ꓠꓬꓲꓸ ꓠꓬꓲ ꓡꓰ ꓟꓽ ꓞꓲ ꓙꓲꓸꓹ_ ꓟ ꓦꓬꓼ ꓠꓬꓲ ꓟꓽ ꓙꓳ-ꓸ

     ꓬꓲ ꓙꓵꓸꓹ ꓠꓬ ꓪꓴ-ꓢ ꓡꓯ ꓒꓯꓹ ꓗꓪ ꓥꓳ= ꓕꓱ ꓟ ꓠꓬ ꓣꓳ ꓡꓰ ꓬꓲ_ ꓐꓰ ꓜꓲꓸꓹ ꓡꓯ ꓘꓳ ꓠꓹ ꓟ ꓮ ꓠꓬꓲ ꓟꓽ ꓥ-ꓸ ꓫꓸ ꓠꓯꓼ ꓟꓽ ꓥ-ꓸ ꓠꓬꓲꓸ ꓠꓬꓲ ꓥ ꓡꓳ= ꓠꓬꓲꓸ ꓠꓬꓲ ꓪꓴ-ꓢ ꓐꓰ ꓜꓲꓸꓹ ꓥꓳ-ꓸ ꓠꓬꓲꓸ ꓠꓬꓲ ꓠꓬ ꓮ ꓕꓯ ꓥ ꓟꓲ ꓜꓲꓸꓹ ꓡꓯ ꓘꓳ_ ꓟ ꓦꓬꓼ ꓠꓬꓲ ꓥ ꓡꓳ= ꓠꓬꓲꓸ ꓠꓬꓲ ꓡꓰ ꓟꓽ ꓞꓲ ꓙꓲꓸꓹ_ ꓟ ꓦꓬꓼ ꓠꓬꓲ ꓟꓽ ꓙꓳꓳ-ꓸ ꓣꓳ ꓢꓯꓸ ꓔꓬ ꓟ ꓥꓳ= ꓡꓸꓹ ꓠꓹ ꓟ ꓦꓬꓼ ꓠꓬꓲ ꓗꓪ "ꓟꓬꓽ ꓠꓬꓲ ꓙꓲꓸꓹ ꓡ_ ꓟ ꓥꓳ=" ꓖꓳ  ꓡꓱ ꓥ ꓟꓲ ꓕꓲꓽ ꓠꓬꓲ ꓡꓰ ꓕꓲꓽ ꓠꓬꓲ ꓕꓱ ꓡꓱ ꓟꓽ ꓒꓬꓱꓼ ꓡ= ꓕꓱ ꓡꓽ ꓞꓳ ꓠꓬ ꓙ ꓟꓶꓸꓸ ꓢꓲ-ꓸ ꓢꓯꓸ ꓔꓬ ꓟ ꓥ= ꓣꓳ ꓤꓶꓸꓹ ꓗꓪ ꓮ ꓡꓲ ꓕꓶꓸꓸ ꓢꓲ ꓬꓰ ꓠꓹ ꓟ ꓬꓲ ꓪ ꓟꓽ ꓢꓷꓸ ꓠꓬꓲꓸ ꓠꓬꓲ ꓠꓬ ꓚꓵ ꓚꓵ ꓥꓳ= ꓠꓬꓲꓸ ꓠꓬꓲ ꓠꓬ ꓚꓳꓠꓚꓣꓰꓔꓰ ꓡꓰ ꓥꓳ= ꓠꓬꓲꓸ ꓠꓬꓲ ꓪꓽ ꓘꓴ ꓠ ꓔ ꓡꓳ= ꓣꓳ ꓢꓯꓸ ꓔꓬ ꓟ ꓦꓬꓼ ꓠꓬꓲ ꓗꓪ ꓬꓰ-ꓢꓴ ꓡꓰ ꓣꓳ ꓔꓯ ꓜꓲꓸꓹ ꓠꓹ ꓟ ꓐꓱ ꓶ ꓠꓬꓲꓸ ꓠꓬꓲ ꓬꓯꓼ ꓡ_ ꓟ ꓥꓳ=