ꓪꓽ ꓘꓴ ꓟ ꓠꓬ ꓮ ꓕꓯ ꓟꓲ ꓒꓳꓹ ꓖꓶ ꓡ_ ꓟ ꓥꓳ=

ꓔꓲ-ꓒ ꓪ ꓔꓲ ꓝꓣꓮꓠꓚꓲꓢ

Monday, February 15, 2021

ꓪꓴ-ꓢ ꓠꓬ ꓣꓳ ꓪꓽ ꓘꓴ ꓢꓯꓼ ꓔꓯ ꓮ ꓕꓯ ꓟꓲ ꓠ ꓠꓹ ꓖꓶ ꓟ ꓔꓯ ꓬꓰ-ꓢꓴ ꓡꓰ ꓣꓳ ꓔꓯ ꓢꓷꓸ ꓡꓰ ꓝꓲ_ ꓟ ꓥꓳ= ꓪꓴ-ꓢ ꓡꓰ ꓫꓸ ꓓꓴ ꓔꓳꓹ ꓜꓳ ꓔꓬ ꓢꓴ ꓢꓲ ꓤ ꓐꓴ ꓔꓯ ꓟꓽ ꓟꓲ ꓬꓰ_ ꓟ ꓪꓴ-ꓢ ꓑꓶꓸ ꓓꓴ ꓥ ꓡꓳ= ꓣꓳ ꓪꓽ ꓘꓴ ꓟ ꓡꓰ ꓐꓰ ꓟꓽ ꓪ ꓡ ꓕꓯ ꓕꓱ ꓟ ꓔꓯ ꓣꓳ ꓐꓯ ꓓꓴ ꓗꓷ ꓡ_ ꓥꓳ= ꓪꓽ ꓘꓴ ꓢꓲ-ꓸ ꓟꓽ ꓟꓶ ꓟ ꓮ ꓟꓬꓸꓹ ꓧꓪꓹ ꓔꓳꓹ ꓜꓳ ꓠꓬꓲ ꓡ-ꓸ ? ꓣꓳ ꓮ ꓙꓵ ꓔꓳꓹ ꓜꓳ ꓠꓬꓲ ꓥꓳ= ꓮ ꓟꓬ ꓧꓪꓹ ꓗꓸ ꓘꓶꓽ ꓰ' ꓢꓲ-ꓸ ꓗꓸ ꓘꓶꓽ ꓝꓲꓸ ꓔ ꓟ ꓔꓳꓹ ꓜꓳ ꓠꓬꓲ ꓡ? ꓕꓱ ꓡꓱ ꓔꓳꓹ ꓜꓳ ꓕꓯ ꓠꓲꓹ ꓟ ꓫꓵꓸꓸ ꓢꓲ ꓪꓽ ꓘꓴ ꓠꓹ ꓟ ꓣꓳ ꓔꓯ ꓬꓰ-ꓢꓴ ꓡꓰ ꓢꓯꓼ ꓖꓶ_ ꓟ ꓥꓳ= ꓪꓽ ꓘꓴ ꓟ ꓠꓬ ꓮ ꓕꓯ ꓟꓲ ꓒꓳꓹ ꓖꓶ ꓡ_ ꓥꓳ=

ꓣꓳ ꓚꓳ ꓡꓳ ꓚꓳ ꓫꓵꓸꓸ ꓔꓯ ꓒꓳꓸ ꓖꓶ ꓟꓽ ꓐ ꓡ ꓥ ꓟꓲ ꓣꓳ ꓠꓲꓹ ꓟ ꓔꓯ ꓒꓳꓹ ꓖꓶ ꓡ_ ꓥꓳ= ꓪꓽ ꓘꓴ ꓕꓯ ꓮ ꓙꓵ ꓔꓯ ꓢꓲ-ꓫꓬ-ꓟ-ꓦ ꓐꓰ ꓣꓱꓽ ꓛꓰꓽ ꓡꓯꓼ ꓫꓴꓸꓸ ꓖꓶ ꓡ ꓥꓳ ꓬꓰ-ꓢꓴ ꓡꓰ ꓐꓯ ꓟ ꓥꓳ= ꓪꓴ-ꓢ ꓗꓪ ꓐꓰ ꓡꓯꓼ ꓫꓴꓸꓸ ꓟꓶ ꓠꓹ ꓟ ꓣꓳ ꓠꓬ ꓠꓲꓹ ꓟ ꓫꓵꓸꓸ ꓢꓲ ꓪꓽ ꓘꓴ ꓠ ꓔ ꓡꓳ= ꓪꓴ-ꓢ ꓠꓬ ꓥꓪꓸ ꓔꓯ ꓓꓰꓽ ꓢꓲ-ꓸ ꓩꓴ ꓔꓯ ꓖꓶ_ ꓟ ꓐꓹ ꓐ ꓟꓽ ꓥ= ꓕꓲꓽ ꓠꓬꓲ ꓠꓬ ꓣꓳ ꓔꓯ ꓗꓹ ꓛꓲ ꓢꓲ ꓡꓲꓹ ꓟ ꓐꓰ ꓣꓳ ꓣꓱꓽ ꓬꓯꓼ ꓟ ꓮ ꓙꓵꓽ ꓔꓯ ꓪ ꓟꓶꓸꓸ ꓡ ꓥꓳ=