ꓡꓽ ꓞꓳ ꓮ ꓙꓵꓽ ꓐ_ ꓟ ꓪꓴ-ꓢ ꓞꓳ ꓫꓵꓽ

ꓡꓽ ꓞꓳ ꓮ ꓙꓵꓽ ꓐ_ ꓟ ꓪꓴ-ꓢ ꓞꓳ ꓫꓵꓽ

            ꓪꓴ-ꓢ ꓡꓰ ꓣꓳ ꓔꓯ ꓖꓶ_ ꓟ ꓚꓬꓴ ꓙ_ ꓟ ꓠꓬ ꓪꓴ-ꓢ ꓠꓵ ꓠꓲꓹ ꓔꓯ ꓟꓸ ꓖꓶ_  ꓟ ꓟꓬꓱꓽ ꓥꓳ= ꓞꓳ ꓤ ꓢꓯꓼ ꓕꓵꓼ_ ꓟ ꓠꓬ ꓮ ꓟꓬ ꓛꓲ ꓥ ꓟꓲ ꓕꓱ ꓟꓬ ꓛꓲ ꓙꓲ_ ꓟ ꓶꓼ ꓤ ꓫꓱꓸ ꓤ ꓔꓯ ꓣꓳ ꓚꓲ ꓛꓬ ꓢꓯꓼ ꓕꓵꓼ_ ꓟ ꓗꓪ ꓐꓰ ꓪ ꓟꓽ ꓓ= ꓪꓴ-ꓢ ꓡꓰ ꓣꓳ ꓔꓯ ꓬꓲ ꓐꓰ ꓕꓲ ꓠꓲꓹ ꓕꓲ ꓪ ꓗꓷ ꓡꓰ ꓠꓹ ꓟ ꓐꓱ ꓶ ꓘꓴꓽ_ ꓡꓳ= ꓪꓴ-ꓢ ꓡꓰ ꓣꓳ ꓠꓲꓹ ꓟ ꓘꓴꓽ ꓗꓪ ꓢꓲ-ꓫꓬ-ꓟ-ꓦ ꓝꓲ ꓢꓲ-ꓸ ꓣꓳ ꓔꓯ ꓪꓴ-ꓢ ꓤ ꓠꓱ ꓗꓷ ꓡꓰ ꓝꓲ_ ꓟ ꓥꓳ= ꓔꓲ-ꓒ ꓪ ꓔꓲ ꓐꓰꓠꓰꓓꓲꓚꓔ 16 ꓡꓰ ꓣꓳ ꓠꓬ ꓚꓬꓴ ꓙ ꓠꓹ ꓟ ꓐꓱ ꓶ ꓬꓲ ꓪꓴꓸ ꓬꓲ_ ꓟ ꓟꓬꓱꓽ ꓠꓬ ꓪꓴ-ꓢ ꓡꓰ ꓬꓲ_ ꓟ ꓥꓳ= ꓪꓴ-ꓢ ꓓ ꓪꓴꓸ ꓬꓲ_ ꓟ ꓟꓬꓱꓽ ꓗꓪ ꓣꓳ ꓤꓶꓸꓹ ꓔꓯ ꓛꓳ ꓢꓲ-ꓸ ꓪꓴ-ꓢ ꓬꓲ_ ꓟ ꓟꓬꓱꓽ ꓔꓯ ꓬꓲ ꓪꓴꓸ ꓔꓴ ꓠꓹ ꓟ ꓪꓽ ꓘꓴ_ ꓟ ꓗꓪ ꓐꓰ ꓪꓴ-ꓢ ꓐꓰ ꓕꓲ ꓪ ꓪꓴ-ꓢ ꓶꓼ ꓓꓳ ꓫꓱꓸ ꓓꓳ ꓚ_ ꓢꓴ ꓒꓬꓱꓼ ꓡ_ ꓟ ꓥꓳ=

           ꓪꓴ-ꓢ ꓠꓬ ꓕꓲ ꓤꓶꓸꓹ ꓡꓰ ꓕꓲ ꓤꓶꓸꓹ ꓗꓪ ꓐꓰ ꓞꓳ ꓤ ꓮ ꓙꓵꓽ ꓔꓯ ꓬꓲ ꓐꓰ ꓕꓲ ꓠꓲꓹ ꓕꓲ ꓪ ꓔꓬ ꓠꓹ ꓟ ꓚꓱꓹ ꓕꓲ ꓚꓱꓹ ꓙ ꓖꓶ ꓔ ꓡꓳ= ꓟ-ꓕꓲ 28ꓽ19 ꓖꓳ ꓡꓱ ꓠꓬꓲ ꓠꓴ ꓪꓽ ꓙꓰ ꓢꓲ꓾ ꓞꓳ ꓫꓵꓽ ꓥ ꓕ ꓑꓳꓸ ꓔꓯ ꓢꓲ ꓤꓽ ꓬꓰ ꓝꓲ ꓢꓲ ꓠꓬꓲ꓾ ꓐꓹ ꓐ꓾ ꓮ ꓐꓲ꓾ ꓢꓲ-ꓫꓬ-ꓟ-ꓦ ꓟꓬꓱꓺ ꓗꓪ ꓐꓰ ꓬꓲ ꓪꓽ ꓔꓯ ꓖꓳ ꓓꓱ ꓔꓲꓹ ꓖꓶ= ꓖ-ꓡ-ꓕꓲ-ꓬ 3ꓽ28 ꓬꓴ-ꓔ ꓡꓽ ꓞꓳ ꓥ ꓟꓲ꓾ ꓦꓲ-ꓡꓲ ꓡꓽ ꓞꓳ ꓥ ꓟꓲ꓾ ꓚꓳ ꓑꓸ ꓥ ꓟꓲ꓾ ꓚꓳ ꓪꓴꓸ ꓥ ꓟꓲ꓾ ꓞꓳ ꓑꓸ ꓤ ꓥ ꓟꓲ ꓤ ꓟꓶ ꓤ ꓥ ꓟꓲ꓾ ꓟꓽ ꓐꓱꓻꓳ꓿ ꓙꓲ-ꓢꓴ ꓬꓰ-ꓢꓴ ꓠꓯꓸꓼ ꓗꓪ ꓠꓴ ꓪꓽ ꓮꓽ ꓙꓵ ꓕꓲ ꓟˍ ꓡꓰꓽ ꓒꓬꓱꓼ ꓡꓺꓳ꓿