ꓪꓴ-ꓢ ꓞꓳ ꓫꓵ ꓗꓪ ꓐꓰ ꓫꓸ ꓔꓬ ꓢꓴ ꓐꓱ ꓶ ꓔꓬ ꓖꓴ ꓙꓳ_ ꓡꓳ=

ꓪꓴ-ꓢ ꓞꓳ ꓫꓵ ꓗꓪ ꓐꓰ ꓫꓸ ꓔꓬ ꓢꓴ ꓐꓱ ꓶ ꓔꓬ ꓖꓴ ꓙꓳ_ ꓡꓳ=

ꓪꓴ-ꓢ ꓠꓲꓹ ꓟ ꓗꓪ ꓫꓸ ꓢꓴ ꓐꓱ ꓶ ꓔꓬ ꓖꓴ ꓙꓳ ꓢꓲ ꓬꓰ-ꓢꓴ ꓬꓲ ꓚꓲ ꓛꓬ ꓞꓳ ꓫꓸ ꓡꓰ ꓐꓰ ꓟꓲ ꓠꓯ ꓗꓪ ꓬꓲꓼ ꓡꓸꓸꓳ=

2 ꓘꓳ-ꓡꓱ-ꓕꓴ 8ꓽ9 ꓗꓪ ꓚꓬꓴ ꓙ ꓟ ꓚꓱꓹ ꓔꓯ ꓣꓳ ꓛꓳ ꓕꓯ ꓫꓸ ꓔꓬ ꓢꓴ ꓚꓱꓹ ꓔꓯ ꓟꓳ ꓪ ꓟ ꓥꓳ= ꓚꓬꓴ ꓢꓲ ꓒ ꓠꓬ ꓫꓸ ꓔ ꓟ ꓞꓳ ꓫꓵ ꓤ ꓠꓱ ꓤ ꓡꓲ ꓐꓰ ꓙꓱꓽ ꓤ ꓡꓴꓸꓹ ꓕꓴ ꓗꓪ ꓫꓸ ꓫꓸ ꓟꓶꓽ ꓟꓶꓽ ꓕꓱ ꓡꓱ ꓬꓲꓼ ꓡ_ ꓟ ꓥꓳ= ꓬꓲ ꓪ ꓠꓬ ꓢꓲ ꓒ ꓙꓵꓽ ꓗ ꓗꓪ ꓐꓯ ꓔ ꓟ_ ꓡꓰ ꓐꓰ-ꓸ ꓮ ꓖꓴꓽ ꓕꓲ ꓜꓱꓽ ꓥ ꓠꓬ ꓓꓱꓽ ꓑꓶ ꓤꓽ ꓠꓬꓲꓽ ꓟ ꓪꓴ-ꓢ ꓔꓯ ꓔꓲ ꓖꓶ ꓬꓰ_ ꓡꓳ= ꓡꓴ-ꓘ 2ꓽ24 ꓬꓰ-ꓢꓴ ꓡꓰ ꓪꓴ-ꓢ ꓗꓴꓷꓼ ꓓꓳꓽ ꓚ ꓟꓸ ꓕꓯ ꓫꓸ ꓔ ꓟ ꓞꓳ ꓫꓵ ꓐꓴ ꓠꓬ ꓬꓰ-ꓢꓴ ꓠꓯꓼ ꓗꓪ ꓛꓳ ꓡ_ ꓟ ꓥꓳ= ꓢꓲ ꓒꓽ ꓬꓲ ꓦ ꓠꓬ ꓥꓪ ꓠꓯꓼ ꓗꓪ ꓔꓬ ꓡꓳ= ꓮ ꓡꓲꓳ ꓐꓯ ꓠꓬ ꓞꓳ ꓫꓸ ꓔꓯ ꓶꓼ ꓓꓳ ꓫꓱꓹ ꓓꓳ ꓚ ꓟꓸ ꓖꓶ ꓠꓹ ꓟ ꓬꓲ ꓡꓰ ꓥꓪ ꓔꓯ ꓟꓰ ꓞꓶ ꓟꓰ ꓗꓷꓳ= ꓡꓴ-ꓘ 4ꓽ18

ꓢꓲ ꓒ ꓡꓰ ꓫꓸ ꓢꓴ ꓟꓶ ꓢꓴ ꓐꓱ ꓶ ꓪꓴ-ꓢ ꓠꓲꓹ ꓟ ꓗꓪ ꓬꓲ ꓪ ꓐꓱ ꓶ ꓢꓯꓼ ꓖꓶ ꓘꓶꓽ ꓐꓯ_ ꓟ ꓥꓳ= ꓞꓳ ꓫꓸ ꓠꓴ ꓪ ꓠꓽ ꓶꓼ ꓙꓳ ꓫꓱꓹ ꓙꓳ_ ꓡꓳ= ꓮ ꓡꓲꓳ ꓐꓯ ꓠꓬ ꓪꓴ-ꓢ ꓗꓴꓷꓼ ꓠꓽ ꓠꓴ ꓪ ꓔꓯꓸ ꓟ ꓥ ꓡꓳ= ꓡꓴ-ꓘ 6ꓽ20 ꓗꓪ ꓟꓳ ꓪ ꓟ ꓥꓳ= ꓢꓲ ꓒ ꓡꓰ ꓬꓲ ꓚꓲ ꓛꓬ ꓣꓳ ꓠꓯꓼ ꓗꓪ ꓞ ꓫꓵ ꓕꓲ ꓣꓳ ꓒꓬꓱꓼ ꓡ ꓟ ꓥꓳ= “ꓥꓪ ꓦꓬꓼ ꓟꓶꓼ ꓔꓬ ꓕꓯ ꓠꓴ ꓪ ꓡꓰ ꓥꓪ ꓔꓯ ꓤ ꓓꓴ ꓖꓶ ꓡ_ ꓟ ꓥꓳ=” ꓕꓱ ꓡꓱ ꓫꓸ ꓢꓴ ꓔꓯ ꓫꓱꓸ ꓤ ꓟ ꓠꓲꓹ ꓟ ꓖꓶ_ ꓟ ꓠꓬ ꓟꓴ ꓗꓪ ꓗꓪ ꓓꓵꓽ ꓡꓰ ꓠꓹ ꓟ ꓜꓳ ꓜꓴ ꓪ ꓢꓴ ꓥꓳ ꓐꓰ ꓚ ꓟꓸ ꓔ ꓟ ꓥꓳ=