ꓢꓯꓸ ꓬꓲꓼ ꓡ ꓟ ꓢꓲ ꓒ ꓬꓰ-ꓢꓴ ꓙꓵꓻ꓾ (Have faith in the Risen Christ)

ꓢꓯꓸ ꓬꓲꓼ ꓡ ꓟ ꓢꓲ ꓒ ꓬꓰ-ꓢꓴ ꓙꓵꓻ꓾

ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓡꓳꓹ ꓬꓰ ꓟ ꓑꓮꓢꓮꓗꓮ ꓠꓽꓦꓬꓼ ꓠꓬꓲ ꓠꓬꓲꓽ ꓠꓽ ꓕꓲꓽ ꓠꓽ ꓕꓯ ꓪꓽ ꓘꓴ ꓜꓲꓼ ꓡ ꓢꓴ ꓙꓲ ꓢꓴ ꓢꓲ ꓤ ꓐꓴ ꓔꓯ ꓫꓵꓻ ꓗꓪ ꓐꓰ ꓢꓯꓸ ꓬꓲꓼ ꓡ ꓟ ꓪꓴ-ꓢ ꓢꓯꓼ ꓪ ꓔꓯ ꓣꓳ ꓡꓳꓸ ꓠꓬꓲ ꓔꓳꓹ ꓜꓳ ꓡꓰ ꓟ ꓡꓰ ꓐꓰ ꓣꓳ ꓙꓵꓻ ꓠꓲꓹ꓾ ꓪꓽ ꓘꓴ_ ꓟ꓾ ꓠꓵꓻ ꓠꓲꓹ ꓐꓰ ꓑꓮꓢꓮꓗꓮ ꓗꓹ ꓛꓲ_ ꓟ ꓓꓳꓽ ꓔꓯ ꓟꓬ ꓠꓬꓲ ꓛꓱꓻ ꓓꓳ ꓡꓰ ꓠꓹ ꓟ ꓢꓯꓼ ꓕꓵꓼ ꓬꓰ ꓠꓹ ꓟ ꓐꓱ ꓶ ꓢꓯꓼ ꓖꓶ ꓔ ꓡꓳ=

ꓔꓲꓺ ꓒ ꓪ ꓔꓲ ꓡꓰ ꓶꓼ ꓓꓳ ꓫꓱꓸ ꓓꓳ ꓔꓯ ꓫꓱꓸ ꓤ ꓠꓵꓻ ꓠꓲꓹ ꓗꓴꓸ ꓟ ꓢꓲ ꓫꓬ ꓢꓴ ꓬꓳ-ꓦ ꓒꓳ-ꓡꓳ ꓲꓲ ꓔꓯ ꓓꓵꓽ ꓙ ꓔ ꓢꓲ ꓐꓯ ꓡꓳꓹ ꓬꓰ ꓟ ꓥꓳ= ꓖꓳ ꓕꓲ ꓠꓬꓲ ꓶꓼ ꓓꓳ ꓱꓸ ꓓꓳ ꓗꓪ ꓣꓳ ꓔꓯ ꓟꓸ ꓖꓶ ꓡ ꓟ ꓠꓬ꓾ ꓪꓴ-ꓢ ꓬꓲ ꓤ ꓔꓲ ꓢꓲ ꓒ ꓬꓰ-ꓢꓴ ꓔꓯ ꓙꓵꓻ ꓢꓲ꓾ ꓣꓳ ꓬꓲ ꓟꓬꓱꓺ ꓗꓪ ꓐꓰ ꓢꓯꓸ ꓔꓬ ꓠꓹ ꓟ ꓥꓳ= “ꓢꓯꓸ ꓔꓬ ꓠꓹ ꓟ ꓐꓰ ꓐꓯ_ ꓟ ꓠꓬ ꓮ ꓫꓵ ꓔꓯ ꓐꓯ_ ꓔꓬ ꓡ꓾? ꓐꓯ ꓠ ꓠꓬꓲ ꓔ ꓡꓳ=

