ꓠꓲꓹ ꓟ ꓫꓸ ꓟ ꓗꓪ ꓐꓰ ꓬꓰ-ꓢꓴ ꓠꓬ ꓣꓳ ꓐꓴ ꓐꓰ ꓕꓲꓽ ꓪꓺꓽ ꓛꓳꓺ ꓙꓰ ꓠꓹ ꓟ ꓠꓲꓹ ꓡꓶꓽ ꓙꓳˍ ꓡꓳ=

ꓔꓲꓺ ꓒ ꓪ ꓔꓲ Francis

ꓔꓲꓺ ꓒ ꓪ ꓔꓲ Francis ꓠꓬ ꓠꓽ-ꓦꓬ-ꓠꓬꓲ ꓕꓯ Casa Santa Marta ꓪꓽ ꓘꓴ ꓦꓲꓻ ꓗꓪ ꓠꓲꓹ ꓟ ꓫꓸ ꓔꓬ ꓢꓴ ꓐꓴ ꓐꓱ ꓶ ꓪꓽ ꓘꓴ ꓖꓶꓽ ꓗꓷꓳ= ꓬꓲ ꓠꓬ ꓬꓲꓸ ꓟꓸ ꓟꓲꓽ ꓒꓶꓻ ꓟꓸ ꓖꓶˍ ꓟ ꓗꓪ꓾ ꓢꓲꓺ ꓒ ꓬꓰ-ꓢꓴ ꓠꓬ ꓠꓲꓹ ꓟ ꓫꓸ ꓔꓬꓹ ꓢꓴ ꓒ ꓕꓲˍ ꓗꓪ ꓔꓬꓹ ꓟ ꓔꓯ ꓐꓯ ꓟꓸ ꓖꓶꓽ ꓔꓬ ꓡꓳ=

“ꓟꓲ-ꓢ ꓪꓽ ꓘꓴˍ ꓟ ꓕꓱꓻ ꓟ ꓗꓪ ꓠꓬ ꓠꓲꓹ ꓟ ꓫꓸ ꓢꓲ꓾ ꓙꓽ ꓫꓸ ꓔꓬ ꓢꓴ ꓐꓴ ꓮ ꓙꓵꓽ ꓐꓱ ꓶ ꓪꓽ ꓘꓴ ꓖꓶˍ ꓟ ꓥ ꓡꓳ=ꓮ ꓡꓲꓳ ꓐꓯˍ ꓠꓬ ꓬꓲ ꓪ ꓐꓴ ꓠꓬ ꓕꓲꓽ ꓣꓳ ꓔꓵꓸꓼ ꓥ ꓢꓲ꓾ ꓟꓲꓽ ꓕꓯ ꓢꓲ ꓟ ꓦꓬꓼ ꓠꓬꓲ ꓗꓪ ꓬꓲ ꓪ ꓐꓴ ꓮ ꓫꓵꓽ ꓔꓯ ꓥꓳꓺ ꓡꓳꓸ ꓠꓯˍ ꓟ ꓟꓽ ꓢꓷꓸ ꓟ ꓪꓴꓸ ꓠꓬꓲ ꓥꓳ=ꓕꓱ ꓟ ꓠꓬ ꓔꓲꓺ ꓒ ꓪ ꓔꓲ ꓬꓲ Casa Santa Marta ꓪꓽ ꓘꓴ ꓦꓲꓻ ꓗꓪ ꓪꓽ ꓘꓴ ꓖꓶꓽˍ ꓟ ꓬꓲꓸ ꓔꓶꓻ ꓙꓱꓼ ꓥ ꓡꓳ=

