꓳꓸ ꓓꓴ ꓕꓯꓽ ꓢꓲ꓾ ꓕꓲꓽ ꓪꓸꓹ ꓥ ꓟ ꓐꓰ ꓢꓲ ꓡꓲ_ ꓟ ꓒꓵꓽ ꓶ ꓕꓯꓽ ꓢꓲ꓾ ꓞꓳ ꓤ ꓕꓲꓽ ꓣꓳ꓾ꓥ ꓠꓬ꓾ ꓬꓲꓸꓔꓯ ꓙꓳˍꓟ ꓣꓴ ꓦ ꓗꓷꓽ  ꓟꓽ ꓓ ꓟ ꓒꓵꓽ ꓶ ꓕꓯꓽ ꓢꓲ꓾ ꓪꓴꓸ ꓔꓴ ꓢꓲ꓾ꓞꓳ ꓜꓴꓼ ꓡꓰ ꓟꓳˍꓟ ꓔꓯ ꓫꓬꓹ ꓔꓶꓼ ꓖꓶꓽˍ ꓟ ꓥ ꓡꓳ= ꓖꓳ ꓕꓲꓽ  ꓟ ꓠꓬ ꓞꓳ ꓜꓴꓼ ꓗꓳ ꓡꓳ ꓗꓪ ꓟ ꓪꓴꓽ ꓡ ꓟꓴꓽ ꓡ ꓚꓱꓹ ꓗꓪ ꓐꓰ ꓬꓲꓸ ꓚꓲꓸ ꓛꓬ ꓪꓴꓽ ꓟꓴ ꓡ ꓠ ꓢꓯꓼ ꓪꓽ ꓖꓶ ꓐ ꓡˍꓟ ꓞꓳ ꓤ ꓙꓲꓸꓸꓓꓴ ꓥ ꓡꓳ= ꓖꓳ ꓡꓱ ꓬꓰˍꓟ ꓠꓬ ꓞꓳ ꓤ ꓕꓲꓽ ꓣꓳ ꓥ ꓠꓬ ꓞꓳ ꓤ ꓮꓽ ꓙꓵꓽ ꓪꓴꓽ  ꓟꓴ ꓡ ꓚꓱꓹ ꓗꓪ ꓙ ꓖꓴ ꓧꓳꓽ ꓟꓸ ꓖꓶꓽ꓾ ꓚꓴꓽ ꓬꓲꓸ ꓖꓶꓽ ꓐ ꓡ ꓥꓳ= ꓞꓳ ꓤ ꓙꓲꓸꓸ ꓓꓴ ꓔꓯ ꓝꓮꓲ ꓕꓲꓽ ꓧꓪꓹ ꓫꓬꓹ ꓔꓱˍꓟ ꓔꓯ ꓠꓬ꓾ ꓢꓯꓼ ꓐꓽ ꓢꓴ ꓐꓰ ꓟꓽ ꓙꓳ ꓫꓸ ꓢꓴ ꓐꓴ ꓔꓯ ꓣꓱꓽ ꓙˍ ꓟ꓾  ꓜꓲꓼ ꓡꓳꓽˍꓟ ꓐꓰ ꓘꓳꓹ ꓣꓴˍꓟ ꓗꓪ ꓐꓰꓽ ꓬꓰ ꓙꓵꓽ ꓪꓽ ꓖꓶꓽ ꓡꓯ= ꓖꓳ ꓡꓱ ꓢꓲꓼ ꓣꓳꓽ ꓠꓬ ꓠꓱꓸ ꓐꓯꓼ ꓐꓶꓽ ꓞꓳ ꓐꓴ ꓣꓱꓽ ꓞꓹ ꓟ ꓔꓯ ꓢꓷꓸ ꓡ ꓢꓲ ꓕꓲꓽ ꓠꓲꓹ ꓕꓲꓽ ꓪꓼ ꓪꓴꓽ ꓟꓴ ꓬꓰ ꓡꓯ=