ꓚꓳ-ꓣꓳ-ꓠ ꓠ., ꓫꓵꓽ ꓔꓳꓹ ꓜꓳꓽ ꓔꓬ ꓢꓴ ꓐꓱ ꓶ ꓪꓽ ꓘꓴ ꓔꓳ ꓙ-ꓸ

1ꓦ 26 ꓠꓬꓲ 2020 ꓘꓳꓼ
ꓠꓽ ꓦꓬꓼ ꓠꓬꓲ (Angelu) ꓪ ꓽ ꓘꓴ ꓓꓳ ꓗꓸꓠꓯ ꓔꓲꓸꓹꓒꓽ ꓪ ꓔꓲꓸ ꓝꓣꓮꓠꓚꓲꓢ ꓡꓰꓽ ꓞꓳ ꓜꓴ ꓐꓴ ꓔꓯ ꓐꓯ_ꓟ ꓠꓬ ꓠꓬꓲꓸ ꓠꓬꓲ ꓧꓶꓽ ꓟꓵꓽ ꓗꓪ ꓠ ꓧꓶ(ꓚꓳ-ꓣꓳ-ꓠ)  ꓠꓸꓹ ꓫꓵꓽ ꓔꓳꓸ ꓜꓳꓽ ꓔꓬ ꓢꓴ ꓐꓴ ꓐꓱ ꓶꓽ ꓪꓽ ꓘꓴ ꓙ ꓔꓬ ꓡꓳ-ꓸ ꓗꓴꓷꓼ ꓕꓲꓽ ꓟ ꓡꓰꓹ ꓕꓲꓽ ꓟ ꓠꓬ ꓠꓸꓹꓧꓶ ꓖꓳ ꓟ ꓔꓯ ꓓꓽ ꓔꓳꓸ ꓐ ꓡ ꓠ ꓟ ꓕꓲꓽ ꓠꓲꓹ ꓕꓲꓽ ꓪꓼ ꓢꓯꓼ ꓕꓵꓼ ꓓꓴ  ꓬꓰ ꓡꓯ ꓐꓰ ꓢꓯꓼ ꓖꓶꓽ ꓔ ꓡꓳ=
ꓧꓶꓽ ꓗꓴꓷꓼ ꓗꓪ ꓔꓬ ꓟ ꓞꓳ ꓜꓴ ꓕꓲꓽ ꓜꓴ ꓡꓰꓸ ꓕꓲꓽ ꓜꓴ ꓥˍꓟꓲ  ꓠꓸꓹ ꓫꓵꓽ  ꓓꓽ ꓔꓳꓹ ꓙˍꓟ ꓔꓯꓼ ꓠꓲꓹ ꓡꓱ  ꓡꓱ  ꓐꓰ ꓘꓴ ꓣꓴ ꓔꓬ ꓡꓳ-ꓸ ꓠꓸꓹ ꓫꓵꓽ ꓐꓶ ꓓꓴ ꓧꓪꓽ ꓖꓳ ꓓꓱꓽ ꓟꓶꓽ ꓡꓰ ꓢꓴ ꓐꓰ ꓜꓲ ꓞˍꓟ ꓕꓲꓽ ꓦꓲ ꓡ ꓞꓳ ꓐꓴ ꓐꓱ ꓶ ꓥˍꓟꓲ ꓪꓽ ꓘꓴ ꓙ ꓔꓬ ꓡꓳ=
ꓧꓶꓽ ꓟꓵꓽ ꓗꓪ ꓠꓸꓹ ꓫꓵꓽ ꓖꓳ ꓟ ꓐꓶꓹ ꓓꓴ ꓫꓵ ꓢꓴ (56) ꓣꓳ-ꓸ ꓠꓸꓹ ꓓꓴ ꓔꓳꓹ ꓜꓳꓽ ꓔꓬ ꓢꓴ (2000) ꓣꓳ ꓙꓳ ꓢꓲꓼ ꓠꓸꓹ ꓫꓵꓽ ꓮꓽ ꓟꓬꓸ ꓞꓸ ꓢꓲ ꓠꓸꓹ ꓔꓬ ꓡꓳ-ꓸ ꓠꓸꓹ ꓞꓹ ꓢꓴˍꓟꓲ ꓮꓽ ꓟꓬ ꓙꓳ ꓔꓬ ꓡꓳ ꓐꓰꓼ ꓧꓶꓽ ꓗꓴꓷꓼ ꓠꓯ ꓝꓲꓼ ꓢꓲꓽ ꓒꓽ ꓡꓰꓽ ꓠꓽ ꓦꓬꓼ ꓠꓬꓲ ꓕꓯꓽ ꓐꓯ ꓡꓳ=
ꓠꓸꓹ ꓫꓵꓽ ꓖꓳ ꓟ ꓠꓬ ꓠꓬꓲꓸ ꓠꓬꓲ ꓧꓶ ꓗꓴꓷꓼ ꓐꓰ ꓠꓱꓸ ꓐꓯꓼ ꓗꓴꓷꓼ ꓗꓪ ꓛꓲ ꓠꓸꓹ ꓓꓴ ꓒꓬꓱ ꓔꓬ ꓡꓳ-ꓸ ꓖꓳ ꓟ ꓐꓶꓸ ꓓꓴ ꓣꓳꓽ ꓐꓴ ꓮꓼ ꓙꓵꓽ ꓢꓯꓼ ꓕꓵꓼ ꓓꓽ ꓔꓳꓹ ꓐ ꓡ ꓠˍꓟ ꓕꓲꓽ ꓠꓲꓹ ꓕꓲꓽ ꓪꓼ ꓢꓯꓼ ꓕꓵꓼ ꓓꓴ ꓬꓰ ꓡꓯ ꓐꓰ ꓐꓯ ꓖꓶꓽˍꓡꓳ=

#rvalisu

# https://bit.ly/36t3AsS

#PKM