ꓪꓴ-ꓢ ꓶꓼ ꓤ ꓫꓱꓹ ꓤ ꓔꓯ ꓡꓽ ꓞꓳ ꓮ ꓙꓵꓽ ꓟꓶꓸꓸ ꓠꓹ ꓟ ꓗꓸ ꓘꓶꓽ ꓒꓴ ꓖꓶ=

                   ꓘꓴ ꓜꓲꓼ ꓞꓳ ꓠꓬ ꓗꓸ ꓘꓶꓽ ꓔꓯ ꓮ ꓕꓯ ꓟꓲ ꓒꓴ ꓖꓶꓽ ꓢꓲ-ꓸ ꓪꓴ-ꓢ ꓦꓲ ꓒꓬꓱꓼ ꓡ_ ꓟ ꓥꓳ= ꓕꓱ ꓟ ꓠꓬ ꓪꓽ ꓘꓴ ꓦꓲ ꓗꓸ ꓘꓶꓽ ꓔꓯ ꓮ ꓕꓯ ꓟꓲ ꓒꓴ ꓢꓲ-ꓸ ꓣꓳ ꓦ ꓗꓪ ꓐꓰ ꓪꓴ-ꓢ ꓔꓯ ꓧꓪ ꓠꓲꓹ ꓫꓵꓽ ꓢꓴ ꓠꓬ ꓗꓸ ꓘꓶꓽ ꓝꓲꓸ ꓔ ꓟ ꓪꓽ ꓘꓴ ꓦꓲ ꓔꓯ ꓟ ꓞꓲ ꓡꓰ ꓠꓹ ꓟ ꓥ ꓡꓳ= ꓠꓱꓸ ꓐꓯꓼ ꓟꓽ ꓝꓲꓸ ꓠ ꓔꓸ ꓟ ꓗꓸ ꓘꓶꓽ ꓥ ꓟꓲ ꓙꓳ_ ꓡꓳ= ꓮ ꓙꓵꓽ ꓠꓬ ꓘꓴ ꓜꓲꓼ ꓞꓳ ꓗꓪ ꓕꓲꓽ ꓚꓱꓹ ꓚꓱꓹ ꓗꓪ ꓐꓰ ꓢꓯꓼ ꓕꓵꓼ ꓢꓲ ꓐ ꓔꓬ ꓢꓴ ꓡꓰ ꓥꓳ= ꓮ ꓫꓵꓽ ꓟꓽ ꓥ ꓟ ꓚꓱꓹ ꓗꓪ ꓐꓰ ꓢꓰꓚꓣꓮꓟꓰꓠ ꓪ ꓟꓶ ꓠꓹ ꓟ ꓗꓸ ꓘꓶꓽ ꓔꓯ ꓟꓽ ꓝꓲꓸ ꓠ ꓔ ꓡꓳ= ꓕꓱ ꓟ ꓠꓬ ꓪꓴ-ꓢ ꓶꓼ ꓤ ꓫꓱꓹ ꓤ ꓟꓶ ꓠꓹ ꓟ ꓗꓸ ꓘꓶꓽ ꓐꓯ_ ꓟ ꓥꓳ= ꓢꓰꓚꓣꓮꓟꓰꓠ ꓶꓼ ꓤ ꓫꓱꓹ ꓤ ꓗꓪ ꓐꓰ ꓦ ꓕꓲꓽ ꓒꓳꓹ ꓗꓪ ꓢꓯꓼ ꓪ ꓟꓶ ꓠꓹ ꓟ ꓐꓱ ꓶ ꓢꓲ ꓫꓬ ꓖꓳ ꓓꓱ ꓘꓳꓹ ꓣꓴ ꓟ ꓢꓯꓼ ꓪ ꓟꓶ_ ꓟ ꓘꓴ ꓜꓲꓼ ꓞꓳ ꓡꓽ ꓞꓳ ꓐꓱ ꓶ ꓡꓯꓼ ꓫꓴꓸꓸ ꓖꓶ_ ꓟ ꓡꓰ ꓟ ꓞꓲ ꓢꓯꓼ ꓐ ꓢꓴ ꓐꓴ ꓐꓱ ꓶ ꓦ ꓠꓯ ꓞꓲꓼ ꓐꓰ ꓙꓲ ꓖꓴ ꓙꓳ_ ꓟ ꓜ ꓫꓵꓽ ꓥ ꓡꓳ= ꓘꓴ ꓜꓲꓼ ꓞꓳ ꓠꓬ ꓢ-ꓢꓶ-ꓠ ꓟꓬꓱꓽ ꓔꓯ ꓓ ꓪꓴꓸ ꓬꓰ_ ꓕꓯ ꓮ ꓙꓵꓽ ꓢꓴ ꓔꓬ ꓟ ꓗꓪ ꓙꓲ ꓠ ꓔꓸ ꓡꓳ= ꓖꓳ ꓡꓱ ꓥ ꓟꓲ ꓮ ꓟꓽ ꓔꓬ ꓗꓪ ꓓ ꓪꓴꓸ ꓙꓲ ꓠ ꓔꓸ ꓡ? ꓢꓲ ꓫꓬ ꓕꓳ ꓶ ꓗꓪ ꓐꓳ ꓔ ꓡꓳ= ꓡꓴ-ꓘ 14ꓽ14 ꓬꓲ ꓪ ꓠꓽ ꓠꓴ ꓔꓯ ꓮ ꓫꓵꓽ ꓡꓲꓸ ꓖꓶ ꓓꓴ ꓟꓽ ꓙꓳ ꓠꓬꓲ-ꓸ ꓠꓴ ꓠꓬ ꓶꓼ ꓤ ꓫꓱꓹ ꓤ ꓟꓶ ꓢꓲ-ꓸ ꓙꓲ ꓫꓬ ꓢꓴ ꓐꓴ ꓢꓯꓸ ꓬꓲꓼ ꓡ ꓕꓯ ꓠꓴ ꓔꓯ ꓡꓲꓸ ꓖꓶ ꓡ_ ꓥꓳ-ꓸ ꓐꓯ_ ꓡꓳ= ꓞꓳ ꓫꓸ ꓐꓴ ꓔꓯ ꓪꓴ-ꓢ ꓶꓼ ꓓꓳ ꓫꓱꓹ ꓓꓳ ꓔꓯ ꓬꓲ ꓒꓵꓽ ꓟꓽ ꓧꓪ ꓚ ꓟꓸ ꓖꓶ ꓠ ꓔ ꓡꓳ= ꓣꓳ ꓙꓵꓸꓹ ꓠꓲꓹ ꓐꓰ ꓞꓳ ꓫꓸ ꓐꓴ ꓔꓯ ꓟꓽ ꓑꓯ ꓬꓲ ꓪ ꓔꓯ ꓮ ꓕꓯ ꓥ ꓟꓲ ꓬꓲ ꓪ ꓐꓰ ꓕꓲꓽ ꓪ ꓙꓸꓸꓸ ꓫꓱꓸꓹ ꓠ ꓔ ꓡꓳ=