ꓪꓴ-ꓢ ꓐꓰ ꓔꓬ ꓢꓲ ꓡꓽ ꓞꓳ ꓐꓴ ꓶꓼ ꓓꓰꓽ ꓪꓽ ꓘꓴ_ ꓟ ꓢꓯꓼ ꓔꓯ ꓠ ꓠꓹ ꓖꓶ=

                   ꓙꓲ ꓢꓴ ꓘꓴ ꓜꓲꓼ ꓞꓳ ꓢꓲ ꓤ ꓐꓴ_ ꓐꓰ  ꓙꓲ ꓢꓴ ꓢꓲ ꓤ ꓜꓴ ꓠꓬ ꓫꓸ ꓔꓬ ꓢꓴ ꓡꓲꓹ ꓙꓰ ꓠꓹ ꓟ-ꓸ ꓪꓴ ꓡ ꓟꓴ ꓡ ꓠꓹ ꓟ ꓐꓱ ꓶ ꓪꓴ-ꓢ ꓟꓬꓱꓽ ꓬꓰ ꓢꓴ ꓗꓷ ꓠ ꓔ ꓡꓳ= ꓕꓱ ꓟ ꓠꓬ ꓣꓳ ꓗꓪ ꓐꓰ ꓫꓸ ꓔꓬ ꓢꓴ ꓐꓴ ꓶꓼ ꓓꓰꓽ_ ꓟ ꓔꓯ ꓠ ꓠꓹ ꓢꓲ-ꓸ ꓬꓲ ꓪ ꓠꓯꓼ ꓗꓪ ꓫꓱꓸ ꓤ ꓟ ꓔꓯ ꓟꓸ ꓖꓶ ꓢꓲ-ꓸ ꓣꓱꓽ ꓬꓯꓼ_ ꓟ ꓔꓯ ꓬꓰ ꓙ ꓠ ꓔ ꓡꓳ= ꓢꓲ ꓫꓬ ꓕꓳ ꓶ ꓗꓪ ꓪꓴ-ꓢ ꓡꓰ ꓫꓸ ꓔꓬ ꓢꓴ ꓐꓴ ꓶꓼ ꓓꓰꓽ ꓪꓽ ꓘꓴ_ ꓟ ꓔꓯ ꓠ ꓠꓹ ꓖꓶ_ ꓟ ꓔꓯ ꓟꓳ ꓪ ꓓ_ ꓡꓳ=

