ꓫꓸ ꓔꓬ ꓟ ꓙꓵꓹ ꓗꓪ ꓢꓯꓼ ꓓꓽ ꓟ ꓡꓰ ꓶꓼ ꓓꓰꓽ_ ꓠꓬ ꓪꓴ-ꓢ ꓠꓬ ꓣꓳ ꓐꓰ ꓔꓬ ꓡꓳ=

ꓫꓸ ꓔꓬ ꓟ ꓙꓵꓹ ꓗꓪ ꓢꓯꓼ ꓓꓽ ꓟ ꓡꓰ ꓶꓼ ꓓꓰꓽ_ ꓠꓬ ꓪꓴ-ꓢ ꓠꓬ ꓣꓳ ꓐꓰ ꓔꓬ ꓡꓳ=

                ꓕꓲꓽ ꓠ ꓡꓲꓸ ꓕꓲꓽ ꓠ ꓡꓽ ꓞꓳ ꓐꓴ_ ꓐꓰ ꓝꓲ ꓡꓯꓼ ꓘꓳ_ ꓟ 10 ꓦ 14 ꓠꓬꓲ 2020 ꓘꓳꓼ ꓠꓽ ꓢꓽ ꓠꓬꓲ ꓗꓪ ꓔꓲ-ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓫꓸ ꓔꓬ ꓟ ꓙꓵꓹ ꓗꓪ ꓣꓳ ꓢꓯꓼ ꓓꓽ ꓟ ꓡꓰ ꓪꓽ ꓘꓴ ꓶꓼ ꓓꓰꓽ_ ꓕꓯ ꓪꓴ-ꓢ ꓠꓬ ꓣꓳ ꓔꓯ ꓠꓲꓹ ꓟ ꓗꓳꓸ ꓖꓶꓽ ꓢꓲ ꓣꓳ ꓐꓰ ꓕꓲꓽ ꓪ ꓔꓬ ꓟ ꓥꓳ= ꓟꓴꓽ ꓖꓪ ꓕꓳ ꓶ ꓗꓪ ꓡꓽ ꓞꓳ ꓐꓴ ꓮ ꓡꓲ ꓪꓽ ꓘꓴ_ ꓟ ꓔꓯ ꓟꓳ ꓪ ꓓ_ ꓡꓳ= ꓟꓴꓽ ꓖꓪ ꓕꓳ ꓶ ꓗꓪ ꓠꓬ ꓡꓽ ꓞꓳ ꓮ ꓟꓬ ꓬꓲ ꓪ ꓓꓵꓽ ꓙ_ ꓟ ꓐꓰ ꓬꓲ ꓪ ꓪꓽ ꓘꓴ ꓘꓶꓽ ꓔꓯ ꓟꓳ ꓪ ꓓ_ ꓡꓳ= ꓢꓲ ꓡꓲꓹ ꓗꓹ ꓛꓲ_ ꓟ-ꓸ ꓙꓵꓸꓹ ꓠꓲꓹ ꓣꓳ_ ꓟ-ꓸ ꓕꓱ ꓟ ꓣꓳ ꓤꓶꓸꓹ ꓗꓪ ꓐꓰ ꓪꓽ ꓘꓴ ꓢꓯꓼ ꓔꓯ ꓟꓴꓽ ꓖꓪ ꓕꓳ ꓶ ꓗꓪ ꓟꓳ ꓪ ꓓ_ ꓡꓳ= ꓕꓱ ꓡꓱ ꓡꓽ ꓞꓳ ꓓꓵꓽ ꓙ ꓟꓶ_ ꓟ ꓐꓰ ꓟꓴꓽ ꓖꓪ ꓕꓳ ꓶ ꓔꓯ ꓵ_ ꓢꓴ ꓠꓬ ꓪꓴ-ꓢ ꓔꓯ ꓮ ꓡꓲ ꓫꓱꓸ ꓖꓶꓽ ꓠꓹ ꓟ-ꓸ ꓪꓴ-ꓢ ꓔꓯ ꓫꓸ ꓟꓳ ꓠꓹ ꓟ-ꓸ ꓪꓴ-ꓢ ꓔꓯ ꓶꓼ ꓓꓰꓽ ꓪꓽ ꓘꓴ ꓠꓹ ꓟ ꓔꓯ ꓢꓷꓸ ꓔ ꓡꓳ= ꓟꓴꓽ ꓖꓪ ꓕꓳ ꓶ ꓗꓪ ꓠꓬ ꓣꓳ ꓡꓽ ꓞꓳ ꓮ ꓙꓵꓽ ꓪꓴ-ꓢ ꓫꓸ ꓕꓱ_ ꓟ ꓗꓪ ꓐꓰ ꓪꓴ-ꓢ ꓶꓼ ꓓꓳ ꓫꓱꓹ ꓓꓳ ꓥ ꓡꓳ= ꓫꓸ ꓓꓴ ꓔꓳꓹ ꓜꓳ ꓔꓬ ꓕꓯ ꓣꓳ ꓙ ꓟꓶꓸꓹ ꓚꓵ_ ꓟ ꓠꓬ ꓮ ꓟꓬ ꓗꓪ ꓚꓵ ꓫꓸ ꓓꓴ ꓔꓳꓹ ꓜꓳ ꓠ ꓔ ꓐꓰ ꓥꓳ= ꓫꓸ ꓓꓴ ꓔꓳꓹ ꓜꓳ ꓕꓯ ꓣꓳ ꓡꓲꓹ ꓙꓲ ꓠꓹ ꓟ ꓠꓲꓹ ꓫꓵꓽ_ ꓟ ꓡꓲ ꓐꓰ ꓠꓲꓹ ꓟ ꓫꓸ ꓔꓬ ꓕꓯ ꓥ ꓟꓲ ꓠꓲꓹ ꓟ ꓗꓳꓸ ꓖꓶꓽ ꓓꓴ ꓣꓱꓽ ꓬꓯꓼ_ ꓟ ꓥꓳ= ꓠ ꓓꓴ ꓒꓬ ꓓꓴ ꓔꓯ ꓠ ꓫꓬꓹ ꓒꓬꓽ ꓫꓬꓹ ꓖꓶ ꓠꓹ ꓟ ꓡꓲ ꓐꓰ ꓣꓳ ꓝꓴꓲ ꓔꓯ ꓥ ꓟꓲ ꓝꓴꓲ ꓣꓷꓠꓸ ꓠ ꓔ ꓟ ꓡꓲ ꓐꓰ ꓝꓴꓲ ꓖꓼ ꓖꓶ ꓠ ꓔ ꓡꓳ= ꓣꓳ ꓤꓶꓸꓹ ꓗꓪ ꓫꓸ ꓓꓴ ꓐꓰ ꓠ ꓓꓴ ꓔꓯ ꓟꓽ ꓫꓬꓹ ꓖꓶ ꓠꓬ ꓣꓳ ꓤꓶꓸꓹ ꓗꓪ ꓟꓽ ꓚꓬꓴ ꓟꓶ ꓐꓰ ꓟꓴꓽ ꓖꓪ ꓕꓳ ꓶ ꓗꓪ ꓟꓳ ꓪ ꓡꓳ=

