ꓠꓵ ꓠꓲꓹ ꓙꓳ ꓠꓹ ꓟ ꓬꓰ-ꓢꓴ ꓡꓰ ꓟꓸ ꓖꓶ_ ꓟ

            ꓙꓲ-ꓢꓴ ꓢꓲ ꓤ ꓮ ꓙꓵꓽ ꓢꓴ ꓐꓱ ꓶ ꓬꓰ-ꓢꓴ ꓡꓰ ꓠꓬꓲꓽ ꓫꓵꓽ ꓟꓸ ꓖꓶ_ ꓡꓳ= ꓕꓲꓽ ꓫꓵꓽ ꓠꓬ ꓣꓳ ꓤꓶꓸꓹ ꓗꓪ ꓠꓵ ꓠꓲꓹ ꓔꓯ ꓙꓳ ꓢꓲ-ꓸ ꓙꓳ ꓒꓵꓽ_ ꓟ ꓡꓲ ꓐꓰ ꓔꓬ ꓠ ꓟꓽ ꓔ-ꓸ ꓠꓬꓲꓽ ꓫꓵꓽ ꓠꓬ ꓠꓵ ꓠꓲꓹ ꓠꓬ ꓪꓴ-ꓢ ꓐꓰ ꓡꓽ ꓞꓳ ꓮ ꓙꓵꓽ ꓔꓯ ꓠꓵ ꓠꓲꓹ ꓔꓬ ꓠ ꓔ ꓟ ꓥ ꓡꓳ= ꓠꓵ ꓠꓲꓹ ꓙꓳ ꓠꓹ ꓟ ꓬꓰ-ꓢꓴ ꓡꓰ ꓟꓸ ꓖꓶ_ ꓟ ꓥꓳ= ꓡꓽ ꓞꓳ ꓮ ꓙꓵꓽ ꓔꓯ ꓠꓵ ꓠꓲꓹ ꓟꓸ ꓪ ꓟꓽ ꓘꓴ ꓠꓬ ꓪꓴ-ꓢ ꓔꓯ ꓠꓵ ꓠꓲꓹ ꓟꓸ ꓔ ꓥ ꓟꓲ ꓟꓽ ꓔꓱ_ ꓟ ꓥꓳ= ꓖꓳ ꓟ ꓡꓲ ꓐꓰ ꓪꓴ-ꓢ ꓐꓰ ꓠꓵ ꓠꓲꓹ ꓟꓽ ꓙꓳ ꓠꓬ ꓣꓳ ꓟꓯꓼ ꓚꓳ ꓒꓯꓹ ꓔꓯ ꓠꓵ ꓠꓲꓹ ꓖꓶ ꓟꓽ ꓘꓴ= ꓖꓳ ꓟ ꓑꓶꓸ ꓓꓴ ꓪꓴ-ꓢ ꓡꓰ ꓟꓸ ꓖꓶ_ ꓟ ꓮ ꓙꓵꓽ ꓠꓬ ꓪꓴ-ꓢ ꓐꓰ ꓡꓽ ꓞꓳ ꓮ ꓙꓵꓽ ꓡꓰ ꓟ ꓝꓲ ꓙꓳ_ ꓟ ꓠꓵ ꓠꓲꓹ ꓗꓪ ꓐꓰ ꓝꓸ ꓔ ꓡꓳ ꓐꓰ ꓔ-ꓒ ꓪ ꓔꓲ ꓡꓰ ꓐꓯ_ ꓡꓳ= ꓙꓵꓽ ꓗ ꓮ ꓙꓵꓽ ꓠꓬ ꓠꓵ ꓠꓲꓹ ꓟꓸ ꓖꓶ_ ꓟ ꓠꓬꓲꓽ ꓫꓵꓽ ꓔꓯ ꓔꓳꓹ ꓖꓶ_ ꓟ ꓥ ꓡꓳ= ꓪꓴ-ꓢ ꓠꓯꓼ ꓗꓪ ꓙꓳ_ ꓟ ꓠꓵ ꓠꓲꓹ ꓪꓽ ꓘꓴ ꓘꓶꓽ ꓪꓽ ꓘꓴ_ ꓟ ꓗꓪ ꓟꓳ ꓪ ꓓ_ ꓡꓳ= ꓡꓽ ꓞꓳ ꓗꓳ ꓡꓳ ꓗꓪ ꓙꓰ ꓢꓲ-ꓸ ꓬꓲ ꓪ ꓔꓯ ꓠꓵ ꓠꓲꓹ ꓟꓸ ꓖꓶ ꓐꓰ ꓪꓴ-ꓢ ꓶꓼ ꓓꓳ ꓫꓱꓹ ꓓꓳ ꓗꓪ ꓬꓰ-ꓢꓴ ꓡꓰ ꓣꓳ ꓔꓯ ꓢꓯꓼ ꓖꓶ_ ꓡꓳ= ꓣꓳ ꓚꓲ ꓛꓬ ꓒꓳꓹ ꓡꓲꓼ ꓠꓹ ꓟ ꓐꓰ ꓢꓲ ꓫꓬ ꓡꓰ ꓠꓹ ꓟ ꓔꓱ ꓟꓽ ꓔꓱ_ ꓟ ꓔꓯ ꓓꓵꓽ ꓙ ꓠꓹ ꓟ ꓠꓬ ꓣꓳ ꓟꓯꓼ ꓚꓳ ꓒꓯꓹ ꓐꓴ ꓔꓯ ꓠꓲꓹ ꓠꓵ ꓐ ꓡ_ ꓐꓰ ꓓꓵꓽ ꓙ ꓠ ꓔ ꓡꓳ= ꓡꓽ ꓞꓳ ꓕꓲꓽ ꓣꓳ ꓣꓳ ꓔꓯ ꓣꓳ ꓠꓲꓹ ꓟ ꓗꓪ ꓐꓰ ꓠꓲꓹ ꓜꓳ_ ꓠꓬ ꓬꓰ-ꓢꓴ ꓬꓲ ꓝꓲ ꓓꓴ ꓗꓪ ꓐꓰ ꓶꓽ ꓡꓰ_ ꓟ ꓥ ꓡꓳ= ꓪꓴ-ꓢ ꓡꓲ ꓐꓰ ꓫꓱꓸ ꓤ ꓟ ꓠꓲꓹ ꓟ ꓙꓳ_ ꓟ ꓠꓬ ꓣꓳ ꓔꓯ ꓟꓽ ꓔꓱ_ ꓟ ꓬꓰ ꓝꓲ ꓠꓹ ꓟ ꓟꓽ ꓥ= ꓕꓲꓽ ꓠꓬꓲ ꓡꓰ ꓕꓲꓽ ꓠꓬꓲ ꓟꓬꓱꓽ ꓬꓲꓸ ꓪꓴꓸ ꓔꓴ_ ꓕꓯ ꓢꓲ ꓫꓬ ꓕꓳ ꓶ ꓶꓼ ꓓꓳ ꓫꓱꓸ ꓓꓳ ꓗꓪ ꓐꓰ ꓢꓯꓸ ꓔꓬ ꓠꓹ ꓟ ꓐꓱ ꓶ ꓬꓰ-ꓢꓴ ꓡꓰ ꓘꓴ_ ꓡꓳ=

Add new comment

1 + 12 =