ꓬꓲ ꓠꓬ ꓝꓸ ꓢꓲ ꓠꓬꓲ ꓒꓵꓻ ꓫꓵꓻ ꓟꓽ ꓙꓳ ꓢꓲ ꓟꓬꓱꓽ ꓟ ꓙꓳ ꓟ ꓦꓲꓻ ꓐꓴ ꓔꓯ ꓥˍ ꓟꓲ ꓞꓳꓻ ꓵꓻ ꓟꓬꓱꓺ ꓐꓳ ꓗꓷꓳ=

ꓔꓲꓺ ꓒ ꓪ ꓔꓲ Francis ꓠꓬ ꓬꓲ ꓶꓼ ꓓꓳꓽ ꓫꓱꓹ ꓓꓳꓽ ꓔꓯ ꓠ-ꓦꓬ-ꓠꓬꓲ ꓟ ꓢꓲꓽ ꓫꓬ ꓕꓳꓽ ꓶ (ꓡꓴ-ꓘ 24ꓽ13-35) ꓗꓪ ꓐꓰ ꓬꓲꓸ ꓚꓰꓺ ꓣꓴ ꓢꓲ ꓚ ꓟꓸ ꓖꓶꓽ ꓗꓷꓳ= ꓖꓳ ꓗꓪ ꓠꓬ꓾ ꓢꓲꓺ ꓒ ꓬꓰ-ꓢꓴ ꓠꓬ ꓬꓲ-ꓟ-ꓪꓴ-ꓢꓶ ꓟꓬꓱ ꓔ ꓟ ꓘꓹ ꓕꓲ ꓘꓹ ꓗꓪ ꓙꓰ ꓔꓬ ꓟ ꓝꓲ ꓢꓴ ꓐꓴ ꓔꓯ ꓢꓲꓺ ꓒ ꓬꓰ-ꓢꓴ ꓮ ꓡꓲ ꓐꓰ ꓛꓳꓺ ꓙꓰ ꓗꓷ ꓟ ꓔꓯ ꓖꓴꓸ ꓟꓸ ꓖꓶꓽ ꓔ ꓡꓳ=

ꓔꓲ ꓒ ꓪ ꓔꓲ ꓠꓬ ꓬꓲꓸ ꓚ ꓔꓬ ꓟ ꓶꓼ ꓓꓳꓽ ꓫꓱꓹ ꓓꓳꓽ ꓔꓯ ꓙꓲ-ꓢꓴ ꓢꓲꓺ ꓤ ꓔꓯ ꓟꓳꓸ ꓒꓶꓻ ꓟꓸ ꓖꓶˍ ꓟ ꓗꓪ ꓐꓰ ꓪꓴꓸ ꓔꓴ ꓔ ꓡꓳ= ꓬꓰ-ꓢꓴ ꓔꓯ ꓟꓳ ꓗꓷ ꓟ ꓡꓽ ꓞꓳ ꓕꓲꓽ ꓣꓳ ꓠꓬ ꓙꓲ-ꓢꓴ ꓢꓲꓺ ꓤ ꓥ ꓢꓲ꓾ ꓬꓲꓸ ꓠꓬ ꓠꓱꓸ ꓐꓯꓼ ꓔꓯ ꓬꓰ-ꓢꓴ ꓔꓯ ꓙꓵꓺ ꓡꓯꓽ ꓘꓳ ꓡꓰ ꓝꓲˍ ꓡꓳ= ꓔꓲꓺ ꓒ ꓪ ꓔꓲ ꓬꓲ ꓝꓸ ꓢꓲ ꓐꓯˍ ꓟ ꓠꓬ꓾ ꓬꓲ-ꓟ-ꓪꓴ-ꓢꓶ ꓘꓹ ꓗꓪ ꓙꓰˍ ꓟ ꓙ ꓖꓴ ꓗꓪ ꓝꓲ ꓢꓴ ꓠꓬꓲꓽ ꓣꓳ ꓐꓰ ꓫꓸ ꓕꓱ ꓗꓷ ꓟˍ ꓡꓰ ꓐꓰ ꓾ ꓢꓲꓺ ꓒ ꓠꓬ ꓣꓳ ꓐꓴ ꓐꓰ ꓥˍ ꓟꓲ ꓙ ꓡꓯꓽ ꓘꓳ ꓔꓬꓹ ꓟ ꓥ ꓡꓳ=

Credit to Vatican News

Add new comment

1 + 12 =

Please wait while the page is loading