ꓣꓳ ꓢꓯꓼ ꓕꓵꓼ ꓟ ꓠꓬ ꓙꓲ ꓖꓴ ꓟꓽ ꓙꓳ ꓟꓽ ꓗꓷ ꓡꓰ ꓠꓹ ꓟ ꓢꓲ ꓫꓬ ꓕꓳ ꓶ ꓗꓪ ꓐꓰ ꓙꓵꓸꓹ ꓠꓲꓹ ꓙꓳ ꓠꓹ ꓟ ꓣꓱꓽ ꓬꓯꓼ_ ꓡꓳ=

                    ꓣꓳ ꓠꓬ ꓠꓱꓸ ꓐꓯꓼ ꓡꓽ ꓞꓳ ꓡꓰ ꓠꓲꓹ ꓫꓸ ꓟꓬ ꓫꓸ ꓟ ꓔꓯ ꓚꓳ ꓢꓲ-ꓸ ꓫꓱꓸ ꓤ ꓟ ꓠꓲꓹ ꓟ ꓙꓳ ꓕꓯ ꓫꓸ ꓔꓬ ꓢꓴ ꓐꓴ ꓫꓸ ꓕꓱ_ ꓟ ꓐꓯ ꓘꓶꓽ ꓔꓯ ꓐꓯ ꓙ ꓠꓹ ꓟ ꓟꓬꓱꓽ ꓔꓯ ꓘꓳ ꓣꓳ_ ꓟ ꓥꓳ= ꓪꓴ-ꓢ ꓫꓱꓸ ꓤ ꓟ ꓗꓪ ꓐꓰ ꓪꓴ-ꓢ ꓫꓸ ꓕꓱ_ ꓟ ꓐꓯ ꓘꓶꓽ ꓔꓯ ꓠ ꓠꓹ ꓢꓲ-ꓸ ꓕꓱ ꓟ ꓠꓬ ꓘꓴ ꓜꓲꓼ ꓞꓳ ꓗꓪ ꓐꓲ ꓡꓰ_ ꓟ ꓥꓳ= ꓢꓴ ꓔꓯ ꓫꓱꓸ ꓤ ꓢꓴ ꓠꓬ ꓶ ꓙꓳ ꓫꓱꓸ ꓙꓳ_ ꓡꓳ= ꓮ ꓡꓲꓳ ꓐꓯ ꓠꓬ ꓬꓲ ꓪ ꓠ ꓫꓱꓸ ꓤ ꓟ ꓟꓶ_ ꓥꓳ ꓐꓰ ꓡꓴ-ꓘ ꓕ ꓶ 5ꓽ 7 ꓗꓪ ꓟꓳ ꓪ ꓡꓳ= ꓝꓲ ꓓꓴ ꓬ-ꓗꓴ ꓡꓰ ꓠꓱꓸ ꓐꓯꓼ ꓔꓯ ꓫꓱꓸ ꓤ ꓟ ꓠꓬ ꓐꓯ ꓟꓴ ꓘꓶꓽ_  ꓟ ꓦꓬꓼ ꓠꓬꓲ ꓕꓯ ꓪꓴ-ꓢ ꓗꓪ ꓐꓰ ꓫꓱꓸ ꓤ_ ꓟ ꓟꓶ ꓡ_ ꓥꓳ=

                   ꓬ-ꓗꓴ 2ꓽ12-13 ꓠꓴ ꓪ ꓠꓬ ꓚꓳ ꓪꓴꓸ ꓒꓬꓱꓼ ꓡ ꓝꓲ_ ꓟ ꓙꓵꓽ ꓗ ꓡꓰ ꓐꓯ ꓟꓴ ꓘꓶꓽ ꓟꓶ ꓡꓰ ꓠꓯꓹ ꓢꓴ ꓥꓠꓬꓲ-ꓸ ꓫꓸ ꓕꓱ_ ꓟ ꓐꓰ ꓞꓳ ꓙꓳ_ ꓟ ꓗꓪ ꓙꓵꓽ ꓗ ꓖꓳ ꓟ ꓔꓯ ꓛꓳ ꓢꓲ ꓞꓳ ꓙꓳ= ꓮ ꓡꓲꓳ ꓐꓯ ꓠꓬ ꓫꓱꓸ ꓤ ꓠꓲꓹ ꓟꓽ ꓙꓳ ꓢꓴ ꓔꓯ ꓠꓬ-ꓸ ꓐꓯ ꓟꓴ ꓘꓶꓽ_ ꓕꓯ ꓫꓱꓸ ꓤ_ ꓟ ꓟꓽ ꓟꓳꓸ ꓖꓶ ꓡ= ꓫꓱꓸ ꓤ ꓠꓲꓹ ꓡꓰ ꓐꓯ ꓟꓴ ꓘꓶꓽ_ ꓟ ꓔꓯ ꓧꓪꓸ ꓡꓰ_ ꓥꓳ= ꓓ-ꓠꓲ-ꓡꓰ 4ꓽ 27 ꓖꓳ ꓡꓱ ꓠꓬꓲ ꓪ ꓔꓲꓳ-ꓸ ꓥꓪ ꓡꓰ ꓠꓴ ꓔꓯ ꓚꓴꓽ ꓬꓲꓹ ꓖꓶ_ ꓟ ꓔꓯ ꓠ ꓠꓹ ꓢꓲ ꓘꓳ ꓣꓴ= ꓠꓴ ꓝꓴꓲ ꓬꓰ_ ꓟ ꓠꓽ ꓗꓷ ꓢꓲ ꓔꓱꓹ ꓜꓳꓽ_ ꓟ ꓬꓰ= ꓠꓴ ꓥꓶ_ ꓟ ꓬꓰ_ ꓟ ꓠꓽ ꓗꓷ ꓢꓲ ꓞꓳ ꓫ ꓔꓯ ꓫꓱꓸ ꓤ= ꓠꓴ ꓖꓳ ꓡꓱ ꓬꓰ ꓠꓬ ꓮꓽ ꓧꓪꓹ ꓠꓴ ꓙꓳ ꓢ ꓔꓬ ꓢ_ ꓟ ꓦꓬꓼ ꓠꓬꓲ ꓫꓵ ꓡ_ ꓥꓳ ꓟꓽ ꓢꓷꓸ-ꓸ ꓐꓯ ꓖꓶ ꓡꓸꓸꓳ= 1 ꓒꓲ-ꓕꓱ 4ꓽ8 ꓮ ꓙꓵ ꓕꓯꓽ ꓢꓲ ꓒꓵꓽ_ ꓟ ꓕꓲꓽ ꓫꓵ ꓠꓬ ꓕꓲꓽ ꓣꓳ ꓛꓳꓽ ꓕꓲ ꓣꓳ ꓠꓲꓹ ꓠꓵ ꓡꓯꓽ ꓘꓳ ꓠꓹ ꓟ ꓠꓲꓹ ꓡꓱ ꓠꓯꓹ ꓡꓳ= ꓮ ꓡꓲꓳ ꓐꓯ ꓠꓬ ꓠꓵ ꓠꓲꓹ ꓡꓰ ꓝꓴꓲ ꓮꓽ ꓟꓬꓹ ꓔꓯ ꓑꓲꓸ ꓡꓰ ꓝꓲ ꓐ ꓡ_ ꓡꓳ=

 

Add new comment

3 + 10 =