              ꓓꓳ ꓙꓰ ꓕꓳ ꓶ 3ꓽ7-10 ꓗꓪ ꓖꓳ ꓡꓱ ꓢꓲ ꓪꓴ-ꓢ ꓡꓰ-ꓸ ꓬꓲ-ꓙꓲ ꓟꓵꓽ ꓗꓪ ꓔꓬ ꓟ ꓥꓪ ꓑ ꓫꓬꓼ ꓐꓴ ꓫ ꓙꓵꓸꓹ ꓔꓬ ꓟ ꓔꓯ ꓥꓪ ꓟꓳꓸꓹ ꓗꓷꓳ= ꓪꓽ ꓤ ꓙꓵꓽ ꓒ ꓐꓴ ꓡꓰ ꓬꓲ ꓪ ꓔꓯ ꓘꓶꓸꓹ ꓙꓵꓸꓹ_ ꓟ ꓑꓶꓸ ꓓꓴ ꓬꓲ ꓪ ꓠꓸꓹ ꓪꓴꓽ_ ꓟ ꓢꓯꓼ ꓔꓯ_ ꓟꓲ ꓥꓪ ꓑ ꓙꓽ ꓗꓷꓳ= ꓬꓲ ꓪ ꓫꓸ ꓙꓵ_ ꓟ ꓔꓯ_ ꓟꓲ ꓥꓪ ꓢꓷꓸ ꓡꓰꓳ= ꓡꓯ-ꓸ ꓥꓪ ꓑ ꓫꓬꓼ ꓬꓲ-ꓢꓷ-ꓡꓰ ꓠꓴ ꓔꓯ ꓬꓲ-ꓙꓲ ꓟꓵ ꓗꓪ ꓐꓰ ꓧꓳꓽ ꓓꓳ ꓡ ꓠꓹ ꓟ-ꓸ ꓥꓪ ꓡꓰ ꓠꓴ ꓔꓯ ꓪ ꓔꓲ ꓩ-ꓣꓳ ꓔꓬ ꓗꓪ ꓝꓲ ꓩꓴ ꓗꓷ_ ꓥꓳ-ꓸ ꓐꓯ_ ꓡꓳ= ꓪꓴ-ꓢ ꓡꓰ ꓬꓲ ꓪ ꓣꓱꓽ ꓬꓯꓼ_ ꓟ ꓔꓯ ꓬꓰ ꓙ_ ꓟ ꓥꓳ= ꓐꓯ ꓟꓴ ꓫꓬꓹ ꓒ 3ꓽ15 ꓗꓪ ꓖꓳ ꓗ ꓠꓯꓸ ꓬꓲ-ꓢꓷ-ꓡꓰ ꓐꓴ ꓠꓬ ꓝꓮꓲ ꓕꓲꓽ ꓧꓪꓹ ꓪꓴ-ꓢ ꓔꓯ ꓘꓴ ꓓꓰꓽ_ ꓕꓯ-ꓸ ꓬꓲ ꓪ ꓔꓯ ꓚꓬꓴ ꓙ ꓢꓴ ꓕꓲ ꓣꓳ ꓓꓳ ꓡ ꓝꓲꓳ= 1 ꓬꓳ-ꓦ 3ꓽ17 ꓗꓪ ꓟꓲ ꓠꓯ ꓗꓪ ꓟ ꓒꓵꓽ ꓶꓽ ꓙꓳ ꓢꓴ ꓕꓲ ꓣꓳ ꓠꓬ-ꓸ ꓬꓲ ꓬꓲꓼ ꓬꓲ ꓠꓬꓲ ꓣꓱꓽ ꓟꓽ ꓡꓳꓼ ꓟ ꓔꓯ ꓟꓳꓸꓹ_ ꓟꓲ ꓬꓲ ꓔꓯ ꓟꓽ ꓫꓱꓸ ꓤ ꓠꓬ-ꓸ ꓬꓲ ꓠꓯꓸꓼ ꓗꓪ ꓪꓴ-ꓢ ꓠꓵ ꓠꓲꓹ ꓮ ꓡꓲ ꓙꓳ ꓐ ꓡ ꓢꓰꓽ= ꓬ-ꓗꓴ 5ꓽ4 ꓗꓪ ꓠꓴ ꓪ ꓦ ꓟꓲ ꓗꓪ ꓜꓽ ꓪꓳꓽ ꓡꓳ ꓪꓳꓽ ꓶꓼ ꓢꓴ ꓪꓽ ꓤ ꓐꓴ ꓔꓯ ꓟꓽ ꓖꓶ ꓖꓶ ꓗꓶ ꓔꓸ ꓟ ꓪꓽ ꓒꓵꓽ ꓠꓬ ꓠꓴ ꓪ ꓔꓯ ꓔꓳꓹ ꓢꓲ ꓘꓴ ꓔꓴ ꓡ_ ꓡꓳ= ꓶꓼ ꓫ ꓢꓴ ꓐꓴ ꓘꓴ_ ꓟ ꓢꓯꓼ_ ꓟꓲ ꓟꓴ ꓡꓳꓹ ꓬꓰ ꓟ ꓢꓲ ꓒ ꓬꓲꓸ ꓠꓸ ꓑꓳ ꓗꓪ ꓓꓵꓽ ꓡꓰꓳ=

Add new comment

7 + 9 =