ꓣꓳ ꓐꓱ ꓶ ꓗꓹ ꓛꓲ ꓓꓴ ꓔꓯ ꓢꓲ-ꓫꓬ ꓕꓳꓽ ꓶ ꓗꓪ ꓐꓰ ꓖꓶ ꓡˍ ꓟ ꓥꓳ=

ꓣꓳ ꓐꓱ ꓶ ꓗꓹ ꓛꓲ ꓓꓴ ꓔꓯ ꓢꓲ-ꓫꓬ ꓕꓳꓽ ꓶ ꓗꓪ ꓐꓰ ꓖꓶ ꓡ- ꓟ ꓥꓳ=

ꓢꓲ-ꓫꓬ ꓕꓳꓽ ꓶ ꓝꓲꓸ ꓗꓪ ꓐꓰ ꓐꓯ ꓟꓸ ꓖꓶ ꓡ_ ꓥꓳ= ꓡꓴ-ꓘ 1ꓽ41 ꓗꓪ ꓟ-ꓡꓲ ꓒꓵꓽ ꓗ ꓬꓰ_ ꓟ ꓔꓯ ꓬꓲ-ꓡꓲ-ꓫ-ꓑꓷ ꓑ ꓙꓽ ꓗꓷ ꓟꓶꓽ ꓕꓯ-ꓸ ꓬꓲ ꓔꓯ ꓶꓸꓹ ꓞꓹ ꓟ ꓤ ꓠꓱ ꓠꓬ ꓤ ꓘꓶ ꓗꓪ ꓔꓷꓹ ꓡꓵ ꓡ_ ꓡꓳ= ꓡꓴ-ꓘ 1ꓽ47 ꓥꓪ ꓦ_ ꓟꓲ ꓪꓴ-ꓢ ꓥꓪ ꓚꓬꓴ ꓢꓲ ꓒꓽ ꓠꓯꓸꓼ ꓗꓪ ꓗ ꓛꓲ ꓔꓬ ꓡꓳ= ꓬꓳ-ꓦ 3ꓽ29 ꓖꓳ ꓟ_ ꓡꓰ ꓐꓰ ꓥꓪ ꓗꓹ ꓛꓲ_ ꓟ ꓐꓲ ꓡꓰꓳ= ꓡꓴ- ꓘ 10ꓽ21 ꓬꓰ-ꓢꓴ ꓠꓬ ꓢꓲ-ꓫꓬ-ꓟ-ꓦ ꓠꓯꓸꓼ ꓗꓪ ꓮ ꓘꓶꓸ ꓗꓹ ꓛꓲ ꓡꓳ= ꓬꓳ-ꓦ 15ꓽ11 ꓥꓪ ꓗꓹ ꓛꓲ ꓠꓲꓹ ꓠꓴ ꓪ ꓠꓯꓸꓼ ꓗꓪ ꓓꓯ ꓢꓲ-ꓸ ꓠꓴ ꓪ ꓗ ꓛꓲ ꓠꓲꓹ ꓐꓲ ꓡ ꓝꓲ ꓠꓹ ꓟ-ꓸ ꓠꓴ ꓪ ꓔꓯ ꓥꓪ ꓔꓱ ꓟꓬ ꓙꓰꓽ ꓐꓯ ꓖꓶ_ ꓟ ꓥꓳ= ꓬꓳ-ꓦ 16ꓽ20 ꓠꓴ ꓪ ꓠꓬ ꓮ ꓛꓬꓹ ꓙꓱ ꓢꓲ ꓥꓴ_ ꓥꓳ= ꓖꓳ ꓡꓱ ꓥ_ ꓟꓲ ꓟꓲ ꓠꓯ ꓡ ꓞꓳ ꓠꓽ ꓗꓹ ꓛꓲ_ ꓥꓳ= ꓠꓴ ꓫ_ ꓟ ꓠꓬ ꓗꓹ ꓛꓲ ꓓꓴ ꓑꓶꓸ ꓡꓰ_ ꓥꓳ= ꓐꓰ ꓬꓰ-ꓢꓴ ꓡꓰ ꓝꓲ ꓓꓴ ꓐꓴ ꓔꓯ ꓐꓯ_ ꓖꓶ_ ꓟ ꓥꓳ= ꓝꓮꓲ ꓬꓰ-ꓢꓴ ꓐꓯ ꓖꓶ_ ꓟ ꓠꓬ ꓬꓳ-ꓦ 16ꓽ22 ꓖꓳ ꓡꓱ ꓥ_ ꓟꓲ ꓠꓴ ꓪ ꓔꓯ ꓥꓪ ꓝꓮꓲ ꓟ_ ꓕꓯ ꓠꓴ ꓪ ꓠꓽ ꓗ ꓛꓲ_ ꓥꓳ= ꓠꓴ ꓪ ꓗ ꓛꓲ ꓠꓲꓹ ꓔꓯ ꓮꓽ ꓟ ꓟꓲ ꓣꓴ ꓔꓯꓹ ꓙꓰ ꓟꓽ ꓐ ꓡ= ꓬ-ꓦ 20ꓽ20 ꓛꓳꓽ ꓒꓯꓹ ꓐꓴ ꓠꓬ ꓢꓲ ꓒ ꓔꓯ ꓟꓳ ꓗꓷ ꓠꓬ ꓮ ꓘꓶꓸ ꓗꓸ ꓛꓲ_ ꓡꓳ= ꓝꓲ-ꓓꓴ 2ꓽ46 ꓠꓲꓹ ꓒꓴ_ ꓟ ꓐꓰ ꓠꓲꓹ ꓔꓱꓹ ꓠꓲꓹ ꓓꓰ_ ꓟ ꓠꓲꓹ ꓟ ꓡꓰ ꓕꓲꓽ ꓪ_ ꓜꓽ ꓓꓳ ꓢꓲ ꓠꓬꓲ ꓪꓴ-ꓢ ꓔꓯ ꓫꓱ ꓖꓶ_ ꓡꓳ= ꓝꓲ-ꓓꓴ 13ꓽ52  ꓢꓲ ꓤ ꓐꓴ ꓠꓬ ꓗꓹ ꓛꓲ_ ꓟ_ ꓐꓰ ꓢꓲ-ꓫꓬ-ꓟ-ꓦ ꓐꓲ ꓞꓹ ꓡꓳ= ꓝꓲ-ꓓꓴ 8ꓽ39 ꓬꓲ ꓪ ꓬꓲꓸꓹ ꓙꓬ ꓗꓪ ꓐꓰ ꓓꓳ ꓡ ꓕꓯ-ꓸ ꓢꓲ ꓒ ꓬꓲ ꓦ ꓡꓰ ꓒꓲ-ꓡꓲ ꓔꓯ ꓞꓼ ꓐꓰ ꓔꓯꓹ ꓙꓰ ꓠꓬꓲ-ꓸ ꓒꓵꓽ ꓶꓽ ꓙꓵꓽ ꓒ ꓞꓳ ꓠꓸ ꓠꓬ ꓬꓲ ꓔꓯ ꓝꓮꓲ ꓟꓽ ꓟꓳꓸꓹ ꓗꓷ ꓡꓰꓳ= ꓬꓲ ꓠꓽ ꓠꓲꓹ ꓒꓴ ꓗꓹ ꓛꓲ ꓠꓬꓲ ꓐꓰ ꓡꓯꓼ ꓫꓵ ꓓꓴꓸꓹ ꓓꓳ ꓙꓰ_ ꓡꓳ= ꓝꓲ-ꓓꓴ 16ꓽ34 ꓖꓳ ꓡꓱ ꓠꓬ ꓐꓱ ꓓꓴꓽ ꓙꓵꓽ ꓢꓴ ꓡꓰ ꓬꓲ ꓪ ꓔꓯ ꓬꓲ ꓦꓲ ꓗꓪ ꓧꓳꓽ ꓓꓵꓽ ꓡꓰ ꓢꓲ ꓜꓸꓹ ꓖꓶꓽ ꓜꓽ ꓢꓲ ꓠꓬꓲ-ꓸ ꓬꓲ_ ꓐꓰ ꓬꓲ ꓕꓲ ꓦꓲ ꓢꓴ ꓮ ꓙꓵꓽ ꓪꓴ-ꓢ ꓔꓯ ꓙꓵꓸꓹ ꓗꓷ ꓠꓬꓲ ꓮ ꓘꓶꓸ ꓗꓹ ꓛꓲ_ ꓡꓳ= ꓕꓱ ꓟ ꓡꓰ ꓐꓰ ꓗ ꓛꓲ ꓓꓴ ꓠꓬ ꓣꓳ ꓠꓯꓼ ꓗꓪ ꓟꓲ ꓟꓶ ꓡꓰ_ ꓟ ꓥꓳ=

Add new comment

1 + 6 =

Please wait while the page is loading