ꓪꓴ-ꓢ ꓬꓲꓸ ꓠꓵ ꓠꓲꓹ ꓮꓸ ꓔꓳꓸ ꓠꓬ ꓫꓱꓸ ꓤ ꓠꓲꓹ ꓠꓯꓸꓼ ꓗꓪ ꓐꓬꓻ ꓔꓬꓹ ꓡꓳ=

ꓪꓴ-ꓢ ꓬꓲꓸ ꓠꓵ ꓠꓲꓹ ꓮꓸ ꓔꓳꓸ ꓠꓬ ꓫꓱꓸ ꓤ ꓠꓲꓹ ꓠꓯꓸꓼ ꓗꓪ ꓐꓬꓻ ꓔꓬꓹ ꓡꓳ=

8 ꓦꓻ ꓟ 18 ꓠꓬꓲ꓾2019

ꓕꓲꓽ ꓠ ꓡꓰ ꓕꓲꓽ ꓠꓽ ꓠ-ꓦꓬ-ꓠꓬꓲ ꓑ ꓫꓬꓼ ꓐꓴ ꓜꓲꓼ ꓡꓳˍ ꓟ ꓐꓰ Angelus ꓪꓽ ꓘꓴˍ ꓟ ꓗꓪ ꓠꓲꓹ ꓟ ꓔꓯ ꓒꓴꓺ ꓔ ꓢꓲ꓾ ꓣꓱꓽ ꓞ ꓢꓴ ꓐꓴ ꓤꓶꓻ ꓔꓯ ꓛꓵꓹ ꓔꓴꓺ ꓖꓶꓽ ꓠꓹ ꓟ꓾ ꓟꓽ ꓓꓵꓽ ꓙꓽ ꓟ ꓡꓰ ꓐꓰ꓾ ꓟꓽ ꓟꓳꓻ ꓟ ꓡꓰ ꓐꓰ ꓬꓰ ꓔꓬꓹ ꓟ ꓔꓯ ꓡꓳ ꓗꓷ ꓠꓹ ꓟ ꓬꓰ-ꓢꓴ ꓙꓲꓻ ꓢꓴ ꓠꓬ꓾ ꓪꓴ-ꓢ ꓬꓲꓸ ꓠꓵ ꓠꓲꓹ ꓮ ꓔꓳꓸ ꓔꓯ ꓟꓲ ꓠꓯ ꓕꓱ ꓟ ꓗꓪ ꓣꓴꓺ ꓔꓯꓹ  ꓡˍ ꓟ ꓥꓳ꓾ ꓐꓰ ꓔꓲꓺ ꓒꓽ ꓪꓺ ꓔꓲ ꓝꓣꓮꓠꓚꓲꓢ ꓡꓰ ꓐꓯ ꓗꓷꓳ=

ꓠꓬꓲꓸ ꓠꓬꓲ ꓢꓲꓽ ꓫꓬ ꓢꓴ ꓡꓴ-ꓘ ꓕꓳꓽ ꓶ ꓗꓪ꓾’’ꓟꓲ ꓠꓯ ꓗꓪ ꓮꓸ ꓔꓳꓸ ꓐꓬꓻ ꓝꓲ ꓠꓹ ꓟ ꓥꓪ ꓡˍ ꓡꓳ꓾ ꓮ ꓟꓶꓺ ꓡꓰ ꓐꓬꓻ ꓝꓲ ꓠꓹ ꓟ ꓥꓪ ꓠꓲꓹ ꓫꓵˍ ꓡꓳ’’꓾ ꓐꓰ ꓬꓰ-ꓢꓴ ꓙꓲꓻ ꓢꓴ ꓠꓬ ꓬꓲꓸ ꓛꓳꓽ ꓒꓯꓹ ꓐꓴ ꓔꓯ ꓐꓯ ꓗꓷ ꓟ ꓥꓳ=ꓬꓰ-ꓢꓴ ꓡꓰ ꓬꓲꓸ ꓛꓳꓽ ꓒꓯꓹ ꓐꓴ ꓔꓯ ꓠꓲꓹ ꓟ ꓠꓯꓸꓼ ꓗꓪ ꓓꓯꓹ ꓟ ꓟꓽ ꓙꓲꓻ ꓟ ꓮꓽ ꓙꓵꓽ ꓔꓯ ꓡꓳ ꓗꓷ ꓢꓲ꓾ ꓪꓴ-ꓢ ꓬꓲꓸ ꓠꓵ ꓠꓲꓹ ꓮꓸ ꓔꓳꓸ ꓔꓯ ꓘꓳꓹ ꓣꓴ ꓠꓹ ꓟ ꓟꓸ ꓖꓶꓽ ꓙ ꓔꓬꓹ ꓟ ꓥꓳ=ꓪꓴ-ꓢ ꓬꓲꓸ ꓠꓵ ꓠꓲꓹ ꓮꓸ ꓔꓳꓸ ꓠꓬ ꓞꓳ ꓤ ꓐꓴ ꓔꓯ ꓠꓬꓲ ꓟꓳ ꓓꓴ ꓖꓶꓽ ꓢꓲ ꓞꓳ ꓤ ꓜꓴꓻ ꓔꓯ ꓚꓬꓴꓸ ꓙ ꓠꓹ ꓟ ꓥ ꓡꓳ= ꓠꓵ ꓠꓲꓹ ꓮꓸ ꓔꓳꓸ ꓕꓱ  ꓟ ꓔꓯ ꓣꓳꓽ ꓐꓴ ꓗꓪ ꓐꓰ ꓕꓲꓽ ꓖꓺ ꓡꓰ ꓕꓲꓽ ꓖꓺ ꓗꓪ ꓐꓬꓻ ꓔꓬꓹ ꓝꓲ ꓠ ꓗˍ ꓡꓳ=ꓖꓳ ꓡꓱ ꓢꓲ ꓡꓰꓽ ꓬꓰ-ꓢꓴ ꓙꓲꓻ ꓢꓴ ꓬꓲꓸ ꓔꓯ ꓛꓳꓺ  ꓢꓴ ꓒꓬꓱꓼ ꓡ ꓓꓴ ꓥꓳ=