ꓣꓳ ꓮ ꓙꓵ ꓠꓬ ꓢꓯꓸ ꓔꓬ ꓠꓹ ꓟ ꓠꓲꓹ ꓡꓶꓽ ꓙꓳ ꓢꓴ ꓡꓰ ꓥꓳ= ꓖꓳ ꓟ ꓡꓰ ꓐꓰ ꓣꓳ ꓗꓪ ꓐꓰ ꓮ ꓡꓰ ꓐꓰ ꓢꓯꓸ ꓔꓬ ꓠꓹ ꓟ ꓚꓱꓹ ꓔꓯ ꓐꓯ ꓡꓳꓹ ꓬꓰ ꓟ ꓥꓳ= ꓣꓳ ꓠꓲꓹ ꓡꓱ ꓗꓹ ꓛꓲ ꓓꓴ ꓚꓱꓹ ꓮ ꓟꓬꓹ ꓔꓯ ꓪ ꓟꓶ ꓠꓹ ꓟ ꓐꓱ ꓶ ꓣꓳ ꓠꓯꓼ ꓗꓪ ꓔꓬ ꓟ ꓣꓳ ꓞꓳ ꓒꓵꓽ ꓠ ꓔ ꓟ ꓔꓯ ꓒꓰꓼ ꓠꓹ ꓟ ꓬꓰ ꓢꓴ ꓞꓳ ꓤ ꓥ ꓟꓲ ꓔꓬ ꓡꓳ꓾ ꓕꓱ ꓟ ꓠꓬ ꓬꓲꓸ ꓪꓴꓸ ꓕꓯ ꓣꓳ ꓔꓯ ꓠꓲꓹ ꓘꓪ ꓫꓵ ꓡꓰ ꓝꓲ ꓥ ꓟꓲ ꓬꓲꓸ ꓟꓶꓽ ꓗꓪ ꓛꓲ ꓠꓲꓹ ꓘꓪ ꓫꓵ ꓓꓴ ꓟꓽ ꓖꓶ ꓡ꓾ ꓖꓳ ꓟ ꓑꓶ ꓓꓴ ꓕꓱ ꓟ ꓠꓬ ꓣꓳ ꓤꓶꓻ ꓔꓯ ꓚꓵ ꓚꓵ ꓗꓹ ꓛꓲ ꓓꓴ ꓟꓽ ꓖꓶ ꓡ ꓐꓰ ꓔꓲꓺ ꓒ ꓪ ꓔꓲ ꓡꓰ ꓢꓯꓼ ꓖꓶ ꓗꓷ ꓟ ꓥꓳ=

ꓣꓳ ꓕꓲ ꓣꓳ ꓡꓲ ꓕꓲ ꓣꓳ ꓔꓯ ꓐꓲ ꓜꓲꓼ_ ꓟ ꓤꓶꓻ ꓠꓬ ꓢꓲ ꓒ ꓬꓰ-ꓢꓴ ꓠꓯꓼ ꓗꓪ ꓡꓰ ꓔꓬ ꓟ ꓔꓯ ꓢꓲ ꓫꓬ ꓕꓳ ꓶ ꓗꓪ ꓡꓳꓸ ꓟꓳ ꓪ ꓡꓳ꓾ “ꓕꓱ ꓟ ꓔꓯ ꓣꓳ ꓮ ꓡꓰ ꓐꓰ ꓬꓰ ꓠ ꓔ ꓡ꓾ ꓮ ꓡꓰ ꓐꓰ ꓔꓳꓹ ꓜꓳ ꓠꓬꓲ ꓐ ꓡ ꓡ꓾ ꓐꓰ ꓣꓳ ꓔꓯ ꓠ ꓠꓬꓲ ꓔ ꓡꓳ= “ꓧꓮꓦꓲꓠꓖ ꓡꓲꓝꓰ” ꓐꓯ ꓟ ꓠꓬ ꓡꓯꓼ ꓐꓳ ꓔꓶꓸ ꓓꓴ ꓕꓯ ꓢꓲ ꓫꓵꓻ ꓙ ꓗꓷ ꓢꓲ ꓢꓯꓸ ꓬꓲꓼ ꓡ ꓟ ꓢꓲ ꓒ ꓬꓰ-ꓢꓴ ꓔꓯ ꓡꓳꓸ ꓠꓬꓲ ꓓꓴ ꓬꓰ ꓡꓯ꓾ ꓣꓳ ꓪꓽ ꓘꓴ ꓟ ꓐꓰ ꓢꓮꓚꓣꓮꓟꓰꓠꓔ ꓗꓪ ꓢꓲ ꓒ ꓬꓰ-ꓢꓴ ꓔꓬ ꓟ ꓔꓯ ꓓꓵꓽ ꓙ ꓔ꓾ ꓬꓲ ꓔꓯ ꓙꓵꓻ ꓓꓴ ꓬꓰ꓾ ꓬꓲ ꓶꓼ ꓤ ꓫꓱꓸ ꓤ ꓐꓰ ꓣꓳ ꓢꓯꓸ ꓔꓬ ꓙ ꓫꓱꓽ ꓐ ꓡ ꓟ ꓥꓳ꓾ ꓬꓲ ꓡꓰ ꓬꓰ ꓡꓳꓹ ꓬꓰ ꓟ ꓔꓯ ꓣꓳ ꓔꓯꓺ ꓢꓳ ꓢꓲ ꓛꓳ ꓫꓱꓽ ꓓꓴ ꓬꓰ ꓡꓯ꓾ ꓬꓲ ꓡꓰ ꓣꓳ ꓔꓯ ꓠꓲꓹ ꓠꓵꓻ ꓟ ꓡꓰ ꓐꓰ ꓣꓳ ꓥ ꓟꓲ ꓕꓱ ꓠꓵꓻ ꓠꓲꓹ ꓡꓰ ꓐꓰ ꓠꓱꓸ ꓐꓯꓼ ꓢꓴ ꓔꓯ ꓠꓵꓻ ꓠꓲꓹ ꓛꓱꓻ ꓓꓳ ꓠꓹ ꓟ ꓬꓰ ꓡꓯ꓾ ꓢꓲ ꓒ ꓬꓰ-ꓢꓴ ꓬꓲ ꓐꓰ ꓕꓲ ꓪ ꓢꓯꓸ ꓔꓬ ꓟ ꓮ ꓙꓵ ꓠꓬ ꓣꓳ ꓔꓯ ꓟꓬ ꓠꓬꓲ ꓢꓯꓸ ꓔꓬ ꓠꓹ ꓟ ꓖꓶ_ ꓡꓳ=

