ꓪꓴ-ꓢ ꓡꓰ ꓣꓳ ꓤꓶꓸꓹ ꓠꓯꓼ ꓗꓪ ꓒꓳꓹ ꓡꓲꓼ ꓠꓹ ꓟ ꓐꓱ ꓶ ꓘꓴ_ ꓟ

ꓪꓴ-ꓢ ꓡꓰ ꓣꓳ ꓤꓶꓸꓹ ꓠꓯꓼ ꓗꓪ ꓒꓳꓹ ꓡꓲꓼ ꓠꓹ ꓟ ꓐꓱ ꓶ ꓘꓴ_ ꓟ

              ꓣꓳ ꓠꓲꓹ ꓟ ꓔꓯ ꓪꓴ-ꓢ ꓐꓰ ꓣꓳ ꓟꓯꓼ ꓚꓳ ꓒꓯꓹ ꓐꓴ ꓔꓯ ꓠꓵ ꓠꓲꓹ ꓙꓳ ꓠꓹ ꓟ ꓐꓯ_ ꓡꓳ= ꓟ-ꓘꓳ 1ꓽ14-20 ꓗꓪ ꓬꓰ-ꓢꓴ ꓡꓰ ꓬꓳ-ꓦ ꓔꓯ ꓐꓱ ꓗꓷ ꓗ ꓠꓯꓸ ꓪꓴ-ꓢ ꓶꓼ ꓓꓳ ꓫꓱꓹ ꓓꓳ ꓚ ꓟꓸ ꓖꓶ_ ꓡꓳ= ꓬꓰ-ꓢꓴ ꓡꓰ ꓟꓸ ꓖꓶ_ ꓟ ꓔꓯ ꓕꓱ ꓠꓬꓲꓽ ꓚꓱꓹ ꓗꓪ ꓐꓰ ꓟꓳ ꓪ_ ꓡꓳ= ꓕꓱ ꓕꓲꓽ ꓙꓵꓸꓹ ꓠꓬ ꓐꓲ ꓞꓲꓼ_ ꓟ ꓦꓬꓼ ꓠꓬꓲ ꓥ ꓡꓳ= ꓦꓬꓼ ꓠꓬꓲ ꓐꓲ ꓡꓳ-ꓸ ꓪꓴ-ꓢ ꓗꓴꓷꓼ ꓠꓶ ꓡꓸꓸꓳ= ꓠꓴ ꓪ ꓠꓲꓹ ꓟ ꓡꓶꓸ ꓢꓲ-ꓸ ꓪꓴ-ꓢ ꓶꓼ ꓓꓳ ꓫꓱꓹ ꓓꓳ ꓔꓯ ꓙꓵꓸꓸ ꓐꓯ_ ꓡꓳ= ꓕꓱ ꓗꓪ ꓐꓰ ꓔꓲ-ꓒ ꓪ ꓔꓲ ꓡꓰ ꓬꓲ ꓙꓵꓸꓹ ꓐꓰ ꓒꓳꓹ ꓡꓲꓼ_ ꓟ ꓚꓱꓹ ꓔꓯ ꓚ ꓟ ꓥꓳ= ꓟ-ꓘꓳ ꓕꓳ ꓶ ꓠꓬ ꓬꓲ ꓙꓵꓸꓹ ꓔꓯ ꓪꓴ-ꓢ ꓚꓬꓴ ꓙ ꓟ ꓟꓬꓱꓽ ꓦꓬꓼ ꓠꓬꓲ ꓔꓯ ꓟꓳꓸ ꓔ ꓡꓳ= ꓦꓬꓼ ꓠꓬꓲ ꓠꓶ ꓡꓳ ꓐꓯ_ ꓟ ꓠꓬ ꓚꓬꓴ ꓙ ꓟ ꓟꓬꓱꓽ ꓐꓰ ꓕꓱ ꓕꓲꓽ ꓙꓵꓸꓹ ꓠꓬ ꓪꓴ-ꓢ ꓬꓲ ꓤ ꓤ ꓔꓲꓸ ꓔꓯ ꓝꓲ ꓩꓴ_ ꓟ ꓑꓶꓸ ꓓꓴ ꓟꓴ ꓗꓪ ꓗꓴꓷꓼ ꓠꓬ ꓟꓬ ꓠꓬꓲ ꓠꓶ ꓡ_ ꓟ ꓚꓱꓹ ꓥꓳ ꓐꓰ ꓚ ꓟ ꓥꓳ= ꓚꓬꓴ ꓙ ꓟ ꓠꓬ ꓠꓵ ꓠꓲꓹ ꓗꓪ ꓐꓰ ꓡꓯꓼ ꓫꓴꓸꓹ ꓕꓲꓽ ꓟ ꓥ ꓡꓳ= ꓖꓳ ꓡꓯꓼ ꓫꓴꓸꓹ ꓠꓬ ꓬꓲ ꓒꓵꓽ ꓟꓽ ꓙꓳ ꓖꓶ_ ꓟ ꓑꓶꓸ ꓓꓴ ꓕꓱ ꓡ ꓠꓹ ꓟ-ꓸ ꓒꓳꓹ ꓡꓲꓼ ꓠꓹ ꓟ ꓘꓴ_ ꓟ ꓥꓳ ꓐꓰ ꓐꓯ_ ꓡꓳ=