ꓪꓴ-ꓢ ꓬꓲꓸ ꓠꓵ ꓠꓲꓹ ꓮꓸ ꓔꓳꓸ꓾ ꓬꓰ-ꓢꓴ ꓙꓲꓻ ꓢꓴ ꓟꓲ ꓠꓯ ꓗꓪ ꓣꓴ ꓔꓯꓹ ꓡˍ ꓟ ꓮꓸ ꓔꓳꓸ ꓗꓪ ꓐꓰ ꓕꓲꓽ ꓣꓳ ꓛꓳꓽ ꓕꓲꓽ ꓣꓳ ꓟꓽ ꓧꓳꓹ ꓡꓯꓽ ꓘꓳ ꓟ꓾ ꓦꓯꓸ ꓠꓲꓹ ꓙꓵꓽˍ ꓟ꓾ ꓕꓲꓽ ꓣꓳ ꓡꓰ ꓕꓲꓽ ꓣꓳ ꓕꓲꓽ ꓗꓴꓷꓼ ꓐꓰ ꓕꓲꓽ ꓗꓴꓷꓼ ꓠꓬꓲꓽ ꓗꓴꓸ ꓝ ꓗꓪ ꓟꓽ ꓪꓽ ꓡꓯꓽ ꓘꓳ ꓟ ꓔꓯ ꓐꓬꓻ ꓬꓰ ꓟꓶꓽ ꓬꓰ ꓝꓲ ꓢꓲ꓾ ꓠꓵ ꓠꓲꓹ ꓡꓰꓽ ꓙꓳ ꓔꓬꓹ ꓝꓲ ꓠꓯˍ ꓡꓳ=

ꓕꓲꓽ ꓣꓳ ꓡꓰ ꓕꓲꓽ ꓣꓳ ꓠꓲꓹ ꓟ ꓗꓪ ꓠꓶꓽ ꓛꓳꓽ ꓕꓯꓽ ꓢꓲꓺ ꓗꓪ ꓣꓱꓽ ꓙˍ ꓟ ꓡꓰꓽ ꓐꓬꓻ ꓔꓬꓹ ꓝꓲ ꓠ ꓗˍ ꓡꓳ=ꓙꓲꓻ ꓢꓴ ꓢꓲꓺ ꓤ ꓕꓲꓽ ꓣꓳ꓾ ꓬꓰ-ꓢꓴ ꓔꓯ ꓛꓳꓺ ꓢꓴ ꓕꓲꓽ ꓣꓳ ꓥ ꓟ ꓠꓴꓻ ꓪꓽ ꓠꓲꓹ ꓟ ꓘꓴꓽ ꓠꓯꓸꓼ ꓗꓪ ꓪꓴ-ꓢ ꓠꓵ ꓠꓲꓹ ꓮꓸ ꓔꓳꓸ ꓗꓪ ꓐꓰ꓾ꓟꓽ ꓙꓲꓻ ꓟ ꓮꓽ ꓙꓵꓽ ꓔꓯ ꓐꓬꓻ ꓡꓰ ꓝꓲ=ꓮꓸ ꓔꓳꓸ ꓖꓳ ꓟ ꓔꓯ ꓠꓱꓸ ꓐꓯꓼ ꓠꓲꓹ ꓟ ꓗꓪ ꓟꓲ ꓝ ꓢꓲ ꓐꓬꓻ ꓝꓲ꓾ ꓕꓱꓻ ꓟ ꓠꓬ ꓬꓰ-ꓢꓴ ꓔꓯ ꓛꓳꓺ ꓢꓴ ꓐꓴ ꓬꓰ ꓠ ꓗˍ ꓟ ꓟꓬꓱꓽ ꓥꓳ=

ꓪꓴ-ꓢ ꓬꓲꓸ ꓠꓵ ꓠꓲꓹ ꓮꓸ ꓔꓳꓸ ꓠꓬ ꓣꓳꓽ ꓠꓲꓹ ꓟ ꓠꓯꓸꓼ ꓗꓪ ꓓꓵꓽ ꓡ ꓢꓲ ꓙꓲꓻˍ ꓟ ꓐꓰ ꓟꓽ ꓙꓲꓻ ꓟ꓾ ꓬꓰ ꓓˍ ꓟ ꓐꓰ ꓬꓰ ꓟꓽ ꓓ ꓟ ꓔꓯ ꓖꓴ ꓟꓳꓸ ꓖꓶꓽ ꓡˍ ꓥꓳ=ꓟꓽ ꓫꓬꓽ ꓟ ꓮꓽ ꓙꓵꓽ ꓔꓯ ꓫꓬꓽ ꓡꓰ ꓝꓲˍ ꓥꓳ꓾ꓝꓮꓲ ꓠꓬ ꓣꓳꓽ ꓠꓵ ꓠꓲꓹ ꓔꓯ ꓪꓴ-ꓢ ꓬꓲꓸ ꓠꓵ ꓠꓲꓹ ꓡꓰ ꓐꓰ ꓔꓱꓹ ꓚꓵꓺ ꓡꓰ ꓝꓲˍ ꓟ ꓥꓳ=

Photo credit to Vatican News

https://bit.ly/2YZd4gl