ꓬꓲꓸ ꓟꓶ ꓗꓪ ꓐꓰ ꓔꓲꓺ ꓒ ꓪ ꓔꓲ ꓡꓰ ꓣꓳ ꓔꓯ “ꓢꓲ ꓒ ꓬꓰ-ꓢꓴ ꓠꓬ ꓫꓵꓻ ꓗꓪ ꓐꓰ ꓙꓳꓺ ꓟ ꓐꓰ ꓝꓴꓲ ꓗꓪ ꓐꓰ ꓢꓯꓸ ꓬꓲꓼ ꓡ ꓟ ꓓꓵꓽ ꓙ ꓟꓶ ꓓꓴ ꓔꓯ ꓙꓵꓻ ꓔꓬ ꓡ꓾? ꓝꓮꓲ ꓚꓲ ꓛꓬ ꓠꓬ ꓢꓲ ꓒ ꓬꓰ-ꓢꓴ ꓐꓰ ꓫꓱꓹ ꓠꓹ ꓟ ꓙꓵꓽ ꓪ ꓖꓶ_ ꓡ꓾? ꓬꓲ ꓡꓰ ꓚꓲ ꓛꓬ ꓔꓯ ꓠꓲꓹ ꓠꓵꓻ ꓟ ꓡꓰ ꓐꓰ ꓚꓲ ꓛꓬ ꓥ ꓟꓲ ꓣꓳ ꓠꓶꓽ ꓛꓳ ꓕꓲ ꓛꓳ ꓔꓯ ꓬꓲ ꓡꓰ ꓐꓰ ꓕꓲ ꓠꓬꓲ ꓡꓲ ꓕꓲ ꓠꓬꓲ ꓗꓪ ꓠꓲꓹ ꓠꓵꓻ ꓐ ꓡ ꓠꓹ ꓟ ꓢꓯꓼ ꓕꓵꓼ_ ꓡ꓾? ꓐꓰ ꓣꓳ ꓔꓯ ꓠ ꓠꓬꓲ ꓔ ꓡꓳ= ꓔꓲꓺ ꓒ ꓪ ꓔꓲ ꓡꓰ “ꓢꓯꓸ ꓬꓲꓼ ꓡ ꓟ ꓢꓲ ꓒ ꓬꓰ-ꓢꓴ ꓔꓯ ꓙꓵꓻ ꓢꓲ꓾ ꓢꓯꓸ ꓔꓬ ꓠꓹ ꓟ ꓐꓰ ꓑꓮꓢꓮꓗꓮ ꓗꓹ ꓛꓲ ꓟ ꓓꓳꓽ ꓔꓯ ꓪ ꓟꓶ ꓠꓹ ꓟ ꓐꓱ ꓶ ꓟꓹ ꓟ ꓟ-ꓡꓲ ꓠꓯꓼ ꓗꓪ ꓪꓽ ꓘꓴ ꓖꓶ ꓢꓲ꓾” ꓬꓲ ꓶꓼ ꓓꓳ ꓫꓱꓸ ꓓꓳ ꓔꓯ ꓬꓲ ꓟꓶ ꓢꓰꓼ ꓗꓷ ꓟ ꓥꓳ=