ꓡꓽ ꓞꓳ ꓐꓴ ꓶꓼ ꓓꓰꓽ_ ꓟ ꓔꓯ ꓠ ꓠꓹ ꓖꓶ ꓠ ꓔ ꓡꓳ=

               ꓙꓲ-ꓢꓴ ꓢꓲ ꓤ ꓐꓴ_ ꓐꓰ ꓙꓲ-ꓢꓴ ꓢꓲ ꓤ ꓐꓴ ꓜꓴ ꓠꓬ ꓫꓸ ꓔꓬ ꓢꓴ ꓡꓲꓹ ꓙꓰ ꓠꓹ ꓟ ꓐꓰ ꓬꓲ ꓪ ꓪꓴ ꓡ ꓟꓴ ꓡ ꓠꓹ ꓟ ꓐꓱ ꓶ ꓪꓴ-ꓢ ꓟꓬꓱꓽ ꓬꓰ ꓠꓹ ꓟ ꓗꓷ ꓠ ꓔ ꓡꓳ= ꓕꓱ ꓟ ꓠꓬ ꓣꓳ ꓗꓪ ꓐꓰ ꓫꓸ ꓔꓬ ꓢꓴ ꓐꓴ ꓶꓼ ꓓꓰꓽ_ ꓟ ꓔꓯ ꓠ ꓠꓹ ꓢꓲ-ꓸ ꓬꓲ ꓪ ꓠꓯꓼ ꓗꓪ ꓫꓱꓸ ꓤꓼ ꓟ ꓔꓯ ꓟꓸ ꓖꓶ ꓢꓲ-ꓸ ꓣꓱꓽ ꓬꓲꓼ ꓟ ꓔꓯ ꓬꓲ ꓙ ꓠꓹꓟ ꓥꓳ= ꓢꓲ ꓫꓬ ꓕꓳ ꓶ ꓗꓪ ꓪꓴ-ꓢ ꓡꓰ ꓫꓸ ꓔꓬ ꓢꓴ ꓐꓴ ꓶꓼ ꓓꓰꓽ ꓪꓽ ꓘꓴ_ ꓟ ꓔꓯ ꓠ ꓠꓹ ꓖꓶ_ ꓟ ꓔꓯ ꓟꓳ ꓪ ꓓ ꓟ ꓥꓳ=

ꓓꓳ ꓙꓰ 3ꓽ7-10 ꓖꓳ ꓡꓱ ꓢꓲ ꓪꓴ-ꓢ ꓡꓰ-ꓸ ꓬꓲ-ꓙꓲ ꓟꓵꓽ ꓪ ꓔꓬ ꓟ ꓥꓪ ꓑ ꓫꓬꓼ ꓐꓴ ꓫ ꓙꓵꓸꓸ ꓔꓬ ꓟ ꓔꓯ ꓥꓪ ꓟꓳꓸꓹ ꓗꓷꓳ= ꓪꓽ ꓤ ꓙꓵꓽ ꓒ ꓐꓴ ꓡꓰ ꓬꓲ ꓪ ꓔꓯ ꓘꓶꓸꓹ ꓙꓵꓸꓹ_ ꓟ ꓑꓶꓸ ꓓꓴ ꓬꓲ ꓪ ꓠꓸꓹ ꓪꓴꓽ_ ꓟ ꓢꓯꓼ ꓔꓯ_ ꓟꓲ ꓥꓪ ꓑ ꓙꓽ ꓗꓷꓳ= ꓬꓲ ꓪ ꓫꓸ ꓙꓵ_ ꓟ ꓔꓯ_ ꓟꓲ ꓥꓪ ꓢꓷꓸ ꓡꓰꓳ= ꓡꓯ-ꓸ ꓥꓪ ꓑ ꓫꓬꓼ ꓬꓲ-ꓢꓷ-ꓡꓰ ꓡ ꓞꓳ ꓔꓯ ꓬꓲ-ꓙꓲ ꓟꓵ ꓗꓪ ꓐꓰ ꓧꓳꓽ ꓓꓳ ꓡ ꓠꓹ ꓟ-ꓸ ꓥꓪ ꓡꓰ ꓠꓴ ꓔꓯ ꓪ ꓔꓲ ꓩ-ꓣꓳ ꓔꓬ ꓗꓪ ꓝꓲ  ꓩꓴ ꓗꓷ_ ꓥꓳ-ꓸ ꓐꓯ_ ꓡꓳ=

ꓐꓯ ꓟꓴ ꓫꓬꓹ ꓒ 3ꓽ15 ꓖꓳ ꓗ ꓠꓯꓸ ꓬꓲ-ꓢꓷ-ꓡꓰ ꓐꓴ ꓠꓬ ꓝꓮꓲ ꓕꓲꓽ ꓧꓪꓹ ꓪꓴ-ꓢ ꓔꓯ ꓴ ꓓꓰꓽ_ ꓕꓯ-ꓸ ꓬꓲ ꓪ ꓔꓯ ꓚꓬꓴ ꓙ ꓢꓴ ꓕꓲ ꓣꓳ ꓓꓳ ꓡ ꓝꓲꓳ=

1 ꓬꓳ-ꓦ 3ꓽ17 ꓟꓲ ꓠꓯ ꓗꓪ ꓟ ꓒꓵꓽ ꓶꓽ ꓙꓳ ꓢꓴ ꓕꓲ ꓣꓳ ꓠꓬ-ꓸ ꓬꓲ ꓬꓲꓼ ꓬꓲ ꓠꓬꓲ ꓣꓱꓽ ꓟꓽ ꓡꓳꓼ ꓟ ꓔꓯ ꓟꓳꓸꓹ_ ꓟꓲ ꓬꓲ ꓔꓯ ꓟꓽ ꓫꓱꓸ ꓤ ꓠꓬ-ꓸ ꓬꓲ ꓠꓯꓼ ꓗꓪ ꓪꓴ-ꓢ ꓠꓵ ꓠꓲꓹ ꓮ ꓡꓲ ꓙꓳ ꓐ ꓡ ꓢꓰꓽ=

ꓫꓸ ꓙꓵ ꓟꓶ ꓙꓵ ꓢꓴ ꓐꓴ ꓘꓴ_ ꓟ ꓢꓯꓼ ꓬ-ꓗꓴ ꓕꓳ ꓶ ꓗꓪ ꓐꓳ ꓔ ꓟ ꓔꓯ ꓚꓳ ꓓꓴ ꓬꓰ ꓡꓯ=

ꓬ-ꓗꓴ 5ꓽ4 ꓠꓴ ꓪ ꓦ ꓟꓲ ꓗꓪ ꓜꓽ ꓪꓳꓽ ꓡꓳ ꓪꓳꓽ ꓶꓼ ꓢꓴ ꓪꓽ ꓤ ꓐꓴ ꓔꓯ ꓟꓽ ꓖꓶ ꓖꓶ ꓗꓶ ꓔꓸ ꓟ ꓪꓽ ꓒꓵꓽ ꓠꓬ ꓠꓴ ꓪ ꓔꓯ ꓔꓳꓹ ꓢꓲ ꓘꓴ ꓔꓴ ꓡ_ ꓡꓳ= ꓶꓼ ꓫ ꓢꓴ ꓐꓴ ꓘꓴ_ ꓟ ꓢꓯꓼ_ ꓟꓲ ꓟꓴ ꓡꓳꓹ ꓬꓰ ꓟ ꓢꓲ ꓒ ꓬꓲꓸ ꓠꓸ ꓑꓳ ꓗꓪ ꓓꓵꓽ ꓡꓰꓳ=