                ꓫꓸ ꓓꓴ ꓔꓳꓹ ꓜꓳ ꓕꓯ ꓥꓴ ꓢꓲ ꓣꓳ ꓠꓲꓹ ꓟ ꓘꓴꓽ ꓗꓪ ꓙꓳ_ ꓟ ꓡꓲ ꓐꓰ ꓪꓴ-ꓢ ꓔꓯ ꓫꓸ ꓕꓱ ꓠ ꓔ ꓡꓳ= ꓪꓴ-ꓢ ꓠꓲꓹ ꓟ ꓗꓸ ꓘꓶꓽ ꓠꓬ ꓮ ꓕꓯ ꓥ ꓟꓲ ꓒꓵꓽ ꓖꓶ_ ꓟ ꓥꓳ= ꓡꓽ ꓞꓳ ꓐꓴ ꓕꓲꓽ ꓣꓳ ꓡꓲ ꓕꓲꓽ ꓣꓳ ꓠꓲꓹ ꓟ ꓗꓸ ꓘꓶꓽ ꓝꓲꓸ ꓔ ꓥ ꓟꓲ ꓪꓴ-ꓢ ꓠꓬ ꓮ ꓙꓵꓽ ꓢꓴ ꓐꓱ ꓶ ꓮ ꓕꓯ ꓥ ꓟꓲ ꓠꓲꓹ ꓟ ꓗꓸ ꓘꓶꓽ ꓒꓵ ꓖꓶ_ ꓟ ꓥꓳ= ꓕꓲꓽ ꓟꓲ ꓠꓯ ꓡꓱꓼ ꓝꓴꓲ ꓡꓰ ꓧꓪ ꓥ ꓟꓲ ꓪꓴ-ꓢ ꓗꓪ ꓐꓰ ꓚꓬꓴ ꓟꓶ _ ꓟ ꓣꓱꓽ ꓛꓰ ꓙꓳ_ ꓡꓳ= ꓪꓽ ꓘꓴ_ ꓟ ꓠꓬ ꓫꓸ ꓓꓴ ꓔꓳꓹ ꓜꓳ ꓔꓬ ꓟ ꓗꓪ ꓐꓰ ꓣꓳ ꓠꓯꓼ ꓗꓪ ꓬꓰ ꓙ ꓟ ꓥꓳ= ꓪꓴ-ꓢ ꓤ ꓠꓱ ꓥ ꓟ ꓣꓳ ꓮ ꓙꓵꓽ ꓶꓼ ꓓꓰꓽ ꓪꓽ ꓘꓴ ꓘꓶꓽ ꓠꓬ ꓪꓴ-ꓢ ꓠ ꓠꓹ ꓖꓶ ꓡꓳ= ꓪꓽ ꓘꓴ_ ꓟ ꓗꓪ ꓐꓰ ꓠꓲꓹ ꓟ ꓗꓹ ꓛꓲ ꓓꓴ ꓠꓹ ꓟ ꓗꓳꓹ ꓖꓶ ꓓꓴ ꓟꓶ_ ꓟ ꓥꓳ=