            ꓪꓴ-ꓢ ꓠꓵ ꓠꓲꓹ ꓡꓯꓼ ꓫꓴꓸꓹ ꓥ ꓟꓲ ꓬꓲ ꓔꓯ ꓮ ꓟꓬ ꓠꓲꓹ ꓠꓵ_ ꓟ ꓔꓯ ꓟꓸ ꓖꓶ ꓠꓹ ꓟ ꓬꓲ ꓙꓵꓸꓹ ꓥ ꓟꓲ ꓥ ꓡꓳ= ꓖꓳ ꓟ ꓑꓶ ꓓꓴ ꓣꓳ ꓤꓶꓸꓹ ꓣꓳ ꓔꓬ ꓟ ꓠꓬ ꓪꓴ-ꓢ ꓐꓰ ꓣꓳ ꓟꓯꓼ ꓚꓳ ꓒꓯꓹ ꓐꓴ ꓔꓯ ꓠꓵ ꓠꓲꓹ ꓟꓸ ꓖꓶ ꓠ ꓔ ꓟ ꓬꓲ ꓙꓵꓸꓹ ꓥꓳ ꓐꓰ ꓐꓯ_ ꓡꓳ= ꓣꓳ ꓤꓶꓸꓹ ꓗꓪ ꓠꓬꓲꓽ ꓚꓱꓹ ꓙꓳ_ ꓡꓳ= ꓕꓲꓽ ꓚꓱꓹ ꓠꓬ ꓬꓲ ꓙꓵꓸꓹ ꓦꓬꓼ ꓠꓬꓲ-ꓸ ꓬꓲ ꓘꓳꓼ ꓐꓰ ꓝꓮꓲ ꓕꓲꓽ ꓚꓱꓹ ꓠꓬ ꓪꓴ ꓟꓴ ꓡ_ ꓟ ꓙꓵꓸꓹ ꓥ ꓟ ꓦꓵꓸꓹ ꓡ_ ꓟ ꓙꓵꓸꓹ ꓤ ꓠꓱꓸꓹ ꓤꓶꓸꓹ ꓞꓳ ꓡꓱ ꓤꓶꓸꓹ ꓟꓳ ꓡ_ ꓟ ꓙꓵꓸꓹ ꓫꓵꓸꓸ ꓟ ꓤꓶꓸꓹ ꓕꓱ ꓟꓬ ꓫꓵꓽ ꓗꓪ ꓐꓰ ꓫꓬꓹ ꓔꓱ ꓔ ꓡꓳ= ꓙꓵ ꓠꓲꓹ ꓠꓬ ꓣꓳ ꓤꓶꓸꓹ ꓗꓪ ꓔꓱ_ ꓟ ꓦ ꓕꓲꓽ ꓒꓳꓹ ꓗꓪ ꓧꓪ ꓟꓶ ꓠꓹ ꓟ ꓬꓰ ꓙ ꓡꓳ= ꓬꓰ-ꓢꓴ ꓘꓴ_ ꓟ ꓔꓯ ꓟꓽ ꓡꓳꓹ ꓬꓰ ꓠꓹ ꓟ ꓮ ꓙꓵꓽ ꓢꓴ ꓠ ꓠꓹ ꓠ ꓔ ꓡꓳ= ꓪꓴ-ꓢ ꓘꓴ_ ꓟ ꓔꓯ ꓐꓯ ꓙ ꓟꓶ ꓠꓹ ꓟ ꓟꓹ ꓟ ꓟ-ꓡꓲ ꓥ ꓟꓲ ꓣꓳ ꓔꓯ ꓬꓰ ꓙ ꓔ ꓙ ꓡꓳ= ꓟꓲ ꓠꓯ ꓡꓽ ꓞꓳ ꓠꓲꓹ ꓟ ꓠꓯꓼ ꓗꓪ ꓐꓰ ꓠꓵ ꓠꓲꓹ ꓐꓰ ꓒꓵꓽ ꓚꓳ_ ꓟ ꓗꓪ ꓣꓳ ꓔꓯ ꓒꓳꓹ ꓡꓲꓼ ꓠꓹ ꓟ ꓬꓰ ꓙ ꓝꓲ=